Monday, September 24, 2018

அதாஉல்லா வின் அராஜகம். உடையுமா கட்சி?

தேசிய காங்கிரஸ் தலைமை மற்றும் அதன் பிரதி தலைவர் உதுமாலெப்பை ஆகிய இருவருக்கிடையிலான முரண்பாடு தொடர்பாக கட்சியின் முக்கியஸ்தர்களை தொடர்பு கொண்டும் ஆய்வுகளின் அடிப்படையில் இந்த கட்டுரை எழுதப்படுகிறது.

பாராளுமன்ற தேர்தல் ஒன்றின் தோல்வியின் பின்னால் அமைச்சர் அதாஉல்லா கட்சி முக்கியஸ்தர்களுக்கான இடை வெளி வெகுவாக அதிகரித்து வந்தது என்பதும் அதாஉல்லா தனது கட்சியை இனி முன் கொண்டு செல்ல முடியாது எனும் சூழலில் அக்கரைப்பற்று பிரதி மேயராக இருக்கும் அஸ்மி அப்துல் கபூர் தான் தலைமையாக இருக்கின்ற அதாஉல்லா வோடு மிக கடுமையாக உழைத்தார் என்பதும் கட்சி தலைவரின் நம்பிக்கைக்கு உரியவராக மாறினார் என்பதும் அனைத்து போராளிகளாலும் ஏற்க கூடியதாக இருந்தது.

பிளவின் தொடக்க புள்ளி. கடந்த உள்ளூராட்சி மன்ற தேர்தலில் கட்சி அகில இலங்கை மக்கள் காங்கிரஸுடன் போட்டியிட வேண்டுமென உதுமா லெப்பை உள்ளிட்ட அணியினர் விரும்பியதாகவும் இணைந்து போட்டியிடக் கூடாது தனித்து போட்டியிட வேண்டுமென தலைவர் அதாஉல்லா விரும்பியதாலும் அதை நியாய படுத்துகின்ற தேவை அஸ்மி அப்துல் கபூருக்கு இருந்தமையும் ஆரம்பமாக உருவாகிய விடயமாகும்.

அதனை தொடர்ந்து அக்கரைப்பற்று மாநகர வேட்பாளர் தெரிவின் போது சட்டத்தரணி பஹீஜ் உள்ளிட்ட சிலர் மேயர் வேட்பாளராக தங்களை முன்னிறுத்திவரும் சூழ்நிலையில் மேயராக அதாஉல்லாவின் மகன் சக்கி அதாஉல்லாஹ் முன்னாள் மேயர் வர வேண்டுமென பகிரங்கமாக குறிப்பிட்ட சிலரின் கனவுகளில் மண்ணை தூவ அஸ்மி அப்துல் கபூர் தான் காரணமாக இருந்தார் என்பதும் இரண்டாவது விடயம்.

அதே வேளை சட்டத்தரணி பஹீஜ் போட்டியிட இருந்த அக்கரைப்பற்று நகர பள்ளி வட்டார வேட்பாளராக அங்கு எதிரணி வேட்பாளராக சிறாஜ் மசூர் போட்டியிட்டதால் அதாஉல்லா தனது இரண்டாவது மகனான டில்சானை போட்டியிட வைத்தார். அது தேசிய காங்கிரஸின் வெற்றி வியூகமாகவும் அமைந்தது. அதன் பின்னர் அதாஉல்லா தனது மகனை மேயராகவும் தான் கட்டளையிட்டவுடன் ராஜினாமா செய்ய தயாராக இருக்க வேண்டும் என்ற நிபந்தனையுடன் அஸ்மி அப்துல் கபூரை பிரதி முதல்வராகவும் நியமித்தார்.

அந்த விடயத்துக்கு எதிராக மேயர் பிரதி மேயர் கனவுகளை சுமந்த சிலரால் டயர்கள் எரியூட்டப்பட்டுகட்சி தலைவருடைய கட்அவுட்களும் அக்கரைப்பற்றில் சிலரால் வீதியில் போட்டு எரிக்கப்பட்டது. இவ்வாறான சூழலில் கட்சி பரவலாக்கம் செய்யப்பட்டு கிழக்கு மாகாணம் முழுவதும் மக்கள் இணைந்து வருவதையும் அவதானிக்க கூடிய சூழ்நிலை உருவானது. பிளவின் இரண்டாம் கட்டம். ஏற்கனவே மாகாண சபைக்கு வேட்பாளராக சட்டத்தரணி பஹீஜ் நியமிக்க கட்சி தலைவரால் வாக்குறுதியளிக்கப்பட்டதாக பஹீஜ் உடைய தரப்பால் வெளிப்படையாக கூறப்பட்டு வந்த நிலையில் அதாஉல்லா சகி தான் வேட்பாளரென சிலர் கூறி வந்தனர்.

உதுமாலெப்பையின் முரண்பாட்டிற்கான புள்ளி. சட்டத்தரணி பஹீஜ் உதுமாலெப்பை ஆகிய இருவருக்குமிடையில் பல சந்திப்புகள் நிகழ்ந்து, தொகுதி அடிப்படையில் மாகாண சபை தேர்தல் நிகழ்ந்தால் அக்கரைப்பற்றில் சகி அதாஉல்லாஹ் போட்டியிட்டால் உங்களது இடம் பறி போகும் எனவும், கட்சி சென்ற முறை அஇமக யுடன் போட்டியிட்டிருந்தால் அட்டாளைச்சேனையில் ஆட்சி அமைத்திருக்க முடியுமெனவும், தங்களுடைய கருத்துக்களை கவனத்தில் கொள்ளாது அஸ்மி அப்துல் கபூரினுடைய கருத்தில் கொள்ளப்படுவதாவும் கூறப்பட்டு இவ்வாறான விடயங்களுக்கு காரணமானவர் அஸ்மி அப்துல் கபூர்தான் எத்தி வைக்கப்பட்டது.

இதனை தொடர்ந்து கட்சி முக்கியஸ்தர்கள் சிலரையும் தம்மோடு இணைத்து கொள்ள சட்டத்தரணி பஹீஜ் முயற்ச்சித்த வேளை அவர்களால் செய்தி அதாஉல்லா அவர்களின் காதுகளுக்கு எட்டியது. குறிப்பாக இறக்காம அபிவிருத்தி குழு இணைத் தலைவர் மன்சூர், கல்முனை மாநகர சபை உறுப்பினர் சட்டத்தரணி ரிபாஸ் மூத்த உறுப்பினர் உவைஸ், பாலமுனை வாகிட், புர்கான் ஜேபி, ஹுதா உமர் போன்றவர்களுடன் ரகசிய உரையாடல்கள் தலைவர் அதாஉல்லா விடம் பகிரங்கமாக உரையாடப்பட்டிருக்கிறது.

இதனை தொடர்ந்து கட்சியினால் ஏற்பட்ட விரிவாக்க நடவடிக்கையின் போது உதுமாலெப்பைக்கு வழங்கப்பட்ட பிரதி தலைவர் பதவியும், சட்டத்தரணி பஹீஜிக்கு வழங்கப் பட்ட பதவியும் அதாஉல்லா அவர்களை தூரப் படுத்துவற்காக நடவடிக்கை மேற்கொள்வதாக கருதி இதற்கான காரணமாக அஸ்மி அப்துல் கபூரின் கருத்துக்களை தலைவர் அதாஉல்லா அங்கீகரிப்பதாகவுமே இந்த பிளவு நடந்ததாக உறுதிப்படுத்த பட்ட கட்சி தகவல் கூறுகின்றன.

அதாஉல்லா உதுமாலெப்பை இருவருக்கான உறவு இவ்வளவுதானா? பஹீஜின் பதவி ஆசையா? அஸ்மியின் மீது இவர்கள் வைக்கும் குற்றச் சாட்டுக்கள் என்ன? அதாஉல்லா வின் மனநிலை என்ன? எதிர் பாருங்கள்.


Read more...

கட்சியில் சுதந்திரமாக இயங்க அனுமதித்தால் பௌத்த சிங்கள வாக்குகளை பெற்றுத்தருவேன். நவீன்

ஐக்கிய தேசியக் கட்சியினுள் தன்னை சுதந்திரமாக இயங்க அனுமதித்தால் சிங்கள பௌத்த வாக்குகளை பெற்றுக் கொள்ள நடவடிக்கை எடுக்கப்படும் என ஐக்கிய தேசியக் கட்சியின் தேசிய அமைப்பாளர் நவின் திஸாநாயக்க தெரிவித்துள்ளார்.

கொழும்பில் நேற்று நடைபெற்ற செய்தியாளர் சந்திப்பில் பங்கேற்று உரையாற்றிய போது அவர் இதனை குறிப்பிட்டுள்ளார். அவர் மேலும் கூறுகையில்,

ஐக்கிய தேசியக் கட்சியின் தேசிய அமைப்பாளர் என்ற வகையில் நான் சுதந்திரமாக செயற்பட அனுமதிக்கப்பட வேண்டும்.

அவ்வாறு இயங்குவதற்கு சந்தர்ப்பம் வழங்கப்பட்டால் கட்சியின் வலுவான விடயங்களை வெளிக்கொணர்ந்து கட்சியை வலுப்படுத்துவேன்.

கட்சியின் இளைஞர் அணி மற்றும் இரண்டாம் நிலை தலைவர்கள் கட்சியை அடுத்த கட்டத்திற்கு நகர்த்த வேண்டுமென்றே விரும்புகின்றார்கள்.

இவர்கள் மத்தியில் எவ்வித முரண்பாடுகளும் போட்டிகளும் கிடையாது. நீண்ட காலமாக அரசியலில் ஈடுபட்டு வருவதனால் தேசிய அமைப்பாளர் பதவியை வகிப்பதில் சிரமங்கள் கிடையாது.

கடந்த தேர்தலில் நுவரெலியா மாவட்டத்தில் பெரும்பான்மை பலம் நிரூபிக்கப்பட்டது. இதேபோன்று தேசிய ரீதியில் சில திட்டங்களை வகுத்து கட்சியை முன்னோக்கி நகர்த்த முடியும்.

கட்சியின் சில தொகுதி அமைப்பாளர்களை நீக்குவதற்கு நடவடிக்கை எடுக்கப்பட உள்ளது. கட்சியிடமிருந்து கைவிட்டுப் போன சிங்கள பௌத்த வாக்குகளை பெற்றுக் கொள்ள நடவடிக்கை எடுக்கப்படும் என கூறியுள்ளார்.

Read more...

எக்சைல் 1984 ; கெடுகுடி சொற்கேளாது- நடேசன்

ஜனநாயகமான கட்டமைப்பற்ற ஆயுத அமைப்புகள் தங்களுக்குள் பிரிவதும் அழிவதும், தாயின் வயிற்றில் குறைபாடான கருவொன்று அபோர்சனாக வெளியேற்றப்படுவது போன்ற இயற்கைச் செயல்பாடாகும். அது போல் இயற்கையின் வலிமையானவை நிலைப்பதும், நலிந்தவை அழிவதுமான டரர்வினியன் தத்துவமாகும் .

இப்படியான டார்வினியன் பரிணாம தத்துவம் இலங்கை தமிழ் அரசியலுக்கும் பொருந்தும். சகோதரஇயக்கங்கள் விடுதலைப்புலிகளால் அழிக்கப்பட்டது என்று பலராலும் கூறப்பட்டாலும், அது மிகையானது. ஆனால் அந்த இயக்கத்தில் இருந்தவர்கள் விடுதலைப்புலிகளால் வேட்டையாடப்பட்டார்கள் என்பதே உண்மையாகும்.

இரண்டிற்கும் என்ன வித்தியாசம் எனக் கேட்கலாம்.

மற்ற இயக்கங்கள் உள்ளக உடைவு(Implosion) மூலம் ஏற்கனவே தங்கள் தலைகளில் துப்பாக்கியால் சுட்டுக் கொண்டு விட்டார்கள். இது இயக்க வரலாறு தெரிந்தவர்களுக்குத் தெரியும். ஆனால் இனவிடுதலையை நோக்கமாக மட்டுமே வந்த இளைஞர்களைத் துடி துடிக்கச் சுட்டு எரித்ததே விடுதலைப்புலிகள் செய்த பாவகாரியம்.

அந்தப் பாவங்கள் அவர்களை நிழலாகத் தொடர்ந்தது. இறுதியில் மற்றவர்களுக்கு அவர்கள் செய்தது, அவர்களுக்கு இலங்கை அரசால் நடந்தது.

சிலருக்கு வேறுவிதமாக நடந்தது. ரெலோ இளைஞர்களைக் கொலைசெய்த கிட்டு, மாத்தையா என்பவர்கள் வயதாகி இறக்கவில்லை. அதேபோல் முள்ளிவாய்க்காலில் நிட்சயமாக பிரபாகரன் சிறிசபாரத்தினத்தின் இறுதி கணங்களை நினைக்காமல் இருந்திருக்க முடியாது . ஒருவேளை ‘இராஜபக்சாவிடம் நான் பேசிப் பார்க்கிறேன்’ என ஒரு இலங்கை இராணுவத் தளபதியிடம் சொல்லியிருக்கலாம். –

86களில் மிகவும் பலமாக இருந்த ரெலோ இயக்கம் இரண்டாகப் பிரிந்து தனது அழிவைத் தேடிக்கொண்டது. இந்தியாவில் இருந்தபோது அதைப் பார்த்தேன்;கேட்டேன்; ஓரளவு தடுப்பதற்கும் முயன்றேன். கெடுகுடி சொற்கேளாதென்ற வார்த்தைக்கு அர்த்தத்தைப் புரிந்து கொண்டேன்.

எனது அக்கால நினைவுகளை மீட்டும் போது வயிற்றுப் பேதிக்காக இரவு குடித்த கசப்பு மருந்து வாயில் வருவது போன்ற உணர்வுகள் ஏற்படும்.

86ம் ஆண்டுகளில் நானும் டாக்டர் சிவநாதனும் தமிழர் மருத்துவ நிலையத்தின் வேலைகளோடு ஒரு வித கட்டைப் பஞ்சாயத்து வேலை என இந்தியத் தமிழிலும், ஊர் விதானை வேலை என நம் ஊர்த் தமிழிலும் சொல்லக்கூடிய வேலைகளில் ஈடுபட்டிருந்தோம். அவை நாங்களாக விரும்பிச் செய்த வேலைகளில்லை. அத்துடன் எமது தொழித் திறமைக்கு உட்பட்டவையல்ல. எந்த லாபமும் இல்லை. ஆனால் இறுதியில் மனக்குழப்பத்தை உருவாக்கி, அன்றிரவு கைக்காசை செலவழித்து மதுவின் மடியில் இருவரையும் கொண்டு நிறுத்தியிருக்கும்.

மதுவைப்பற்றிச் சொல்லாது என் இந்திய நினைவுகளைக் கடந்துபோக முடியாது.

மதுவில் இலங்கைக்கும் இந்தியாவிற்கும் நியாயமான வித்தியாசமுள்ளது. இலங்கையில் வடிசாராயம் கூட பக்தி சிரத்தையோடு வடிக்கப்பட்டிருக்கும். அதிலும் தென்னிலங்கையர்களின் கைபக்குவம் விஷேசமானது . தங்கொட்டுவ பகுதியில் வடிக்கப்பட்டவை. தற்போதைய சிங்கிள் மோல்ட்டைவிடச் சிறந்தவை. ஆனால் இந்தியாவில் எல்லாவற்றையும் குடிக்க முடியாது. இன்றுபோல் வெளிநாட்டு மதுக்கள்
இல்லாத காலம். அடுத்தநாள் தலையிடிக்காது. எழும்பி வேலைக்குச் செல்லவேண்டுமென்ற ஆவலில் எமக்குப் பொருந்திவந்த இந்திய குடிபானம் ரோயல் சாலஞ் எனப்படும் விஸ்கிதான். விலை அதிகமானது. பார்லியில் இருந்து வடிப்பது விஸ்கி. ஆனால் ரோயல் சாலஞ் பெரும்பாலும் இருப்பது கரும்பிலிருந்து வரும் மதுசாரமே- அப்படியென்றால் ரம் அல்லது சாராயம் என்றுதானே போடவேண்டும்? இந்தியாவில் பார்லி விளையாது-கரும்பு ஏராளம். இறக்குமதியான பார்லியுடன், கரும்பில் இருந்துவரும் மதுசாரத்தைக் கலந்து தயாரித்தார்கள். அக்காலத்தில் எமக்குத் ரோயல் சாலஞ் தரமானதாகத் தெரிந்தது. அத்துடன் எனக்குப் புகைபிடிக்கும் பழக்கமும் இருந்தது.

நாங்கள் இருவரும் செய்த விதானை வேலைகள் பல தரப்படும்.

சம்பந்தப்பட்டவர்களது பெயர்களை சொல்லமுடியாததால் தொழில் வகையறாக்களை இங்கு தருகிறேன்.

பல முறை இலங்கையில் இருந்து ஐரோப்பாவுக்குச் சென்னையூடாக செல்லவிருந்த ஆண்கள், பெண்களுக்கு உதவி செய்தோம். அக்காலத்தில் இயக்கங்களில் உள்ளுடைவுகளால் ஒரு சாரரும், விடுதலைப்புலிகளால் அழிக்கப்பட்ட இயக்கங்களில் இருந்து கூட்டில் கலைந்த தேனிகளாக மற்றொரு தொகையினரும் சென்னையில் இருந்து வெளிநாடு செல்லத் தவித்தார்கள். போலிக் கடவுச் சீட்டுகள், எக்சிட் பேர்மிட்டுகள் பலரது தேவைகளாக இருந்தது.

தூள் வியாபாரம் செய்த ஒருவரிடம் விடுதலை இயக்கம் ஒன்று, சென்னையில் பணம் கேட்பதற்காகக் கடத்திவிட்டார்கள் அவரின் மனைவியர் தனது கைக்குழந்தையுடன் எங்களுடன் வந்து கெஞ்சியபோது அவர்கள் கேட்ட தொகையைப் பல மடங்கு குறைக்க உதவினோம்.

எம்மோடு நண்பனாக இருந்த ஒருவனை பின்பு இங்கிலாந்து கடவுச் சீட்டில் கனடா செல்வதற்கு உதவினோம். மெல்பேனில் பிற்காலத்தில் ரைம்ஸ் சஞ்சிகை தபாலில் எனது வீட்டுக்கு வரும்போது ஒரு காலத்தில் ஆப்பிரிக்க இனத்தவனது ஆங்கில கடவுச்சீட்டு ரைம்ஸ் சஞ்சிகையின் நடுப்பக்கத்திற்குள் வந்ததை இன்னமும் நினைக்க வைக்கிறது.

விடுதலைப்புலிகள் தமிழகத்தில் பத்து அணிகளைப் பயிற்றுவித்தார்கள்.அதில் கடைசி அணியில் இருந்து பலர் விலகினார்கள். தப்பிவந்தவர்கள், மற்றும் தண்டிக்கப்பட்டதால் ஓடியவர்கள் எனப் பலருக்கு உதவினோம்.

சில காதல் பிரச்சனைகள் கூட எம்மிடம் வந்தது. அவையே மிகவும் கடினமானதாக இருந்தது.

நான் குடும்பமாக இருந்ததால் பெரும்பாலான விடயங்களை நேரடியாக என்னிடம் வருவதில்லை. பல விடயங்களை டாக்டர் சிவநாதன் கொண்டு வந்து சேர்ப்பார். அவைகள் இறுதியில் எம்மிருவரது பிரச்சனையாகிவிடும். விடுதலை இயக்கங்களில் உள்பிரச்சனைகள் ஏற்படும்போது அவை எம்மிடம் தேடிவரும்.நாங்களும் தேடிப்போவதுண்டு.

86ம் ஆண்டு மே மாதம் ஆறாம் திகதி ரெலோ சிறிசபாரட்ணம் இறந்த நாளாகும். இதற்குச் சரியாக ஒரு மாதத்திற்கு முன்பு நடந்த சம்பவம் இது.

இரவு பத்து மணிக்குச் சென்னை நகரம் இராட்சத மிருகமாக ஒலி, ஒளியுடன், தூசியையும் துர்மணத்தையும் எழுப்பியபடி அசைந்து கொண்டிருந்தது. லிபேட்டி தியேட்டரருகே இருந்த வீட்டிற்குச் செல்வதற்காக எனது பழைய TVS 50 பெரிய பாதையை கடந்து வீட்டிற்குச் செல்லும்போது EPIC தகவல் நிலையத்தருகே கருப்பு பாண்டும், வெள்ளை சட்டை அணிந்து சிந்தனை தேங்கிய முகத்துடன் என்னெதிரே நடந்து வந்துகொண்டிருந்த கொண்டிருந்த ஈழமக்கள் விடுதலை முன்னணித் தலைவர் பத்மநாபாவைக் கண்டதும் வண்டியை நிறுத்தினேன். வழக்கமாக யாரோடாவது சேர்ந்து நடப்பவர் தனிமனிதராக நடந்து வந்து கொண்டிருந்தார் என்பது ஆச்சரியத்தைக் கொடுத்தது.

“ரஞ்சன் ரெலோவிற்குள் பிரச்சனை போலிருக்கு, தாசிற்கும் பொபிக்கும் நல்லா இல்லை போலிருக்கு (ரெலோவின் ராணுவ பொறுப்பாளர் இருவரும்).

“நானும் அப்படித்தான் நினைக்கிறேன்” வருகிறீர்களா சிறியிடம் போவோம்?

“ஓம்” எனத் தலையசைத்ததும் உடனே எனது TVS 50 இல் ஏறிவிட்டார் பத்மநாபா. தலைக்கு ஹெல்மெட் இல்லை என்பதால் எங்கள் TVS 50 மெதுவாகச் சென்றது. அல்லாவிட்டாலும் அது பழைய வண்டி வேகமாகப்போகாது. போகிற வழியில் கேட்டேன் ‘பாதுகாப்புக்கு ஏதாவது ஆயுதம் உள்ளதா? ‘

“இல்லை. தோழர் நாம் ஏன் பயப்பட வேண்டும்?

அப்பொழுது எனது உடல் விறைத்தது. இதயத்துடிப்பு பல மடங்காகியது.

எவ்வளவு விரைவாக சாலிக்கிராமம் செல்லமுடியும்? மாரி காலத்து நத்தைமாதிரி ஊர்கிறதே TVS 50! இதைவிட வேகமாகச் செல்லாது. குறுக்கு வழியில் சாலிக்கிராமம் செல்வோமா? வழியில் ஒரு ஓட்டோக்காரன் சாலையைக் கடந்தவனை ‘ஏய் வூட்டை சொல்லினையா’ என்றபோது வீட்டில் நானும் எதுவும் சொல்லாது வந்தது நினைவு வந்தது.

எனப்பல நினைவுகளுடன் மவுனமாகினேன் . மனத்தில் பயம் போகவில்லை .ஏற்கனவே இயக்கங்கள் இந்திய மண்ணில் கொசு அடிப்பது போல் தங்களுக்குள்ளும் மற்றவர்களையும் கொலைகள் செய்து விட்டிருந்தார்கள். அதை விட கடற்கரைவரையும் கடத்திச் சென்று நடுக்கடலில் புள்ளிவிவரமற்று கல்லில் கட்டி இறக்கியும், கொலை செய்யும் காலத்தில் இந்த மனிதன் தனது பாதுகாப்பைப் பற்றி கவலைப்படவில்லை. இதில் நானும் மாட்டிக் கொண்டேனே! மனத்தின் எண்ணங்கள் ஒளியின் வேகத்தில்ப்பாய , ரெலோ அலுவலகம் இருந்த சாலிக்கிராமம் நோக்கி ஊர்ந்தோம்.

ரெலோ அலுவலகத்திலிருந்தபோது இரவு பத்தரை மணியிருக்கும். அடுத்த வீட்டிலிருந்து ஒரு குழந்தையைக் கையில் ஏந்தியபடி சிறி சபாரட்ணம் வந்தார். அருகில் காண்பது முதல்தடவை. நீலக்கோட்டுச் சட்டை நினைவிருக்கிறது. அந்தப்பிள்ளை ஏற்கனவே இறந்த ரெலோ அங்கத்தவரது பிள்ளையென்றார்.

நாலுமணிவரையும் பத்மநாபாவும் சிறிசபாரத்தினமும் பல விடயங்களைப் பேசினார்கள். இப்படி எழுதுவேன் என்றால் குறித்து வைத்திருப்பேன்.

ஈழவிடுதலையில் இவர்கள் முக்கியமானவர்கள் என்ற எண்ணம் மனத்தில் ஓடியது. நான் இயக்கத்தைச் சாராதவன் என்ற எந்தத் தயக்கமுமின்றி நேரங்கள், காலங்கள், எதிர்காலத் திட்டங்களைப் பற்றி பேசிக்கொண்டிருந்தார்கள். இருவரிலும் மதிப்பு வைத்திருந்தேன். uேசாமல் பார்த்துக்கொண்டிருந்தேன். எனது இதயத்தில் முழுக்க ரெலோ உடையப் போகிறது. இந்தச்சந்திப்பால் ஏதாவது சுமுகமான முடிவு வரவேண்டும் என்பதே நிறைந்திருந்தது. பாலஸ்தீன இயக்கங்கள் உடைபட்ட கதையை படித்திருந்தேன் .

ஐந்து மணிநேரம் பத்மநாபா சிறியிடம் பேசியது “உங்கள் உட்பிரச்சனையை பேசித் தீருங்கள் ” என்பதுதான். அமைதியாகத் தலையாட்டியபடி கேட்ட சிறிசபாரத்தினம் அன்று காலையில் கடற்கரை செல்வதாக சொன்னார். நானும் பத்மநாபாவுடன் ஏதோ ஒன்றைச் செய்துவிட்ட திருப்தியில் ஒளியற்ற அதிகாலையில் கோடம்பாக்கம் திரும்பினோம். இரவில் வீடு வராததால் முகம் சுருங்கிய மனைவி மீண்டும் சுமுக நிலையடைவதற்கு பல நாட்கள் சென்றன. வீட்டில் மனைவிக்கு மகிழ்சியைத்தர ஏதாவது செய்ய வேண்டுமென்ற எண்ணத்தில் சிகரெட்டைப் புகைப்பதை அந்த ஒரு மாதகாலமாக நிறுத்தியிருந்தேன் . மனைவிக்கு எனது இருமலைக் கேட்காத ஒரு மாதகாலமது .

அந்த மாதத்தில் ஒருநாள் விடுதலைப்புலிகள் ரெலோவை அடிப்பதாக செய்தி வந்தது . ஈழமக்கள் விடுதலை முன்னணியினர் வயலஸ் தொலைவாங்கி வைத்திருந்த இடத்திற்குப் போனேன். அங்கிருந்தவர்கள் எனது காதில் ஒலிவாங்கியை வைத்தார்கள் . அது ஒரு அதிகாலை நேரம் . ஒரு மணி நேரமாகக் காதில் வைத்து இலங்கையில் விடுதலைப்புலிகளுக்கும் அடையாற்றில் உள்ள விடுதலைப்புலிகளுக்கும் நடந்த சம்பாசணையை கேட்க முடிந்தது. கிழக்கு மாகாணத்தில் மூதூர் விடுதலைப்புலிகளுக்குப் பொறுப்பான கணேஸ் என்பவர் ஏற்கனவே கிழக்குமாகாணத்தவர்கள் பலர் யாழ்ப்பாணத்தில் கொலை செய்யப்பட்டதால் மேலும் அவர்களைக் கொலை செய்வதற்குத் தயங்கிய விடயம் எனக்கு அவர்கள் பேச்சில் தெரிந்தது. ஆனால் அதற்கு எதிராகப் பல தூசண வார்த்தைகள் அடையாற்றில் இருந்து தெற்கு நோக்கி வானலைகளில் அனுமானாகப் பறந்தது.

மிகவும் மனமுடைந்து அந்த இடத்தைவிட்டு வெளியே வந்தேன். எதிரில் இருந்த ஒருவரிடம் பில்டர் அற்ற சார்மினார் சிகரட் வாங்கி நெஞ்சுக்குள் பலமாக இழுத்தேன். புகையும் நிக்கொட்டினும் ஒரு மாதத்திற்குப்பின் புது அனுபவமாக இருந்தது. சென்னையில் அதிகாலையில் மட்டுமே சிகரட்டை அனுபவிக்கமுடியும்.

யாழ்ப்பாணம் சென்ற சிறிசபாரத்தினம் தாசை யாழ்ப்பாணம் ஆஸ்பத்திரியில் கொலை செய்ததும் பின்பு சிறியுடன் இருநூறுக்கு மேற்பட்டவர்களைப் புலிகள் சுட்டுக் கொன்றதும் சரித்திரமான சம்பவங்களாகும்.

ஈழமக்கள் விடுதலை முன்னணியினர் பலர் கொதித்தபடி விடுதலப்புலித்தலைவர் பிரபாகரனை துக்கியாவது இந்தக் கொலைகளை நிறுத்த முயன்றபோது பத்மநாபாவால் அது தடுக்கப்பட்டதாக அறிந்தேன். சிறி அன்றிரவு பேசிய போது சக்தி வாய்ந்த பல ஆயுதங்களை இந்தியர்கள் தந்ததாகவும் அவற்றை திருகோணமலை பிரதேசத்தில் பாவிக்கும்படி சொல்லியதாக கூறியதைக் கேட்டேன். மேலும் சிறியினது வார்த்தையில் இலங்கைக்குப் போகும்படி ரோவின் ( இந்திய உளவுத்துறை)அறிவுறுத்தல் என்பதே எனக்குப் புரிந்தது. . இப்படியானபோது விடுதலைப்புலிகள், ரெலோ இயக்கத்தை அழித்ததை இந்தியர்களால் தடுத்திருக்கமுடியும். குறைந்தபட்சமாக சிறி சபாரட்ணத்தைப் பாதுகாத்திருக்க முடியும். ஆனால் அவர்கள் எதுவும் செய்யவில்லை. ரோவின் அலுவலகத்தில் ரெலோவின் கெஞ்சியதாக நாராயணசாமியின் ரைகேர்ஸ் ஒவ் லங்காவில் உள்ளது.

ரெலோ விடயத்தில் 86 ல் அப்படி நடந்துகொண்ட இந்தியா, 2009 ல் வேறுவிதமாக நடந்துகொள்வார்கள் என விடுதலைப்புலி ஆதரவாளர்களோ விடுதலைப்புலிகளையோ நினைப்பது முரண்ணகையல்லவா ? பலமானவை பலமற்றவைகளை அழிப்பது விதியல்லவா? வரலாறு அதையே காட்டியுள்ளதல்லவா?

Read more...

Sunday, September 23, 2018

றிசாட்டின் காடழிப்பினால் வில்பத்து வனத்திலுள்ள குளங்கள் வற்றுகின்றது. விலங்கினங்களின் உயிருக்கு ஆபத்து.

வில்பத்து வனப்பிரதேசத்திலுள்ள செயற்கைக்குளங்கள் பலவற்றின் நீர் வற்றிவருதாகவும், இதற்கான காரணம் அமைச்சர் றிசாட்டினால் மேற்கொள்ளப்பட்ட காடழிப்பே என சிங்கள இணையத்தளம் ஒன்று சாடியுள்ளது.

குறித்த செய்தியில், வனப்பிரதேசத்தில் 42 இரண்டு நீர் தேங்கு நிலைகள் உள்ளதாகவும் அவற்றில் 20 பலமாக பாதிக்கப்பட்டுள்ளதாகவும் வில்பத்து பூங்காவின் வின் முகாமையாளர் சம்பத் லக்ஸ்மன் பெரேரா தெரிவித்துள்ளதாக குறிப்பிடப்பட்டுள்ளது.

மஹிந்த அரசின் செல்லப்பிள்ளையாகவிருந்து வில்பத்து பிரதேசத்தில் முஸ்லிம் மக்களை குடியேற்றுவதற்கென றிசாட் பதுயூதீன் லட்சக்கணக்கான ஏக்கர் காணிகளை பெற்றுக்கொண்டார் என்பது யாவரும் அறிந்தது.

குறித்த காணி விடயத்தில் றிசாட் பல்வேறு விமர்சனங்களுக்கு உள்ளாகியிருப்பதும் விடயம் நீதிமன்றவரை சென்றிருப்பதும் இங்கு குறிப்பிடத்தக்கதாகும்.


Read more...

நெடுந்தீவில் குதிரைகள் குடிக்க நீரிண்றி இறக்கையில் பொன்சேகா குளிரூட்டப்பட்ட வாகனங்களில் சவாரி. பாறுக் ஷிஹான்

யாழ்ப்பாணம் நெடுந்தீவு பகுதியில் உள்ள குதிரைகளைப் பராமரிக்க மற்றும் பாதுகாக்க வேண்டிய பொறுப்பில் எவரும் அக்கறையின்றி உள்ளதாக அப்பகுதி மக்கள் மிக அதிருப்தியடைந்த நிலையில் காணப்படுகின்றனர்.

நெடுந்தீவில் வரட்சி காரணமாக குதிரைகள் பல உயிரிழக்கும் நிலை தற்போது ஏற்பட்டுள்ளமை யும் உரிய பராமரிப்பு இன்மையினால் ஆகும் என குற்றம் சுமத்துகின்றனர்.

இப்பகுதியில் குதிரைகள் இறப்பதனைத் தடுப்பதற்கான நடவடிக்கைகளோ அன்றில் அவற்றை பராமரிப்பதற்கான உருப்படியான எச்செயற்பாடுகளோ வனஜீவராசிகள் திணைக்களத்திரால் மேற்கொள்ளப்படவில்லை என தெரிவிக்கும் மக்கள் திணைக்களத்தினர் இவ்விடயத்தில் பொறுப்புணர்வுடன் செயற்படவேண்டும் எனவும் கோரிக்கை விடுக்கின்றனர்.

குறித்த நெடுந்தீவுக் குதிரைகள் போத்துக்கேயரது ஆட்சிக் காலத்தில் அவர்களால் எடுத்துவரப்பட்ட குதிரைகளின் வழித்தோன்றல்களாக காணப்படுவதுடன் மிக நீண்டகாலமாக நெடுந்தீவில் வாழ்கின்றமையினால் இக்குதிரைகள் இப்பிராந்தியத்துக்குரிய தனித்துவமான ஒரு ரகமாக உயிரியலாளர்களால் அடையாளப்படுத்தப்பட்டுள்ளன.

இக்குதிரைகள் சுற்றுலாச் சிறப்பு மிக்க நெடுந்தீவில் சுற்றுலாப் பயணிகளைக் கவருகின்ற உயிரியற் சொத்தாகவும் உள்ளது. மேலும் அங்கு காணப்படும் குதிரைகளை அப்பகுதி மக்கள் சவாரி செய்வதற்கும் மாடுகள் கலைப்பதற்கும் பயன்படுத்தி வருவதும் குறிப்பிடத்தக்கது.

மேற்குறித்த குதிரை இனங்களை பாதுகாக்க முன்னாள் வடக்கு மாகாண விவசாய அமைச்சர் பொன்னுத்துரை ஐங்கரநேசன் தலைமையிலான ஒரு குழுவை வடக்கு மாகாண முதலமைச்சர் சி.வி விக.னேஸ்வரன் நியமித்திருந்தார். இக்குழுவில் வடக்கு மாகாண சபை உறுப்பினர்களான விந்தன் கனகரத்தினம் வை.தவநாதன் பிராந்திய உள்ளூராட்சி உதவி ஆணையாளர் நெடுந்தீவு பிரதேச செயலர் ஆகியோர் உள்ளடங்குகின்றனர்.

இவர்களும் ஏலவே குதிரைகள் குறித்து ஆய்வுகளை மேற்கொண்டு அறிக்கைகளை சமர்ப்பித்திருந்த நிலையில் எந்த வேலைத்திட்டமும் ஒழுங்காக மேற்கொள்ளப்படவில்லை.

இக்குதிரைகள் பாதுகாக்கப்பட்ட மரபுரிமைச் சொத்தாக தேசிய மரபுரிமைத் திணைக்களத்தால் பிரகடனப்படுத்தப்பட்டுள்ள போதிலும் இக்குதிரைகளை வேறிடங்களுக்கு கொண்டு செல்வதுசட்டவிரோதமாகும்.
ஆனால் ஒரு சிலரினால் இவை கடல் மார்க்கமாக கடத்திச் செல்லப்படுவதாக மக்கள் குறிப்பிடுகின்றனர். இதே போன்று நெடுந்தீவுக்கே உரித்தான இவ்வாறான குதிரைகள் இவ்வாறு தொடர்ச்சியாக வேறுபகுதிகளுக்கும் கடத்தபட்டிருக்கலாம் எனவும் சந்தேகம் வெளியிடப்படுகிறது.

உல்லாசப் பயணிகளுக்கான கேந்திர நிலையமாக நெடுந்தீவை மாற்றுவதற்கான நடவடிக்கைகளைதொல்பொருள் திணைக்களத்தினரும் வன ஜீவராசிகள் திணைக்களத்தினரும் மேற்கொண்டு வருகின்றனர்.ஆனால் இக்குதிரைகளின் நலன்களில் எவ்வித அக்கறையும் செலுத்தியதாக தெரியவில்லை.

தற்போது நிலவுகின்ற வரட்சி காரணமாக அங்குள்ள நீர்நிலைகள் வறண்டு போய் இருக்கின்றன.குதிரைகளுக்கு குடிப்பதற்கு நீர் இல்லாமலும் மேய்ச்சலுக்கென போதிய புல் இல்லாமலும் குதிரைகள் இறப்பதற்கு சாத்தியக்கூறுகள் உள்ளதாக விசனம் தெரிவிக்கப்படுகிறது.

மிக நீண்டகாலமாக நெடுந்தீவில் வாழுகின்ற குதிரைகள் இப்பிராந்தியத்துக்குரிய தனித்துவமான ஒரு ரகத்தைச் சேர்ந்தது என அடையாளப் படுத்தப்பட்டுள்ளது.

சுமார் 50 சதுர கிலோ மீற்றர் பரப்பளவைக் கொண்ட சுற்றுலா சிறப்பு மிக்க நெடுந்தீவில் 400க்கும் மேற்பட்ட குதிரைகள் இருப்பதாகக் கணிப்பிடப்பட்டிருக்கின்றது














Read more...

கொலைகாரர்களும் நினைவுகூரப்படக்கூடியவர்கள் என வாதிடச் செல்கிறார் சுமந்திரன்!

புலிகள் அமைப்பின் யாழ் மாவட்ட அரசியல் துறை என்ற பெயர்கொண்டிருந்த கொலப்படைக்கு தலைவராக இருந்தவர் இராசையா பார்த்தீபன் என்ற திலீபன். இவர் இந்திய இராணுவத்தினருக்கு எதிராக நீராகரம் இன்றி உண்ணாவிரதம் இருந்து உயிர்நீர்த்தார் என்பது புலிகள் சார்பு தமிழ் ஊடகங்களும் புலிகளின் முதுகில் பயணம் செய்து தமது அரசியல் இலக்கை எட்ட எத்தனிக்கும் அரசியல்வாதிகளும் நமக்கு சொல்லித்தருகின்ற கதை.

தமீழீழ விடுதலைப் புலிகள் என்று பெயர்கொண்டு செயற்பட்ட அமைப்பு எந்த மக்களின் உரிமைகளுக்காக போராடுகின்றோம் என்று குறிப்பிட்டார்களோ, அந்த மக்களின் அடிப்படை உரிமைகளில் பிரதானமான வாழ்வுரிமை உட்பட சகலவிதமான உரிமைகளையும் பறித்தனர், மட்டுப்படுத்தினர் என்பது யாவரும் அறிந்த உண்மை.

புலிகளால் மேற்கொள்ளப்பட்ட மனிதவிரோத செயற்பாடுகளுக்கு தளபதியாக இருந்தவர்தான் திலீபன். திலீபனை நினைவுகூரும் நிகழ்வுகள் அவர் உயிரிழந்த நல்லூரில் இடம்பெற்று வருகின்றது. இந்நிகழ்வானது அரசியல் கட்சிகள் தமது இருப்பை தக்கவைத்துக்கொள்வதற்கு மேற்கொள்ளப்படுகின்றதோர் நிகழ்வென்பதை ஆரம்ப நிகழ்வுகளின்போது சம்பந்தப்பட்ட தரப்பினர் ரகளையில் ஈடுபட்டமையினூடாக தெளிவாகியுள்ளது.

இந்நிலையில் நல்லூரில் அமைந்துள்ள முன்னாள் பயங்கரவாதியான திலீபனின் நினைவிடத்தில் வரும் 27ம் திகதி நினைவு நிகழ்வை நடத்துவதற்கு தடைவிதிக்குமாறு கோரி யாழ்ப்பாணம் நீதிவான் நீதிவான் மன்றில் யாழ்ப்பாணம் பொலிஸார் விண்ணப்பம் செய்துள்ளனர்.

அத்துடன், நல்லூரில் அமைந்துள்ள திலீபனின் நினைவிடத்தைச் சுற்றி அமைக்கப்பட்டுள்ள இரும்புக் கம்பிகளிலான வேலி மற்றும் அங்கு அமைக்கப்பட்டுள்ள பந்தல், திலீபனின் உருவப் படத்தை அகற்றுவதற்கான கட்டளையை யாழ்ப்பாணம் மாநகர சபையின் ஆணையாளருக்கு வழங்குமாறும் நீதிமன்றில் பொலிஸார் விண்ணப்பம் செய்துள்ளனர்.

யாழ்ப்பாண பிராந்திய மூத்த பொலிஸ் அத்தியட்சகர் வருண ஜெயசுந்தர, உதவிப் பொலிஸ் அத்தியட்சகர் மற்றும் யாழ்ப்பாண பொலிஸ் நிலைய பொறுப்பதிகாரி ஆகியோர் முன்னிலையாகி இந்த விண்ணப்பத்தை யாழ்ப்பாணம் நீதிவானிடம் நேற்று முன்தினம் வெள்ளிக்கிழமை மாலை முன்வைத்தனர்.

யாழ்ப்பாணம் நீதிமன்ற நீதிவானின் சமாதான அறையில் இந்த விண்ணப்பம் முன்வைக்கப்பட்டது.

'இலங்கையிலும் உலக நாடுகளிலும் தடை செய்யப்பட்ட அமைப்பான தமிழீழ விடுதலைப் புலிகளின் உறுப்பினர் ஒருவரை நினைவு கூருவதற்கு நல்லூரில் ஏற்பாடுகள் செய்யப்பட்டுள்ளன என்று பொலிஸாரின் புலனாய்வுத் தகவல்கள் மூலம் அறியக் கிடைத்துள்ளது.

பயங்கரவாத அமைப்பின் உறுப்பினரான திலீபன், உண்ணாவிரதம் இருந்து உயிரிழந்த நல்லூரில் இந்த நினைகூரல் நிகழ்வு இடம்பெறவுள்ளது.

அதற்காக நல்லூரில் அமைந்துள்ள அவரது நினைவிடத்தைச் சுற்றி இரும்புக் கம்பிகளிலான வேலி அமைக்கப்பட்டுள்ளது. அத்துடன், அதற்கு அருகாமையில் பந்தல் இடப்பட்டு மேசையின் மேல் திலீபனின் உருவப் படம் வைக்கப்பட்டுள்ளது.

திலீபனின் நினைவுகூரலை நடத்த தடை உத்தரவு வழங்கவேண்டும். அத்துடன், யாழ்ப்பாண மாநகர எல்லைக்குட்பட்ட பகுதியில் அந்தச் சபையின் ஆணையாளரின் அனுமதி பெறப்படாமல் சட்டவிரோதமாக இரும்புக் கம்பிகளால் வேலிகள் அமைக்கப்பட்டுள்ளன, பந்தல் அமைக்கப்பட்டுள்ளன.

அவற்றை அந்தப் பகுதியிலிருந்து அகற்றுவதற்கு யாழ்ப்பாண மாநகர சபையின் ஆணையாளருக்கு உத்தரவிடவேண்டும்' என்று பொலிஸார் தமது விண்ணப்பத்தில் கோரிக்கை முன்வைத்துள்ளனர்.

பொலிஸ் அதிகாரிகளின் விண்ணப்பத்தை ஆராய்ந்த யாழ்ப்பாண நீதிவான் சின்னத்துரை சதீஸ்தரன், யாழ்ப்பாண மாநகர சபை ஆணையாளரை வரும் 25ஆம் திகதி செவ்வாய்க்கிழமை நீதிமன்றில் முன்னிலையாகுமாறு உத்தரவிட்டார்.

நீதிமன்றின் அழைப்புக் கட்டளை யாழ்ப்பாண மாநகர சபையின் ஆணையாளருக்கு பொலிஸாரால் சமர்ப்பிக்கப்பட்டது.

யாழ்ப்பாண சட்டத்தரணிகள் சங்கத்தின் தலைவி ஜனாதிபதி சட்டத்தரணி சாந்தா அபிமன்யுசிங்கம் தலைமையிலான சட்டத்தரணிகள் இந்த வழக்கில் முன்னிலையாகி பொலிஸாரின் விண்ணப்பத்துக்கு ஆட்சேபனையை முன்வைக்கவுள்ளதுடன் குறித்த அணியில் தமிழ் தேசியக் கூட்டமைப்பின் நாடாளுமன்ற உறுப்பினர் எம்.ஏ.சுமந்திரனும் முன்னிலையாகி நினைவுகூருவதற்கு உரிமையுண்டு என்று மன்றில் சமர்ப்பணம் செய்யவுள்ளார் எனத் தெரியவருகின்றது.

இங்கு எவரை நினைவுகூர்வதற்கு எவருக்கு உரிமையுண்டு? அதற்கு அரச அனுசரணை வழங்கமுடியுமா?
திலீபன் நினைவுகூரப்படுகின்றபோது ஏனையவர்களின் அடிப்படை உரிமைகளை அது மீறுவதாக அமையவில்லையா?
இந்த நினைவுகூரலானது ஒர் கட்டாயத்திணிப்பா?
குறித்த நினைவுகூரலானது திலிபனால் கொலைசெய்யப்பட்ட உறவுகளை நிந்திப்பதாக அமையாதா என்ற கேள்விகளுக்கான பதிலுடனா பா. உ. சுமந்திரன் தனது சமர்ப்பணத்தை முன்வைக்கவுள்ளார்.

திலீபன் பயங்கரவாத அமைப்பொன்றின் முன்னணித் தளபதியாக பல்வேறு கொலைகளில் நேரடியாக தொடர்புபட்டிருந்ததோர் கொலைகாரன். குறிப்பாக புலிகள் இயக்கத்தினர் வடகிழக்கில் செயற்பட்ட ஏனைய விடுதலைப் போராட்ட அமைப்புக்களை தடைசெய்தபோது, அவ்வியக்கங்களை சேர்ந்த உறுப்பினர்களை கொத்துக்கொத்தாக கொன்று குவித்ததில் நேரடியாக சம்பந்தப்பட்ட மற்றும் அதற்கான ஆணைகளை வழங்கிய பயங்கரவாதி.

யாழ் மாவட்டத்தை உலுக்கிய கந்தன்கருணை படுகொலை மற்றும் ரெலோ உறுப்பினர்களை யாழ் வீதிகளில் உயிருடன் டயர் போட்டெரித்தது போன்ற கொலைகளில் திலீபன் நேரடியாக தொடர்புபட்டிருப்பது யாவரும் அறிந்த உண்மை. இவ்விடயங்களில் திலீபன் நேரடியாக சம்பந்தப்பட்டதை நிரூபிக்க இன்றும் கண்கண்ட சாட்சிகள் உண்டு.

திலீபன் எனும் கொலைகாரனை நினைவுகூருவதானது திலீபனால் கொல்லப்பட்டவர்களின் உறவினர்களை நிந்திப்பதாக அமைகின்றது. திலிபன் குறித்த பாதிக்கப்பட்டவர்களுக்கு கொலைகாரனாகவே தென்படுகின்றான், இந்நிலையில் அம்மக்களின் வரிப்பணத்தில் ஊதியம் பெறும் சுமந்திரன் அவர்களது விருப்புக்கு மாறாக திலீபனை நினைவுகூரலாம் அல்லது திலீபன் தியாகி என்று வாதிட முன்வருவது மனிதகுலத்திற்கு எதிரான செயலாகும்.

ஒரு தரப்பு மக்களால் மனிதகுல விரோதி என அறியப்படுகின்ற திலீபனை நினைவுகூர்வதால் ஒரு தொகை மக்கள் உளவியல் தாக்கத்திற்கு உள்ளாகின்றனர் என்பதை கருத்தில்கொண்டு அதற்கான அனுமதியை நீதிமன்று மறுக்கும் என அம்மக்கள் எதிர்பார்கின்றனர்.


Read more...

உழைப்புக்கேற்ற ஊதியம் கோரிய ஆர்ப்பாட்டத்தில் பிராயச்சித்தம் கோரிய சிறிதரன்.

தோட்டதொழிலாளர்களுக்கு நியாயமான வேதனத்தை வழங்ககோரி தொழிற்சங்களும் பல அமைப்புகளும் இனைந்து தலவாகலையில் பாரிய ஆர்பாட்டம் ஒன்றினை மேற்கொண்டது. முதலாளிமார் சம்மேளனத்திற்கு எதிராக 23.09.2018 இன்று ஞாயிற்றுகிமை மேற்கொள்ளப்பட்ட ஆர்ப்பாட்த்திற்கு தலவாகலை நகரிலுள்ள அனைத்து வர்த்தக நிலையங்களும் தமது வியாபார ஸ்தாபனங்களை மூடி ஆதரவு வழங்கின.

குறித்த ஆர்ப்பாட்டத்தில் தமிழ் தேசியக் கூட்டமைப்பின் பா.உ சிறிதரன் கலந்துகொண்டு மூக்குடைபட்டார். மலையக மக்களை வடக்கத்தேயர்கள் என்ற பேச்சுவழக்கிலுள்ள தரம்குறைந்த வார்த்தை பிரயோத்தை பயன்படுத்தி சிறிதரன் மிகவும் விமர்சனத்திற்கு உள்ளாகியிருந்தார் என்பது யாவரும் அறிந்த விடயம். இவ்விடயத்தினால் விசனமடைந்த கிளிநொச்சியில் வாழ்துவருகின்றது மலையக மக்கள் எதிர்வரும் தேர்தலில் தகுந்த பதிலளிப்போம் என்று கங்கணம்கட்டி நிற்கின்றனர். தேர்தல்கள் அறிவிக்கப்படவுள்ள நிலையில், பிராயச்சித்தம் கோரிவிடலாம் என்ற நப்பாஷையில் சிறிதரன் குறித்த ஆர்ப்பாட்டத்தில் கலந்து கொண்டுள்ளார் என நம்பிய இளைஞர்கள் சிறிதரனை பார்த்து ஊழையிட்டனர்.


தோட்ட தொழிற்சங்கங்கள் , சிவில் அமைப்புக்கள் மற்றும் ஆசிரியர் சங்கம் ஆகியோர் இனைந்து இந்த ஆர்பாட்டத்தினை ஏற்பாடு செய்திருந்தது.


தோட்ட்தொழிலாளர்களுக்கு வழங்கபடுகின்ற ஒரு நாள் சம்பளமான 730 ரூபாவானது மாதம் ஒன்றுக்கும் 25 நாட்கள் வேலைசெய்தால் மாத்திரமே வழங்கப்படுவதாகவும், குறித்த நிபந்தனை நீக்கப்படவேண்;டும் என்றும் கோஷம் எழுப்பினர்.


பெருந்தோட்ட தொழிலாளர்களின் கூட்டு ஒப்பந்தமானது இரண்டு வருடங்களுக்கு ஒரு முறை முதலாளிமார் சம்மேளனத்துடன் கைச்சாத்திடபடுகிறது அதன் அடிப்படையில் முதலாளிமார் சம்ளேனத்துடன் இரண்டு ஆண்டுகளுக்கு தோட்ட தொழிலாளர்களின் சம்பள விடயத்தில் கைச்சாத்திடும் தொழிற்சங்கங்கள் நியாயமான சம்பளத்தினை பெற்று கொடுக்கவேண்டுமெனவும் இந்த ஆர்பாட்டத்தின் போது வலியுறுத்தபட்டது.



ஆர்பாட்டத்தின்போது தொழிலாளர் தேசிய சங்கத்தின் தலைவரும் மலைநாட்டு புதிய கிராமங்கள் தோட்டஉட்கட்டமைப்ப மற்றும் சமுதாய அபிவிருத்தி அமைச்சர் பழனி திகாம்பரம், மலையக மக்கள் முன்னணியின் தலைவரும் கல்வி இராஜாங்க அமைச்சருமான வேலுசாமி இராதகிருஸ்னன், மற்றும் பெருந்திரளான தோட்ட தொழிலாளர்களும் கலந்து கொண்டனர்.

அமைச்சர் பழனிதிகாம்பரம் மற்றும் கல்வி இராஜாங்க அமைச்சர் வேலுசாமி இராதகிருஸ்னன் ஆகியோர் தெரிவிக்கையில், பெருந்தோட்ட தொழிலாளர்களுக்கு நியாமான சம்பளத்தை முதலாளிமார் சம்மேளனம் வழங்காவிடின் பாரிய ஆர்பாட்டங்களை மேற்கொள்ள வேண்டி நேரிடும்மென தெரிவித்தனர்.



இதேவேளை மக்கள் விடுதலை முன்னனியும் தோட்ட தொழிலாளர்களுக்கான சம்பளம் அதிகரிக்கபட வேண்டுமென வலியுறுத்தினர்.









Read more...

Saturday, September 22, 2018

ஊர்க்குப்பை அள்ளவேண்டிய அரசியல்வாதி வீட்டுக்குப்பை அள்ளாததால் ஏறுகின்றார் குற்றவாளிக்கூண்டில்.

கிராம சபை தொட்டு மாநகர சபை வரைக்கும் மக்களால் உறுப்பினர்கள் தெரிவு செய்யப்படுவர். இவர்களுக்கு மக்கள் வழங்கும் ஆணை யாதெனில் „அள்ளு குப்பை'. ஆனால் அவ்வாறு தெரிவு செய்யப்படுகின்றவர்களில் எத்தனை பேர் கழிவு அகற்றுவதற்கும் பிரதேசத்தை துப்பரவாக வைத்திருப்பதற்கு உழைக்கின்றார்கள் என்பது கேள்விதான்.

இந்நிலையில் யாழ் மாநகர சபையின் தமிழ் தேசிய கூட்டமைப்பு உறுப்பினர் ஒருவர் தனது சுற்றுக்சூழலை டெங்கு பரவக்கூடிய வகையில் வைத்திருந்தார் என்ற குற்றச்சாட்டுக்கு உட்பட்டுள்ளார்.

கடந்த வியாழக்கிழமை (20) சுகாதார துறையினர் பொலிஸ் உத்தியோகத்தர் சகிதம் யாழ் மாநகர சபை எல்லைக்குட்பட்ட பகுதிகளில் டெங்கு நுளம்பு பெருகும் இடங்களை கட்டுப்படுத்துவதற்காக நடவடிக்கை மேற்கொண்டிருந்தனர்.

இதன்போது கலிமா வீதியில் தற்காலிகமாக வசித்து வந்த யாழ் மாநாகர சபையின் த.தே.கூ உறுப்பினரான எம்.எம்.எம் நிபாஹிரின் வீடுவளவினை பரிசோதித்தபோது அவரது வீட்டில் டெங்கு பரவுவதை கட்டுப்படுத்தக்கூடிய எவ்வித நடவடிக்கையும் மேற்கொள்ளப்படாத நிலைமையே காணப்பட்டுள்ளது.

அது தொடர்பில் உத்தியோகித்தர்கள் நடவடிக்கையில் இறங்கியபோது, அவர்களை அடித்து விரட்ட முற்பட்டுள்ளார், பிரதேசத்தையே துப்புரவாக வைத்திருப்பேன் என்று வாக்கு பெற்று மக்களின் வரிப்பணத்தில் ஊதியம் பெறுகின்ற சபை உறுப்பினர்.

தொடர்ந்து உத்தியோகித்தர்களுடன் வந்திருந்த பொலிஸார் மாநகர சபை உறுப்பினரை எச்சரித்ததுடன் அவருக்கு எதிராக வழக்கு தாக்கல் செய்யுமாறும் உத்தியோகித்தர்களை பணித்துள்ளனர்.

இதே வேளை குறித்த மாநகர சபை உறுப்பினர் கடந்த யாழ்ப்பாண மாநகர சபை தேர்தலில் 10 ஆம் வட்டார வேட்பாளராக போட்டியிடும் போது புத்தளத்தில் நிரந்திர வதிவிடத்தை கொண்டிருந்தார் என்கின்ற குற்றச்சாட்டும் முன்வைக்கப்பட்டள்ளது.

தேர்தலில் வெற்றி பெற்ற இவ்வுறுப்பினர் அதிகமான நாட்களில் வெள்ளை உடைகளையே விரும்பி அணிவதாகவும் ஆனால் தனது வீட்டு சூழலை சுத்தமாக வைத்திருக்க தெரியவில்லை என விசனம் தெரிவிக்கப்படுகிறது.






குறித்த உறுப்பினருக்கு மக்கள் மாலை அணிவித்து அழைத்துவருவதை படத்தில் காண்கின்றீர்கள்.

Read more...

Friday, September 21, 2018

ஆங்கிலம் தெரியாது என்ற அனந்திக்கு, வருகின்றது மேலுமோர் நீதிமன்ற அவமதிப்பு வழக்கு.

வட மாகாண உறுப்பினரான டெனீஸ்வரனை பதவிநீக்கம் செய்திருந்தார் வடமாகாண முதல்வர். அவ்வாறு பதவிநீக்கம் செய்தமை தவறானது என நீதிமன்று தீர்பளித்திருந்ததுடன் அவரை தொடர்ந்தும் அமைச்சராக செயற்பட அனுமதிக்குமாறு நீதிமன்று ஆணையிட்டிருந்தது யாவரும் அறிந்தது.

குறித்த நீதிமன்ற ஆணையை நிறைவேற்றாமை தொடர்பில் நீதிமன்றை அவமதித்த வழக்கொன்று முன்னாள் உயர் நீதிமன்ற நீதியரசர் விக்கனேஸ்வரன் மீது தொடரப்பட்டுள்ளது. இவ்வழக்கில் பிரதிவாதிகளாக மேலும் அனந்தி சசிதரன் மற்றும் சிவநேசன் ஆகியோர் குறிப்பிடப்பட்டுள்ளனர்.

இவ்வழக்கு விசாரணைக்கு எடுத்துக்கொள்ளப்பட்டபோது, குற்றப்பத்திரமும் ஏனைய ஆவணங்களும் ஆங்கில மொழியில் உள்ளனவென்றும் தனது கட்சிக்காரரான அனந்தி சசிதரனுக்கு ஆங்கிலமொழி தெரியாது என்றும் தெரிவித்த அனந்தி சசிதரனின் வக்கீல் கணேசராஜா, குற்றப் பத்திரத்தில் உள்ள விடயத்தை புரிந்துகொண்டு குற்றவாளியா, சுத்தவாளியா என்று பதிலளிக்க முடியாத நிலையில் தனது கட்சிக்காரர் உள்ளதாக மன்றில் தெரிவித்தார்.

அப்போது குறுக்கிட்ட மனுதாரர் டெனீஸ்வரனின் சட்டத்தரணி சுரேன் பெர்னாண்டோ, அனந்தி சசிதரன் ஐ.நா. மனித உரிமைகள் பேரவையில் ஆங்கிலத்தில் உரையாற்றியிருக்கின்றார். அதற்கான வீடியோ ஆதாரங்கள் எங்களிடம் உண்டு.

அவற்றை நீதிமன்றில் சமர்ப்பித்து, ஆங்கிலம் தெரிந்திருந்தும், தமக்கு ஆங்கிலம் தெரியவில்லை என்று கூறியதன் மூலம் இந்த மேன்முறையீட்டு நீதிமன்றத்தை அவர் அவமதித்துள்ளார் எனப் பிறிதொரு நீதிமன்ற அவமதிப்பு வழக்கை நாம் தொடுக்க எண்ணியுள்ளோம். ஆகவே குறித்த விடயத்தை நீதிமன்றப் பதிவுகளில் சேர்த்துக் கொள்ளும்படி வேண்டினார்.

அவரது கோரிக்கையை ஏற்ற நீதியரசர்கள் அந்த விடயங்களை நீதிமன்றப் பதிவுகளில் தவறாது சேர்த்துக்கொள்ள உத்தரவிட்டனர்.


அத்துடன் அங்கு குறுக்கிட்ட நீதியரசர்கள் இந்த வழக்கில் தம் சார்பில் ஆஜராகும் சட்டத்தரணிகளை நியமித்து நீதிமன்றுக்கு எதிர்மனுதாரர் அனந்தி சசிதரன் சமர்ப்பித்த 'புரொக்ஸி' பத்திரத்தை பரிசீலனைக்கு எடுக்க உத்தரவிட்டதுடன் குறித்த புராக்ஸி ஆங்கிலத்தில் நிரப்பப்பட்டிருந்தமை கண்டு தெளிவாகியது.

சட்டத்தரணி ஒருவரை நியமிக்கும் புராக்ஸி எனப்படும் அப்பத்திரத்தினை அனந்தி சசிதரன் ஆங்கில மொழியில் நிரப்பியிருந்தமையை சுட்டிக்காட்டிய நீதிபதிகள் தனது சட்டத்தரணியைத் தாம் நியமிப்பது பற்றிய ஆவணத்தை ஆங்கிலத்தில் சமர்ப்பிக்கும் எதிர்மனுதாரர், தமக்கு ஆங்கில மொழி தெரியாதமையால் குற்றவாளியா, சுற்றவாளியா என்றுரைக்க முடியாமல் உள்ளது என்று கூறும் ஆட்சேபனையை ஏற்க முடியாது என மறுத்துரைத்தனர்.


Read more...

தமிழ் தேசியக் கூட்டமைப்பினர் உல்லாசம் அனுபவிக்கின்றார்களாம்! சொல்றார் சங்கரியார்.

தமிழ் மக்களின் ஏகப் பிரதிநிதிகள் என்று கூறிக்கொண்டு மக்களின் பிரச்சினைகளுக்கு முகம் கொடுக்காமல் தமிழ் தேசியக் கூட்டமைப்பினர் உல்லாசமாக இருக்கின்றார்கள் என்று சாடியுள்ளார் தமிழர் விடுதலைக் கூட்டணியின் தலைவர் ஆனந்த சங்கரி.

தமிழர் விடுதலைக் கூட்டணியின் யாழ்ப்பாண மாவட்டத்தின் புதிய நிர்வாகிகள் தெரிவிற்கான கூட்டம் 18.09.2018 செவ்வாய்க் கிழமை அன்று; நாச்சிமார் கோவிலடி, யாழ்ப்பாணத்தில் அமைந்துள்ள தலைமைச் செயலகத்தில் இடம்பெற்றபோதே அவர் மேற்கண்டவாறு தெரிவித்துள்ளார்.

அங்கு வீ. ஆனந்தசங்கரி அவர்கள் உரையாற்றுகையில் மேலும் தெரிவித்ததாவும்:

மக்கள் தங்களின் பிரச்சினைகளுக்காக வீதியில் இறங்கி அவர்களே போராடவேண்டுமென்றால் மக்கள் பிரதிநிதிகள் எனக் கூறிக்கொள்ளும் இவர்கள் எதற்காக.?

மக்கள்தான் வாக்குப் பிச்சை போட்டு பாராளுமன்ற உறுப்பனர்களின் உல்லாச வாழ்விற்கு வழிசமைத்துக் கொடுத்துள்ளார்கள். மக்கள் தான் எஜமானர்கள். ஆனால் அந்த உணர்வு சிறிதுமின்றி இவர்கள், மக்களின் போராட்டத்தை, வெறுமனே வேடிக்கைப் பார்த்துக் கொண்டிருக்கின்றார்கள்.

வாக்களிப்பதும் மக்கள், தங்கள் பிரச்சினைகளுக்காக போராடுவதும் மக்கள் என்றால் இவர்கள் எதற்காக?. முள்ளிவாய்க்கால் பகுதியில் எமது மக்களின் படுகொலைகளையே வேடிக்கைப் பார்த்தவர்களுக்கு இது ஒன்றும் பெரிதல்லவே.

இந்த நிலைமையை தொடர்ந்தும் நீடிக்க விடாமல், நாம் அனைவரும் நான் பெரிது நீ பெரிது என்று பாராமல் நாடும் மக்களும் பெரிது என நினைத்து அனைவரும் ஒன்றிணைந்து செயற்பட்டு மக்களுக்காக போராட வேண்டும் என்ற எண்ணம் உள்ள மக்கள் பிரதிநிதிகளை தெரிவு செய்ய வேண்டும் எனக் கேட்டுக் கொண்டார்.

மேலும்; உள்ளுராட்சி சபைகளில் தொடர்ந்து தமிழர் விடுதலைக் கூட்டணியின் சார்பில் போனஸ் ஆசனங்களுக்காக தெரிவு செய்யப்பட்ட உறுப்பினர்கள், சுழற்சி முறையில் ஆசனங்களை பகிர்ந்து கொள்ள வேண்டும் எனவும், உடன்படாதவர்கள் மீது ஏற்கனவே கட்சியின் மத்திய செயற்குழுவின் தீர்மானத்திற்கு அமைவாக அவர்களை கட்சியின் உறுப்பினர் பதவியில் இருந்து நீக்கிவிட்டு, புதிய உறுப்பினர்களை உள்ளுராட்சி சபைகளுக்கு நியமனம் செய்ய வேண்டும் என்ற முடிவும் குறித்த ஒன்றுகூடலில் எடுக்கப்பட்டுள்ளன.


Read more...

திருட்டு வழக்கில் இராஜாங்க அமைச்சர் ஹிஸ்புல்லாஹ், அவரின் மகன் உள்ளிட்ட நால்வருக்கு பிணை.

சவுதி அரேபியாவின் நிதியுதவியின் கீழ் தனியார் பல்கலைக்கழகமொன்று நிர்மாணிக்கப்படுகின்றது. இதன் கட்டுமானப் பணிகள் நிறுவனமொன்றிற்கு வழங்கப்பட்டிருந்த நிலையில், குறித்த கட்டுமானப்பணிகள் நடைபெற்றுக்கொண்டிருந்தபோது அங்கு அத்துமீறி பிரவேசித்த நெடுஞ்சாலைகள் மற்றும் வீதி அபிவிருத்தி இராஜாங்க அமைச்சர் M.L.A.M. ஹிஸ்புல்லாஹ், அவரின் மகன் ஹிராஸ் ஹிஸ்புல்லாஹ் உள்ளிட்ட நால்வர் அங்கிருந்த 150 மில்லியன் ரூபா பெறுமதியான நிர்மாணப் பணிகளுக்கான இயந்திரங்கள் மற்றும் உபகரணங்களைக் திருடிச்சென்றதாக வழக்கு தாக்கல் செய்யப்பட்டிருந்தது.

குறித்த வழக்கு நேற்று முன்தினம் வாழைச்சேனை நீதவான் நீதிமன்றத்தில் எடுத்துக்கொள்ளப்பட்டபோது, பிரதிவாதிகளான இராஜாங்க அமைச்சர் M.L.A.M. ஹிஸ்புல்லாஹ் மற்றும் அவரின் மகன் ஹிராஸ் ஹிஸ்புல்லாஹ் உள்ளிட்ட நால்வரையும் தலா 2 இலட்சம் ரூபா ரொக்கப் பிணையிலும் தலா 25 இலட்சம் ரூபா சரீரப் பிணையிலும் செல்வதற்கு நீதவான் ஏ.சி. ரிஸ்வான் அனுமதித்துள்ளார்.

அத்துடன், பிரதிவாதிகள் வெளிநாடு செல்வதாக இருந்தால் கொழும்பு குற்றப்புலனாய்வுப் பிரிவிற்கு தகவல் வழங்கிய பின்னர் செல்லலாம் எனவும் நீதவான் குறிப்பிட்டுள்ளார்.

குறித்த குற்றச்சாட்டு தொடர்பில் பொலிஸார் மற்றும் கொழும்பு குற்றப்புலனாய்வுப் பிரிவிற்கு பிரதிவாதிகள் ஒத்துழைப்பு வழங்க வேண்டும் எனவும் இதன்போது உத்தரவிடப்பட்டுள்ளது.

பிரதிவாதிகள் விசாரணைகளுக்கு ஒத்துழைப்பு வழங்காத பட்சத்தில் உரிய நடவடிக்கைகளை மேற்கொள்வது தொடர்பில் நீதிமன்றத்தால் கவனம் செலுத்தப்படுமெனவும் நீதிபதி சுட்டிக்காட்டியுள்ளார்.

இதனையடுத்து, வழக்கு விசாரணை அடுத்த மாதம் 3 ஆம் திகதி வரை ஒத்திவைக்கப்பட்டுள்ளது.

நால்வரையும் கைது செய்ய வேண்டுமென தெரிவித்து பொலிஸாராலோ நீதிமன்றத்தாலோ கட்டளை பிறப்பிக்கப்படவில்லை என கூறி பிரதிவாதிகளால் பிணை கோரப்பட்டுள்ளமை குறிப்பிடத்தக்கது.

Read more...

Thursday, September 20, 2018

பயங்கராவாதம் தோற்கட்டிக்கப்பட்டபோதும், பிரச்சினைகள் தீர்க்கப்படவில்லையாம். சம்பிக்க நீலிக்கண்ணீர்.

பிரிவினைவாத பயங்கரவாத செயற்பாடுகளை போர் ரீதியாக தோற்கடிக்கப்பட்டு அடுத்த வருடம் மே மாதத்துடன் 10 ஆண்டுகள் பூர்த்தியாக உள்ளது. எனினும் இந்த பிரச்சினை காரணமாக ஏற்பட்ட சில சட்ட ரீதியான பிரச்சினைகள், சமூக ரீதியான பிரச்சினைகள், சர்வதேச பிரச்சினைகள் மற்றும் தீர்க்கப்படக் கூடிய பிரச்சினைகள் தீர்க்கப்படாமல் ஒன்றோடு ஒன்று சிக்கி, சிக்கலாக முன்னோக்கி செல்லும் நிலைமை ஏற்பட்டுள்ளது என தெரிவித்துள்ளார் அமைச்சர் பாட்டலி சம்பிக்க ரணவக்க.

கொழும்பில் நடைபெற்ற ஊடகவியலாளர் சந்திப்பில் மேற்காண்டவாறு தெரிவித்த அவர் தொடர்ந்து பேசுகையில்:

யுத்தம் என்ற போர்வையில் தனிப்பட்ட தேவைகளுக்காக மேற்கொள்ளப்பட்ட குற்றச் செயல்களுக்கு எதிராக துரிதமாக சட்டத்தை அமுல்படுத்த வேண்டும் என்றும் அவர் தெரிவித்துள்ளார்.

முன்னாள் ஜனாதிபதி மகிந்த ராஜபக்சவின் அரசாங்கம், தம்மை பயங்கரவாதிகளாக ஏற்றுக்கொண்டு, ஒப்புதல் வாக்குமூலம் வழங்கிய, ஆயுதங்களை கையளித்த 12 ஆயிரத்திற்கும் மேற்பட்டவர்களுக்கு புனர்வாழ்வு பயிற்சிகளை வழங்கி விடுவித்தது.

மேலும் பல விடுதலைப் புலிகளின் உறுப்பினர்களுக்கு குற்றச்சாட்டுக்கள் சுமத்தப்பட்டு நீதிமன்றங்களில் வழக்குகள் தொடரப்பட்டுள்ளன. சுமார் 60 பேருக்கு எதிராக வழக்கு தொடரப்பட்டுள்ளது. மேலும் சிலருக்கு எதிராக வழக்கு தொடரப்பட உள்ளது.

இதனை தவிர கடந்த காலம் முழுவதும் போருடன் சம்பந்தப்பட்ட சில சம்பவங்கள் தொடர்பாக இலங்கை பாதுகாப்பு தரப்பினருக்கு எதிராகவும் அவ்வப்போது வழக்குகள் தொடரப்பட்டடு, தண்டனை வழங்கும் செயற்பாடுகளும் முன்னெடுக்கப்பட்டன. போருடன் சம்பந்தப்படாத தனிப்பட்ட குற்றச் செயல்களும் நடந்துள்ளன.

ஊடகவியலாளர்கள் கொலை செய்யப்பட்ட சம்பவங்கள் போன்ற சம்பவங்கள் தொடர்பாக பாதுகாப்பு படை உறுப்பினர்கள் கைது செய்யப்பட்டுள்ளனர்.

இந்த நிலைமையானது பாதுகாப்பு தரப்பினர், சமூகம் மற்றும் சர்வதேச ரீதியில் ஒரு குழப்பான சூழ்நிலையை ஏற்படுத்தியுள்ளதை பார்க்க முடிகிறது.

இந்த விடயம் தொடர்பில் நாம் சரியான கொள்கைகளை பின்பற்றாத காரணத்தினால், குறிப்பாக சர்வதேச அமைப்புகள் நாம் சட்டத்தை சரியாக அமுல்படுத்தவில்லை என்று கூறுகின்றன. இதனை நாம் கொள்கை ரீதியாக ஏற்றுக்கொண்டு சுயாதீனமாக சட்டத்தை அமுல்படுத்தினால் என்னவாகும்.

தம்மை புலிகள் என்று ஏற்றுக்கொண்டு, புனர்வாழ்வு அளித்து விடுதலை செய்யப்பட்ட புலிகளின் உறுப்பினர்களை விடுதலை செய்ய நாடாளுமன்றத்தில் சட்டமூலங்கள் கொண்டு வரப்படவில்லை என்பதுடன் மகிந்த ராஜபக்ச, அமைச்சரவையின் அனுமதியையும் பெறவில்லை. இதனால், அவர்கள் அனைவரையும் மீண்டும் கைதுசெய்ய நேரிடும். விடுதலைப் புலிகள் அமைப்பு சட்டவிரோதமான அமைப்பு என்பதே இதற்கு காரணம்.

விடுதலைப் புலிகள் அமைப்பு இலங்கையிலும் சர்வதேசத்திலும் தடைசெய்யப்பட்ட அமைப்பு. அந்த அமைப்பின் உறுப்பினர்கள் ஆயுதங்களுடன் சரணடைந்த நிலையில், எந்த சட்ட பின்னணியும் இல்லாது விடுதலை செய்யப்பட்டால், சட்டத்திற்கு மேல் எவரும் இல்லை என்றால், விடுதலை செய்யப்பட்ட அந்த 12 ஆயிரம் பேரை மீண்டும் கைதுசெய்ய வேண்டிய நிலைமை ஏற்படும்.

முக்கியமாக விடுதலைப் புலிகளின் உயர் மட்ட தலைவர்களாக இருந்த, ராம், நகுலன், கே.பி போன்றோர் தற்போது சுதந்திரமாக வாழ்ந்து வருகின்றனர்.

அண்மையகாலமாக சிற்சில சம்பவங்கள் காரணமாக சிலர் கைதுசெய்யப்படுகின்றனர். எனினும் இவர்களுக்கு எதிராக சட்டம் அமுல்படுத்தப்படவில்லை. சட்டம் அனைவரும் சமமான முறையில் அமுல்படுத்தப்படுகிறது என்றால், அதேவிதமாக அமுல்படுத்தப்பட வேண்டும். எனினும் செயற்பாட்டு ரீதியாக தற்போது அப்படி நடப்பதில்லை.

அதேபோல் சில வெளிநாடுகள் மற்றும் தமிழ் அரசியல்வாதிகள் விடுதலைப் புலிகள் உறுப்பினர்களுக்கு தண்டனை வழங்க வேண்டாம் என்று கூறுகின்றனர்.

எனினும் படையினருக்கு தண்டனை வழங்குமாறு கூறுகின்றனர். காணாமல் போனோரின் அமைப்பு போன்ற அமைப்புகளை ஏற்படுத்தி ஆர்ப்பாட்டம் ஆகியவற்றை நடத்துகின்றனர். சம்பந்தப்பட்ட குற்றவாளிகள், படையினருக்கு தண்டனை வழங்குமாறு கோருகின்றனர்.

அதேநேரத்தில் படையினர் வேட்டையாடப்படுவதாக கூறுகின்றனர். எந்த வகையிலும் சட்டத்தை அமுல்படுத்த முடியாது. தனிப்பட்ட குற்றச் செயல்களுக்காக படையினரை கைதுசெய்ய முடியாது என்ற கருத்துக்களை வெளியிட்டு வருகின்றனர். சர்வதேச ரீதியில் மிகவும் மடத்தனமான செயல்கள்.

இந்த பிரச்சினைகளை நாம் முடிவுக்கு கொண்டு வர வேண்டும். இந்த பிரச்சினைகள் காரணமாக இன்னும் பல தசாப்தங்களுக்கு எம்மால் முன்னேறிச் செல்ல முடியாது. இலங்கையில் விடுதலைப் புலிகளின் போராட்டம் மட்டுமே நடக்கவில்லை. மக்கள் விடுதலை முன்னணியினரின் போராட்டமும் நாட்டில் நடந்தது.

மக்கள் விடுதலை முன்னணியின் இந்த போராட்டமும் பயங்கரவாத செயல்களே. இறுதியில் என்ன நடந்தது. இந்த போராட்டத்துடன் சம்பந்தப்பட்டவர்கள் சிலர் உயிரிழந்தனர். சிலருக்கு எதிராக வழக்கு தொடரப்பட்டது.

போராட்டத்தில் சம்பந்தப்பட்ட இராணுவ அதிகாரிகளை போல் மக்கள் விடுதலை முன்னணியினரும் உயிருடன் சுதந்திரமாக இருக்கின்றனர். உத்தியோகபூர்வமற்ற ஒருவகையிலான பொது மன்னிப்பை மக்கள் விடுதலை முன்னணியினர் பெற்றுக்கொண்டனர்.

அத்துடன் ரோஹன விஜேவீரவின் மனைவி சித்ராங்கனி விஜேவீர தனது கணவர் சட்டவிரோதமாக கொலை செய்யப்பட்டார் என்று முதல் காலத்தில் நீதின்றத்திற்கு சென்று வழக்கு தொடரவில்லை. இந்த கொலையை நேரில் பார்த்த மக்கள் விடுதலை முன்னணியின் மக்கள் பிரதிநிதிகள் இருந்தனர்.

எனினும் முதலில் மக்கள் விடுதலை முன்னணியினர் அப்படி வழக்கு எதனையும் தொடரவில்லை. இதன் மூலம் அரசாங்கம் மக்கள் விடுதலை முன்னணிக்கு ஒரு வகையில் பொது மன்னிப்பை வழங்கியுள்ளதை இது காட்டியது. மக்கள் விடுதலை முன்னணியும் தாம் செய்த தவறை ஏற்றுக்கொண்டது போல் அது ஆகிவிட்டது.

தெற்கில் மக்கள் விடுதலை முன்னணி மட்டுமல்ல, இடதுசாரி அமைப்புகள், பலர் ஆயுதங்களை ஏந்தினர். கருடன் (உகுஸ்ஸா) போன்ற அமைப்புகளை ஏற்படுத்திக் கொண்டு கொலை செய்தனர். அவர்களும் சுதந்திரமாக இருக்கின்றனர். சிலர் இறந்து போயினர்.

பலர் அரசியலில் முக்கியமான அதிகாரமிக்க இடங்களில் இருக்கின்றனர். இவர்கள் சம்பந்தமாகவும் சட்டங்கள் அமுல்படுத்தப்படவில்லை. அவர்களுக்கும் ஒரு வகையில் பொது மன்னிப்பு வழங்கப்பட்டுள்ளது. 1994 ஆம் ஆண்டுக்கு பின்னர் நாம் மக்கள் விடுதலை முன்னணியை மறந்து விட்டோம். அந்த முன்னணி ஜனநாயக வழிக்கு திரும்பி விட்டது.

பழைய காரணங்களுக்காக அவர்களுக்கு எதிராக சட்ட நடவடிக்கை எடுக்கப்படவில்லை. அதனை நாமும் ஏற்றுக்கொள்கிறோம்.

இதனை போலவே தென் ஆபிரிக்காவில் உண்மையை கண்டறியும் ஆணைக்குழு மூலம் அனைவருக்கும் மன்னிப்பு வழங்கப்பட்டது. அண்மையில் கொலம்பியாவின் பேர்க் கெரில்லா அமைப்பு ஆயுதப் போராட்டத்தை கைவிட்டு ஜனநாயக வழிக்கு திரும்பியது.

அரசாங்கம் அனைவருக்கும் பொது மன்னிப்பு வழங்கியது. பேர்க் அமைப்பு உலகில் எஞ்சியிருந்த இஸ்லாமிய அமைப்பு அல்லாத ஒரே ஒரு ஆயுதப் போராட்ட அமைப்பு.

இதனால், ஜனாதிபதி, பிரதமர், அரசியல் கட்சிகள், தேசிய மற்றும் சர்வதே ரீதியில் இந்த விடயங்கள் தொடர்பில் அக்கறை காட்டும் மனித உரிமை அமைப்புகளுக்கு நாம் சில யோசனைகளை முன்வைக்க விரும்புகிறோம்.

பயங்கரவாதத்தை தோற்கடிக்க வேண்டும், தோற்கடிக்க முடியும் என நாம் கூறும் போது, சிலர் காலில் பலம் இல்லாதவர்கள் போல் செயற்பட்டனர். நாங்கள் மட்டுமே பலமாக கால்களை ஊன்றி போராட்டம் நடத்தினோம்.

எனினும் இந்த பிரச்சினையை நீடித்த ஒரு பிரச்சினையாக இருந்தால்,ஆறாத புண்ணாகவே இருக்கும். இதன் மூலம் சமூகத்திற்கு எந்த நன்மையான முன்னேற்றமும் கிடைக்க போவதில்லை.

விடுதலைப் புலிகளின் உறுப்பினர்கள் என சிலர் கைதுசெய்யப்பட்டுள்ளனர். படையினர் மற்றும் பாதுகாப்பு தரப்பை சேர்ந்தவர்கள் கைதுசெய்யப்பட்டுள்ளனர்.

பாதுகாப்பு தரப்பினருக்கு உதவி போன்ற குற்றச்சாட்டில் தமிழ் அமைப்புகளை சேர்ந்த சிலர் கைதுசெய்யப்பட்டுள்ளனர்.

கைதுசெய்யப்பட்டுள்ள அனைவரினதும் குற்றங்களை தரம்பிரிக்க வேண்டும். இதில் போர் செயற்பாடுகள் தொடர்பில் குற்றம் சுமத்தப்பட்டவர்கள் எந்த அடிப்படையில் அந்த குற்றத்தை செய்தனர் என்பதை கண்டறிய வேண்டும். தனிப்பட்ட தேவையை நிறைவேற்ற செய்தார்களா, கப்பம் பெற செய்தார்களா, அச்சுறுத்த செய்தார்களா என்று அறிய குற்றங்களை தரம் பிரிக்க வேண்டும்.

போரை அடிப்படையாக கொண்டு இலங்கை பாதுகாப்பு படைகளின் உறுப்பினர்கள், படையினருடன் இணைந்து செயற்பட்ட தமிழ் அமைப்புகளின் உறுப்பினர்கள் கைதுசெய்யப்பட்டிருந்தால், அவர்களுக்கு பொது மன்னிப்பை வழங்கி விடுதலை செய்ய வேண்டும்.

அதேபோல், விடுதலைப் புலிகளின் உறுப்பினர்கள் என்று கைதுசெய்யப்பட்டுள்ளவர்கள் தமது தனிப்பட்ட தேவைக்காக அல்லாமல் போர் நோக்கத்திற்காக குற்றங்களை செய்திருந்தால், அவர்களுக்கு பொது மன்னிப்பு வழங்கி விடுதலை செய்யுங்கள்.

விடுதலை செய்யப்பட்டுள்ள 12 ஆயிரத்து 600 பேருக்கும் மேலானவர்கள், பெரிய குற்றங்களை செய்தவர்கள் வெளியில் இருக்கின்றனர் என்பதே இதற்கு காரணம். சிலர் அமைதியான வாழ்ந்து வருகின்றனர்.

விடுதலைப் புலிகளின் உறுப்பினர்கள் என்ற குற்றச்சாட்டில் கைது செய்யப்பட்டவர்கள் தசாப்த காலங்களாக தடுத்து வைத்திருப்பதில்லை பிரயோசனம் இல்லை. இவர்களையும் பாதுகாப்பு தரப்பினருடன் விடுதலை செய்ய வேண்டும்.

அதேவளை தனிப்பட்ட நோக்கத்திற்காக எவராவது பிள்ளைகளை கடத்திச் சென்றிருந்தால், கொலைகளை செய்திருந்தால், பெண்களை பாலியல் வல்லுறவுக்கு உட்படுத்தியிருந்தால் அல்லது வேறு குற்றங்களை செய்திருந்தால், அவர்களுக்கு எதிராக வழக்குகளை தொடர்ந்தும் பிரச்சினையை அடுத்து முடித்துக்கொள்ள வேண்டும். இவற்றின் பின்னால் தொடர்ந்தும் சென்றுக்கொண்டிருப்பதில் பயனில்லை.

இப்படியான தேசிய பொது மன்னிப்பை வழங்க முழு நாடும் ஒன்றாக இணைய வேண்டிய நேரமிது. ஆளும் கட்சி, எதிர்க்கட்சி, தமிழ்,முஸ்லிம் கட்சிகள், தேசிய மற்றும் சர்வதேச தரப்பினர் அனைவரும் ஒன்றாக இணைந்து பிரச்சினையை தீர்க்க இந்த இணக்கத்தை ஏற்படுத்திக்கொண்ட பின்னர், மீண்டும் அந்த பிரச்சினையை பற்றி பேசக் கூடாது. தமிழ், முஸ்லிம் மற்றும் சிங்கள அமைப்புகள் இந்த போரில் நடந்ததாக கூறப்படும் சம்பவங்கள் குறித்து பேசுவதை முற்றாக மறந்து விட்டு, எதிர்காலத்தை உருவாக்கிக்கொள்ள வேண்டும்.

அதனை விடுத்து, இவர்கள் விடுதலை செய்யப்பட்ட பின்னரும் மீண்டும் மீண்டும் அந்த பிரச்சினைகளை பற்றி பேசினால், விடுதலை மற்றும் அதனுடான செயற்பாடுகளுக்கு எந்த பிரயோசனமும் ஏற்படாது. தேசிய பொது மன்னிப்பை வழங்கி, 100 பேருக்கும் குறைவான போருடன் சம்பந்தப்பட்ட இவர்கள்

ஜனநாயகத்துடன் கலக்க இடமளிக்குமாறு கேட்டுக்கொள்கிறோம். இந்த விடயம் சம்பந்தமாக முக்கியத்துவத்தை வழங்கி நடவடிக்கைகளை எடுக்குமாறு ஜனாதிபதி, பிரதமர் மற்றும் எதிர்க்கட்சித் தலைவர் ஆகியோரிடம் கோரிக்கை விடுக்கின்றோம்.

பிரித்தானியாவிடம் இருந்து சுதந்திரம் கிடைத்த பின்னர் நாட்டின் எதிர்காலத்திற்கான பயணத்தை உருவாக்கி இருக்க முடியும். போருக்கு பின்னரும் இவ்வாறான அரசியல் ரீதியான பயணத்தை முன்னெடுக்க சந்தர்ப்பம் இருந்தது. அவை கைவிட்டு போயின.

தற்போது கிடைத்துள்ள இந்த சந்தர்ப்பத்தை பயன்படுத்தி, வெளிப்படையாக செயற்பாடுகள் மூலம் ஒவ்வொருவரும் தமது தவறுகளை உணர்ந்து, மன்னிப்பு கேட்டு, மன்னித்து, கடந்த கால சம்பவங்கள் மூலமான பாடங்களை கற்று, இறந்த காலத்தை மன்னித்து எதிர்காலத்தை கட்டியெழுப்புவோம் என நாம் முழு நாட்டுக்கும் சர்வதேச சமூகத்திற்கும் யோசனைகளை முன்வைக்கின்றோம் எனவும் ஜாதிக ஹெல உறுமய கட்சியின் செயலாளருமான அமைச்சர் பாட்டலி சம்பிக்க ரணவக்க குறிப்பிட்டுள்ளார்.

Read more...

Wednesday, September 19, 2018

மக்கள் மனங்களில் மாற்றம் வரவிட்டால், நாட்டில் அரசியலில் எந்த மாற்றமும் இடம்பெறாது. சுனில் ஹந்துன்நெத்தி

நாட்டின் அரசியலில் மாற்றம் ஏற்படுத்தப்படவேண்டுமானல் அதற்கான மாற்றம் மக்கள் மனங்களிலிருந்தே வரவேண்டும் என ஜேவிபி எனப்படும் மக்கள் விடுதலை முன்னணியின் நாடாளுமன்ற உறுப்பினர் சுனில் ஹந்துன்நெத்தி தெரிவித்துள்ளார்.

மாத்தறை - வெலிகம பிரதேசத்தில் நேற்று நடைபெற்ற கருத்தரங்கொன்றில் உரையாற்றும் போதே அவர் இதனை கூறியுள்ளார்.

அவர் அங்கு மேலும் தெரிவிக்கையில்,

தலைவர்கள் இல்லை என்பதா இன்று நாட்டில் உள்ள பிரச்சினை?. மைத்திரி நேரடியான தீர்மானங்களை எடுப்பதில்லை என்றும் அதற்கு அவருக்கு முதுகெலும்பில்லை என்றும் சாடியுள்ள பாராளுமன்ற உறுப்பினர் மைத்திரிபாலவுக்கு ஞாபக மறதி என்றும் அவர் பலவற்றை பத்திரிகைகளில் பார்த்தே அறிந்து கொள்கிறார் என்றும் நகைத்துள்ளார்.

இதனால், நாடு அராஜக நிலைக்கு சென்றுள்ளது. நேரடியாக தீர்மானங்களை எடுக்கக்கூடிய, தூக்கு தண்டனையை கொண்டு வரக் கூடிய ஒருவர் பதவிக்கு வந்தால், பிரச்சினைகளை தீர்க்க முடியும் என சிலர் கூறுகின்றனர்.

அதேபோல் கொள்ளையிட்டால் பரவாயில்லை, பழையவர்களை மீண்டும் கொண்டு வந்து நாட்டை முன்னேற்றலாம், முன்னோக்கி கொண்டு செல்லலாம் என சிலர் நினைக்கின்றனர்.

பாகிஸ்தானில் போல் கிரிக்கெட் வீரரை நாட்டின் தலைவராக கொண்டு வந்து இந்த பிரச்சினையை தீர்க்க முடியும் என மேலும் சிலர் நினைக்கின்றனர்.

அரசியலில் எதனையும் அறியாத புதியவரை கொண்டு வந்து நாட்டை முன்னேற்றலாம் என மேலும் சிலர் நினைக்கின்றனர். சமூக ஊடகங்களில் இப்படியான சிலர் கூச்சல் போட்டு வருகின்றனர்.

மரண நிதி உதவி சங்கத்தில் தலைவராக கூட பதவி வகிக்காத அரசியல் பற்றி எதனையும் அறியாத ஒருவர் தான், நாட்டின் தலைவராக வந்தால், நாட்டின் கடனை செலுத்தி விடுவேன் என்கிறார் என சுட்டிக்காட்டியுள்ளார்.

மேலும், நாட்டில் நடைமுறையில் உள்ள அரசியலில் மாற்றங்களை ஏற்படுத்த வேண்டும். மக்கள் மாறாமல், அந்த மாற்றம் ஏற்படாது எனவும் சுனில் ஹந்துன்நெத்தி குறிப்பிட்டுள்ளார்.


Read more...

மார்பக புற்றுநோய் பற்றிய விழிப்புணர்! தாஹிர் நூருல் இஸ்ரா

மார்பக புற்றுநோய் தொடர்பான விழிப்புணர்வை திருமதி தாகிர் நூருள் இஸ்ரா மேற்கொண்டு வருகின்றார். சுமார் ஒரு மணி நேரம்கொண்ட விழிப்புணர்வு காணொளி ஒன்று இங்கே தரவேற்றப்பட்டுள்ளது. எவ்வாறு புற்றுநோய் உருவாகின்றது, புற்றுநோயுடன் எவ்வாறு வாழ்வது, தடுப்பதற்கான வழிகள், சிகிச்சைகளை தொடர்பில் குறித்த காணொளியில் விரிவாக பேசப்பட்டுள்ளது.

இக்காணொளியை பார்வையிடுபவர்கள் அதை மற்றவர்களுடனும் பகிர்ந்து கொள்ளுமாறு கேட்டுக்கொள்ளப்படுகின்றீர்கள்.




*உங்கள் வீட்டு பெண்களில் கவனம் எடுங்கள்.* 50 வயதுகளில் ஒரு பெண். “என்ன வருத்தம்” “ நெஞ்சுல கட்டி”

அவரைப் பரிசோதித்து முடித்த போது, அவருக்கு மார்பில் கட்டி ஏற்பட்டு இன்றுடன் 9 மாதங்கள். இவர் வைத்தியசாலைக்கு வந்தது 4 நாட்களுக்கு முன்னால்தான். கேன்சர் அக்குளுக்குள்ளும் பரவி இருந்தது.

எனது பரிசோதகர் ஒரு பேராசிரியர். எல்லாவற்றையும் கேட்டுவிட்டு கடைசியாக ஒரு கேள்வி கேட்டார்.

“ இவருடைய எதிர்கால உடல் நிலை எவ்வாறு அமையும்”
“ ரோட்டிங்ஹாம் ஸ்கோர் படி ......”
“ நீ எந்த ஸ்கோர பாவிப்பியோ தெரியா, இந்த நிலமையில இருந்து இந்த பேஷன்டுக்கு பூரண சுகம் கிடைக்குமா? கிடைக்காதா?”
“ கிடைக்காது சேர்”

பயிற்சி வைத்தியராய் இருந்த நேரம் 45 வயது பெண். வாசலில் சறுக்கி விழுந்திருக்கிறார். X rayஇல் முதுகெலும்பு நொறுங்கி இருந்தது.

அன்று ரவுன்ட்சுக்கு வந்த orthopaedic surgeon இடம் X rayஐ காட்டினேன்.

“ இந்த வயசில இப்படி உடையாது. அப்பிடி உடையுது என்டா அது abnormal bone. உடம்புல ஏதாவது கட்டி இருக்கா என்டு பாரு”

“உங்கட உடம்புல எங்கயாவது கட்டி இருக்கா?”

“இல்லியே”

அவரை முழுமையாக பரிசோதித்த போது , இடது மார்பில் டெனிஸ் பந்து அளவில் ஒரு கட்டி இருந்தது.

“இந்தா கட்டி இருக்கே!”

“அது ஒரு 6 மாசமா இருக்கு”

“ ஏன் காட்ட இல்ல?”

“ மச்சான் வெளிநாட்ல, எனக்கும் வெட்கமா இருந்திச்சி”

இந்த மார்புக் கட்டிதான், அவருடைய முள்ளந்தண்டுக்கு பரவி இருந்தது. இவ்வாறு மார்புப் புற்று நோய், முள்ளந்தண்டுக்கு பரவினால், அவர்களின் சராசரி ஆயுட்காலம் 24 மாதங்கள். இந்நேரம் அவர் இறந்திருக்க கூடும்)

எனது சத்திரசிகிச்சை பயிற்சியில் முதல் வருடம். களுபோவில ஹொஸ்பிடலில் பல பேஷன்ட்களை கண்டிருக்கிறேன். 15-20 வருடங்களுக்கு முன்னால் மார்புப் புற்று நோய்க்கு சத்திர சிகிச்சை செய்து கொண்டவர்கள். எந்தப் பிரச்சினையும் இல்லாமல் வருடத்திற்கு ஒரு முறை கிளினிக் வந்து சென்று கொண்டிருந்தார்கள்.

அண்மையில் எனதூரைச் சேர்ந்த 38 வயதான ஒரு பெண். திடீரென சுவாசிக்க கஷ்டப்பட்டு, வைத்தியசாலையில் அனுமதிக்கப்பட்டார். பரிசோதனையில் இடது மார்பு முழுவதும் கல்லுக் கட்டியாய் இருந்தது.

விசாரித்ததில் கட்டி ஆரம்பித்து ஒரு வருடத்திற்கும் மேல். ஏன் காட்டவில்லை எனக் கேட்டதற்கு அவருடைய பதிலும் “வெட்கம்”. இரண்டு மாதங்களில் அவருடைய உயிர் பிரிந்தது.

அதிக குழந்தைகள் பெறுவதும், குழந்தைகளுக்கு தாய்ப் பாலூட்டுவதும், மார்புப் புற்று நோயிலிருந்து பாதுகாப்பளிக்கும்.

உங்களது உயிர் உங்களது வெட்கத்தை விட மேலானது. அருகிலுள்ள ஒரு பெண் வைத்தியரிடமாவது, உங்களுக்கு ஏற்படும் உடல் உபாதைகளை காட்டுங்கள்.

Dr. Ahamed Nihaj
🔸🔸🔸🔸
*மார்பக புற்றுநோய் பற்றிய விழிப்புணர்வு*
Video
https://www.youtube.com/watch?v=8Xce7PbibA8
Breast Cancer Awareness
Counselor Thahir Noorul Isra

Contact 0094776231276
to organize such events in your area.
Thahir Noorul Isra
BA, MSW(M&P), M. Phil (Psy.SW), Dip in counselling & HR.
Awareness on breast cancer among women

மார்பக புற்றுநோய் வேகமாக சமுதாயத்தின் மத்தியில் பரவிவருகிறது . எனவே நோய்க்கான அறிகுறிகளையும் சிகிச்சை முறைகளையும் அறிந்திருப்பது அவசியமாகும்.

இந்த வீடியோ மரபாக புற்று நோய் சம்பந்தமாக பொதுமக்களுக்கு சிறந்த விழிப்புணர்வை ஏற்படுத்தும்..

எனவே இந்த வீடியோவை பெண்களுக்கு விசேடமாக ஏற்பாடு செய்யப்படும் நிகழ்ச்சிகளில் திரையில் காண்பிக்குமாறு நிகழ்ச்சி ஏற்பாட்டாளர்களை தயவாய் கேட்டுக்கொள்கிறோம் .



Read more...

புலிகள் தோற்கடிக்கப்படுவதை காண்பதற்கு ஆவலுடன் இருந்தேன். திரைப்பட இயக்குனர் ஜூட் ரத்னம்

இலங்கையில் இறுதிப் போர் இடம்பெற்ற காலத்தில் எல்.டி.டி.ஈ தோற்கடிக்கப்படுவதை பார்க்க என்றுதான் விரும்பியதாக திரைப்பட இயக்கனர் ஜூட் ரட்ணம் தெரிவித்துள்ளார்.; பிபிசி உலக சேவையுடனான நேர்காணலிலேயே அவர் இவ்வாறு தெரிவித்துள்ளார்..

´டீமன்ஸ் இன் பெரடைஸ்´ என்ற தனது திரைப்படத்தின் மூலம் இலங்கையில் சிங்கள மற்றும் தமிழ் மக்களிடையே நல்லிணக்கத்தை ஏற்படுத்த முடியும் என்று தமிழ்த் திரைப்பட இயக்குனர் ஜூட் ரத்னம் கூறியுள்ளார்.

இலங்கையில் இடம்பெற்ற யுத்தத்தின் போதான விடுதலைப் புலிகளிகளின் கொடூரமான செயல்கள் ஜூட் ரத்னம் விமர்சம் செய்துள்ளார்.

´சுவர்க்கத்தில் உள்ள பேய்கள்´ எனும் ´டீமன்ஸ் இன் பெரடைஸ்´ என்ற அவரின் இந்த திரைப்படத்தில் எல்.டி.டி.ஈ. அமைப்பை விமர்சனம் செய்துள்ளதுடன், யுத்த காலத்தில் உருவாக்கப்பட்ட தமிழ் இனவாத குழுக்கள் சம்பந்தமான விடயங்களும் உள்ளடக்கப்பட்டுள்ளன.

கேன்ஸ் சர்வதேச திரைப்பட விழா 2017 ல் ´டீமன்ஸ் இன் பெரடைஸ்´ என்ற திரைப்படம் விமர்சகர்களின் வரவேற்பை பெற்றிருந்ததுடன், இலங்கையைச் சேர்ந்த திரைப்பட இயக்குநரான ஜூட் ரத்னம் இயக்கிய முதல் படம் இது என்பது குறிப்பிடத்தக்கது.

இந்தப் படத்தை தயாரித்ததற்காக தனக்கு சிலர் துரோகி பட்டம் வழங்கக்கூடும் என்று கூறுகிறார் ஜூட் ரத்னம் முன்னர் கூறியிருந்தார்.

தனது குடும்பத்தினருக்கு ஏற்பட்ட அனுபவத்தின் மூலமாக இலங்கை உள்நாட்டுப் போரை சித்தரித்து 90 நிமிட ஆவணப் படமாக தயாரிக்கப்பட்டதே ´டீமன்ஸ் இன் பெரடைஸ்´ என்ற திரைப்படம்.

Read more...

பயங்கரவாத தடுப்புச்சட்டத்தில் மாற்றங்களுடனான புதிய வரைபு.

பயங்கரவாத எதிர்ப்புச் சட்டத்தின் கீழ் கைது செய்யப்படும் சந்தேகநபர்கள், 48 மணித்தியாலங்களுக்குள் நீதிவான் முன்னிலையில் முன்னிறுத்தப்படுவதுடன், ஆகக்கூடியது 8 வாரங்கள் மட்டுமே இவர்களைத் தடுப்பில் வைத்திருக்கலாம் என்பதை வலியுறுத்தும், பயங்கரவாத எதிர்ப்புச் சட்ட வரைவுக்கு சிறிலங்கா அமைச்சரவை அனுமதியளித்துள்ளது.

நீதிபதி தனது உத்தரவை வழங்கி இரண்டு வாரங்களின் பின்னர், சந்தேக நபர்களைத் தடுத்து வைப்பதற்கான கால எல்லையை நீட்டிப்பதற்கான கோரிக்கையை நிராகரிப்பது தொடர்பில், நீதிபதி தன்னிச்சையான தீர்மானத்தை எடுக்கமுடியும் என்றும், அமைச்சரவையில் அங்கீகாரம் அளிக்கப்பட்ட பயங்கரவாத எதிர்ப்புச் சட்ட வரைவில் குறிப்பிடப்பட்டுள்ளது.

அத்துடன் குறித்த சட்டத்தின் கீழ் கைது செய்யப்படும் சந்தேகநபர்கள் தொடர்பாக, குறித்த காலப்பகுதிக்குள் குற்றவியல் நடவடிக்கைகள் முன்னெடுக்கப்படாதவிடத்து சந்தேகநபர்கள் பிணையில் செல்வதற்கான அனுமதியும் புதிய சட்டவரைவில் வழங்கப்பட்டுள்ளது.

‘நீதிபதி சந்தேகநபர்களை தனிப்பட்ட ரீதியாகச் சந்திக்கவும், அவர்களுடன் தனிப்பட்ட கலந்துரையாடலை மேற்கொள்வதன் மூலம் அவர்களின் நல்வாழ்வு மற்றும் நலன்கள் தொடர்பில் கவனம் செலுத்துவதற்கும் சந்தேகநபர்களின் கருத்துக்களை பதிவுசெய்வதற்குமான அதிகாரத்தைக் கொண்டுள்ளதாக’ பயங்கரவாத எதிர்ப்புச் சட்ட வரைவில் விதந்துரைக்கப்பட்டுள்ளது.

இச்சட்டத்தின் கீழ் கைது செய்யப்பட்டு தடுத்து வைக்கப்பட்டிருக்கும் இடங்களுக்கு முன்கூட்டிய அறிவித்தல்கள் எதையும் விடுக்காது நீதிபதி செல்ல முடியும் எனவும், அவ்விடங்கள், பதிவேடுகள் மற்றும் தடுப்புக் கட்டளைகள், ஏனைய பதிவேடுகள், ஆவணங்களைப் பார்வையிடவும் அங்குள்ளவர்களிடம் விசாரணை மேற்கொள்வதற்கும் நீதிபதிக்கு அனுமதி வழங்கப்பட்டுள்ளது.

இப்புதிய சட்டமூலம் அமுலுக்கு வரும்பட்சத்தில் ஏற்கனவே நடைமுறையிலுள்ள பயங்கரவாத எதிர்ப்புச் சட்டத்தின் கீழ் கைதுசெய்யப்படும் சந்தேகநபர்கள் 72 மணித்தியாலங்கள் வரை நீதிபதியின் முன் நிறுத்தப்படாது தடுத்து வைத்திருப்பதற்கு காவற்துறையினருக்கு வழங்கப்பட்டுள்ள அதிகாரத்தில் மாற்றம் ஏற்படும்.

அத்துடன் 3மாதங்கள் தொடக்கம் 18 மாதங்கள் வரை தடுத்து வைக்கப்படும் காலப்பகுதியை நீட்டிப்பதற்கும், பல ஆண்டுகளானாலும் விசாரணைகள் முடிவுறும் வரை சந்தேகநபர்களைத் தடுத்து வைப்பதற்குமான அதிகாரத்தை தற்போது நடைமுறையிலுள்ள பயங்கரவாத எதிர்ப்புச் சட்டம் வழங்குகிறது.

‘சிறிலங்காவின் பரிந்துரைக்கப்பட்ட பயங்கரவாத எதிர்ப்புச் சட்டம் தொடர்பான கோட்பாடு மற்றும் சட்ட வரையறை’ தொடர்பான சட்டமூலமானது கடந்த செவ்வாய்க்கிழமை அமைச்சரவையால் அனுமதியளிக்கப்பட்டது.

இச்சட்டமூலமானது கடந்த ஒன்றரை ஆண்டுகளுக்கு முன்னர் வரையப்பட்ட போதிலும் இதன் முன்னைய பதிப்புக்களில் குறைகள் உள்ளதாக மனித உரிமை ஆர்வலர்கள் விமர்சனங்களை முன்வைத்திருந்தனர்.

‘த சண்டே ரைம்ஸ்’ ஊடகத்திற்கு கிடைக்கப்பெற்ற, தற்போது அங்கீகரிக்கப்பட்ட புதிய சட்டமூலத்தின் பிரதி தொடர்பாக இந்த ஊடகத்தால் சில அதிருப்திகள் முன்வைக்கப்படுகின்றன.

எடுத்துக்காட்டாக, பயங்கரவாத எதிர்ப்புச் சட்டத்தின் முன்னர் வரையப்பட்ட சில சட்டமூலப் பதிப்புக்களில், காவற்துறையினரின் ஒப்புதல் வாக்குமூலங்கள் ஏற்றுக்கொள்ளப்படலாம் எனக் குறிப்பிடப்பட்டது. ஆனால் தற்போது அங்கீகரிக்கப்பட்ட வாக்குமூலத்தில் நீதிபதியிடம் வழங்கப்படும் வாக்குமூலங்கள் மட்டுமே ஏற்றுக்கொள்ளப்படக் கூடியவை என விதந்துரைக்கப்பட்டுள்ளது.

அத்துடன் நீதிபதியிடம் சந்தேகநபரால் அளிக்கப்படும் ஒப்புதல் வாக்குமூலமானது அரசாங்க தடயவியல் மருத்துவ வல்லுநர் ஒருவரால் பரிசீலிக்கப்படும் எனவும் புதிய சட்டமூலத்தில் குறிப்பிடப்பட்டுள்ளதால் இது சந்தேகநபரைப் பாதிக்கின்றது.

இவ்வாறான அறிக்கையானது ஒப்புதல் வாக்குமூலத்தை ஏற்றுக்கொள்வதை உறுதிப்படுத்துவதற்கான, ஆரம்ப கட்ட விசாரணையின் போது வழக்குத் தொடுக்கும் அதிகாரியால் வழங்கப்பட வேண்டும்.

காவற்துறையினர் ஒப்புதல் வாக்குமூலங்களை வழங்குவதற்கான அனுமதி வழங்கப்படுவதில் நாடாளுமன்றில் மேற்கொள்ளப்பட்ட விவாதத்தை அடுத்தே பயங்கரவாத எதிர்ப்புச் சட்டத்தின் சட்டமூலத்திற்கு அமைச்சரவையில் தடைவிதிக்கப்பட்டதாக கூறப்படுகிறது.

பரிந்துரைக்கப்பட்ட சட்டம் தொடர்பாக சட்ட ஆய்வாளர்கள் வேறு பல விடயங்களையும் சுட்டிக்காட்டியுள்ளனர்.

பயங்கரவாத எதிர்ப்புச் சட்டத்தின் கீழ் குற்றத்தில் ஈடுபடும் அல்லது சதித்திட்டம் தீட்டும் நபருக்கு அல்லது குற்றத்தில் ஈடுபட முயற்சிக்கும் நபருக்கு வழங்கும் நோக்கில் எந்தவொரு ‘இரகசியத் தகவலையும்’ சேகரிப்பதானது சட்டவிரோதமானதாகும்.

இச்சட்டத்தால் வரையறுக்கப்படும் இரகசியத் தகவல்களுக்குள் ‘காவற்துறையினர் அல்லது இராணுவத்தினருடன் தொடர்புபட்ட தகவல்களும் உள்ளடங்குகின்றன. அதாவது நிறைவேற்றப்பட்ட, நிறைவேற்றப்பட வேண்டிய அல்லது நிறைவேற்றப்படுகின்ற இராணுவ சார் தகவல்கள் அல்லது சட்ட அமுலாக்கமானது இவ் இரகசிய தகவல்களுக்குள் அடங்குகிறது.

இது பரந்த விடயமாகக் காணப்படுவதுடன், பாதுகாப்பு சார் நடவடிக்கைகளைப் பாதிக்கும் விதமாக அமையலாம் என ஆய்வாளர் ஒருவர் தெரிவித்தார். மக்களின் நலன்கருதி அல்லது தேசிய நலன்கருதி பதிவுசெய்யப்பட்ட அச்சு மற்றும் இலத்திரனியல் ஊடகங்களில் அல்லது கல்விசார் வெளியீடுகளில் வெளியிடப்படும் குற்றச் செயல்கள் தொடர்பான தகவல்களுக்கு விதிவிலக்கு அளிக்கப்படுவதாக பயங்கரவாத எதிர்ப்புச் சட்டத்தில் குறிப்பிடப்படவில்லை.

அத்துடன் பிரதி காவற்துறை மா அதிபர்கள், சந்தேகநபர்களைத் தடுத்து வைப்பதற்கான கட்டளைகளை வழங்கும் அதிகாரத்தைக் கொண்டுள்ளதால் சில சிக்கல்கள் இருப்பதாகவும், இவர்கள் பொதுமக்களிடம் பணத்தைப் பெற்றுக்கொண்டு தமது அதிகாரங்களைத் துஸ்பிரயோகம் செய்யும் சம்பங்கள் நிகழ்வதாகவும் ஆய்வாளர் சுட்டிக்காட்டினார்.

இதுதொடர்பில் பரந்த அளவில் மீளாய்வு செய்வதற்கான ஏற்பாடு சட்டத்தில் காணப்படுவதாகவும் ஆனால் இது நடைமுறைப்படுத்தப்படுவதில்லை எனவும் ஆய்வாளர் தெரிவித்தார்.

ஒட்டுமொத்தமாக நோக்கும் போது, தற்போது அமைச்சரவையால் அங்கீகரிக்கப்பட்ட புதிய சட்டமூலத்தில் சில நல்லவிடயங்கள் காணப்படுவதால் இது மனித உரிமை சமூகத்தால் பரந்தளவில் வரவேற்கப்படுகிறது.

இச்சட்டமூலமானது நீண்ட குற்றச் செயற்பாடுகளை உள்ளடக்கியுள்ள போதிலும், குற்றங்களில் ஈடுபட்டவர்களை அடையாளப்படுத்துதல், தடுத்துவைத்தல், அச்சம் கொள்ளுதல், கைதுசெய்தல், விசாரணை செய்தல், தண்டனை வழங்குதல் போன்ற முக்கிய செயற்பாடுகளை வலியுறுத்துகிறது.

இந்தச் சட்டத்தின் கீழ் அடிப்படை உரிமையின் சட்ட நடவடிக்கையின் நல்லெண்ணத்தின் அடிப்படையில் அல்லது சந்தேகநபர் தனக்கு வழங்கப்பட்ட சட்டக் கட்டளையை நிறைவேற்றவோ அல்லது நீதிசார் உத்தரவை நிறைவேற்றுவதற்கான எந்தவொரு நடவடிக்கையையோ முன்னெடுக்க முடியாது.

புதிய சட்டமூலமானது ‘சந்தேகநபரைக் கைதுசெய்யும் போது, கைதுசெய்யும் அதிகாரி சந்தேகநபரிடம் கைதுசெய்யும் அதிகாரிகளின் அடையாளங்களைக் கூறுவதுடன், சந்தேகநபரால் இழைக்கப்பட்ட குற்றங்களைக் கூறுவதுடன், எழுதப்பட்ட சட்ட விதியின் பிரகாரம் சட்டவாளரிடம் சந்தேகநபர் தொடர்பை ஏற்படுத்துவதற்கான உரிமை வழங்கப்பட வேண்டும். சந்தேகநபரின் தனித்துவத்தைக் கருத்திற் கொண்டே கைதுகள் மேற்கொள்ளப்பட வேண்டும்’ எனக் கூறுகிறது.

சந்தேகநபரின் இரத்த உறவு அல்லது அவரது குடும்பத்தைச் சேர்ந்த ஒருவரிடம் சந்தேகநபரைக் கைது செய்ததற்கான காரணம் என்ன என்பது தொடர்பாக 24 மணித்தியாலங்களுக்குள் அறிக்கை வழங்கப்பட வேண்டும்.

இந்த அறிக்கையில் கைதுசெய்த நேரம், திகதி, இடம், கைதுசெய்ததற்கான காரணம், தடுத்து வைக்கப்பட்டுள்ள அமைவிடம், கைது செய்த அதிகாரியின் நிலை போன்ற பல்வேறு விடயங்களும் உள்ளடக்கப்பட்டிருக்க வேண்டும்.

சந்தேகநபரைத் தடுத்து வைத்திருக்கும் காவல் நிலையத்தின் பொறுப்பதிகாரி 24 மணித்தியாலங்களுக்குள் சந்தேகநபர் தொடர்பான தகவல்கள் மற்றும் இவரைத் தடுத்து வைப்பதற்கான விபரங்களை சிறிலங்கா மனித உரிமை ஆணைக்குழுவிடம் தெரியப்படுத்த வேண்டும்.

இதனைத் தொடர்ந்து சிறிலங்கா மனித உரிமை ஆணைக்குழுவானது சந்தேகநபரிடம் விரைந்து செல்ல வேண்டிய பொறுப்பைக் கொண்டுள்ளது.

தற்போது அங்கீகரிக்கப்பட்ட பயங்கரவாத எதிர்ப்புச் சட்டத்தின் பிரகாரம், கைதுகள், தடுத்து வைத்தல், சிறையில் அடைத்தல், பிணையில் விடுதல், குற்றத்திலிருந்து விடுவித்தல், தண்டனை வழங்குதல் போன்ற அனைத்து நடவடிக்கைகள் தொடர்பான விரிவான தகவல்கள் அடங்கிய தரவுத்தளம் ஒன்றைப் பேணவேண்டும்.

இத்தரவுத் தளத்தில் சந்தேகநபரைக் கைது செய்ததற்கான சட்ட நகர்வுகள், தடுப்பில் வைத்திருப்பதற்கான காரணங்கள், அவரை விடுவிப்பதற்கான சட்ட ஒழுங்குகள் மற்றும் தொடர்ந்தும் சிறையில் தடுத்து வைப்பதற்கான தேவை தொடர்பான விரிவான தகவல்கள் உள்ளடக்கப்பட வேண்டும்.

இத்தரவுத் தளத்தில் தகவல்கள் பேணப்படும் அதேவேளையில் இவ்வாறான கைதுகள் தொடர்பாக சிறிலங்காவிற்கான மனித உரிமை ஆணைக்குழுவிடம் காவற்துறை மா அதிபர் பதிவை மேற்கொள்ள வேண்டும்.

குற்றவியல் வழக்குப் பதியப்படாத எந்தவொரு சந்தேகநபரும் கைது செய்யப்பட்டு ஆறு மாதங்களின் பின்னரும் தடுத்து வைக்கப்பட முடியாது. இவ்வாறான சட்ட நகர்வுகள் ஆறு மாதங்களுக்குள் முன்னெடுக்கப்படாதவிடத்து, நீதிபதி தனது அதிகாரத்தைப் பயன்படுத்தி சந்தேகநபர்களை விடுவிக்க முடியும்.

தடுத்து வைத்தலுக்கு எதிராக மனுத்தாக்கல் செய்வதற்கான நிர்வாக சார் நிவாரணங்களை பாதிக்கப்பட்டவர்களுக்கு வழங்குவதற்கான மீளாய்வு சபை ஒன்று உருவாக்கப்படும். தடுத்து வைக்கப்பட வேண்டிய காலப்பகுதி இரண்டு வாரங்களுக்குள் வரையறுக்கப்பட வேண்டும்.

தடுப்பிலிருந்து அல்லது சிறையிலிருந்து சந்தேகநபர்கள் விடுவிக்கப்படும் போது இது தொடர்பாக சிறிலங்காவிற்கான மனித உரிமை ஆணைக்குழுவிடம் தெரியப்படுத்த வேண்டும்.

சந்தேகநபர்களால் மேற்கொள்ளப்பட்ட வங்கியியல் நடவடிக்கைகள், பண வைப்புக்கள், பண மீளெடுப்புக்கள் உட்பட்ட நிதியுடன் தொடர்புபட்ட தகவல்களைப் பெற்றுக் கொள்வதற்கு காவற்துறையினர் வங்கிகள், வங்கி சாரா நிதி நிறுவகங்கள், நிதி சாரா வர்த்தக நிறுவனங்கள் போன்றவற்றுடன் தொடர்புகொண்டு தகவல்களைப் பெறுவதற்கான அனுமதி வழங்கப்பட வேண்டும்.

இதேபோன்று சந்தேகநபர்களின் தொடர்பாடல் சார் தகவல்களைப் பெறுவதற்கு தொலைபேசி உரையாடல்கள், தந்திகள், மின்னஞ்சல்கள், இணையம், காணொளி உரையாடல்கள் போன்றவற்றை குறுக்கீடு செய்து செவிமடுப்பதற்கான அனுமதியை காவற்துறையினருக்கு சட்டரீதியாக வழங்கப்பட வேண்டிய தேவையுள்ளது.

புதிய பயங்கரவாத எதிர்ப்புச் சட்டமூலமானது, குற்றவியல் செயற்பாடுகளை ஐந்து ஆண்டுகள் தொடக்கம் பத்து ஆண்டுகள் வரை இடைநிறுத்தவும் ஒத்திவைப்பது தொடர்பாக சட்டமா அதிபர் தன்னிச்சையான தீர்மானத்தை எடுப்பதற்கான அனுமதியை வழங்குகிறது.

இவ்வாறான சந்தர்ப்பத்தில், சந்தேகநபர் தொடர்பாக ஒன்று அல்லது அதிகமான நிபந்தனைகளைச் சுமத்துதல், சட்டமா அதிபரால் வழங்கப்பட்ட எழுத்துமூலத்தின் அடிப்படையில் சந்தேகநபருக்கு மன்னிப்பு வழங்குதல், பாதிக்கப்பட்டவர்களுக்கு இழப்பீடுகளை வழங்குதல், புனர்வாழ்வு வழங்குதல், சமூக சேவையில் அல்லது வரையறுக்கப்பட்ட சமூகத்துடன் இணைத்தல் போன்ற பல்வேறு விடயங்களை சட்டமா அதிபர், உச்ச நீதிமன்றிடம் கையளிக்க முடியும்.

இச்சட்ட மூலமானது, பயங்கரவாத எதிர்ப்புச் சட்டத்தின் கீழ் கைதுசெய்யப்படும் சந்தேகநபர்கள் தொடர்பான வழக்குகள், வாரஇறுதி நாட்கள், பொது விடுமுறைகள், நீதிமன்ற விடுமுறைகள் தவிர பிற நாட்களில் ஒவ்வொரு நாளும் நடைபெற வேண்டும் எனவும் பரிந்துரைக்கிறது.

Read more...

சேலையில் புத்தர். பெண் சட்டத்தரணி மீது வழக்கு தாக்கல்..

புத்தரின் உருவம் பொறித்த சேலையை அணிந்திருந்த இளம் பெண் சட்டத்தரணிக்கு எதிராக யாழ்ப்பாணம் நீதிவான் நீதிமன்றில் பொலிஸார் நேற்று செவ்வாய்க்கிழமை வழக்குப் பதிவு செய்தனர்.

பெண் சட்டத்தரணிக்கு எதிரான குற்றப்பகிர்வை முன்வைக்க சட்டமா அதிபரின் ஆலோசனைக்கு அனுமதி வழங்குமாறு பொலிஸார் கோரியமைக்கு அமைய ஒப்புதல் வழங்கிய நீதிமன்றம், வழக்கை எதிர்வரும் ஜனவரி 14ஆம் திகதிக்கு ஒத்திவைத்தது.

பொலிஸ் அவசர இலக்கமான 119 இற்கு வந்த முறைப்பாட்டின் அடிப்படையில் புத்தரின் உருவம் பொறித்த சேலை அணிந்து வந்தார் என்ற குற்றச்சாட்டில் பெண் சட்டத்தரணி ஒருவரை யாழ்ப்பாணம் நீதிமன்ற வளாகத்துக்குள் பொலிஸார் தேடினர்.

அந்தச் சட்டத்தரணியிடம் வாக்குமூலம் பெற்றுக்கொள்ள வேண்டும் என்றும் அவரைப் பொலிஸ் நிலையத்துக்கு அழைத்துச் செல்ல வேண்டும் என்றும் அங்கிருந்த சட்டத்தரணிகளிடம் பொலிஸார் தெரிவித்தனர்.

எனினும் பொலிஸாரால் தேடப்பட்ட சட்டத்தரணி நீதிமன்ற வளாகத்திலிருந்து வீடு திரும்பியிருந்தார்.

இந்தச் சம்பவம் கடந்த 12ஆம் திகதி புதன்கிழமை இடம்பெற்றது.

இந்த நிலையில் நீதிமன்ற வளாகத்துக்குள் மீளவும் வருகை தந்த சம்பந்தப்பட்ட பெண் சட்டத்தரணியை யாழ். மாவட்ட சட்டத்தரணிகள் சங்கத் தலைவியான ஜனாதிபதி சட்டத்தரணி சாந்தா அபிமன்யுசிங்கம் யாழ்ப்பாணம் பொலிஸ் நிலையத்துக்கு அழைத்துச் சென்று வாக்குமூலம் வழங்க வைத்தார்.

எனினும் பெண் சட்டத்தரணி, பொலிஸ் நிலையத்துக்குச் சென்றிருந்த வேளை புத்தரின் உருவம் பொறித்த சேலையை அணிந்திருக்கவில்லை.

“இந்தியாவிலுள்ள நண்பர் ஒருவரால் எனக்கு சேலை ஒன்று அன்பளிப்பாக வழங்கப்பட்டது. அதில் புத்த பெருமானுடைய உருவம் பொறிக்கப்பட்டுள்ளது என்று நான் அறிந்திருக்கவில்லை. புத்தரை அவமதிக்கும் எண்ணத்தில் நான் அந்தச் சேலையை அணிந்திருக்கவில்லை” என்று இளம் பெண் சட்டத்தரணி தனது வாக்குமூலத்தில் குறிப்பிட்டிருந்தார்.

யாழ்ப்பாணம் சட்டத்தரணிகள் சங்கத்துக்கும் பொலிஸ் உயர் அதிகாரிகளுக்கும் இடையே ஏற்டபட்ட இணக்கப்பாட்டுக்கு அமைய புத்தர் உருவம் பொறித்த சேலை அணிந்த விவகாரம், மேற்கொண்டு நடவடிக்கை எடுப்பதிலிருந்து இடைநிறுத்தப்பட்டிருந்தது.

எனினும் சம்பவம் இடம்பெற்று இரண்டு நாள்களின் பின், அந்தப் பெண் சட்டத்தரணியை நீதிமன்ற வளாகத்துக்குள் வைத்து பெண் பொலிஸ் உத்தியோகத்தர் தனது கைபேசியில் ஒளிப்படம் எடுத்த விவகாரம் பூதாகரமானது.

பெண் பொலிஸ் உத்தியோகத்தரின் கைபேசியை பெண் சட்டத்தரணி மிரட்டிப் பறித்தெடுத்தார் என்ற குற்றச்சாட்டு பொலிஸாரால் முன்வைக்கப்பட்டது.

பொலிஸாரின் இந்த அத்துமீறல் தொடர்பில் உரிய நடவடிக்கை எடுக்கவேண்டும் என்று யாழ்ப்பாண சட்டத்தரணிகள் சங்கம் உறுதியாகத் தீர்மானித்தது.

அதுதொடர்பில் யாழ்ப்பாணம் நீதவான், மேல் நீதிமன்ற நீதிபதி ஆகியோரையும் யாழ்ப்பாணம் சட்டத்தரணிகள் சங்கம் சந்தித்து ஆலோசனை பெற்றது.

இந்த நிலையில் பெண் சட்டத்தரணி, புத்தர் உருவம் பொறித்த சேலை அணிந்து வந்த விவகாரத்தை நீதிமன்றுக்கு பொலிஸார் கொண்டு வந்துள்ளனர்.

(யாழ். நிருபர் பிரதீபன்)

Read more...

த.தே.கூ வின் உள்வீட்டு பிரச்சினை வீதிக்கு வந்தது! பூநகரி பிரதேச சபையின் தவிசாளருக்கு எதிராக ஆர்ப்பாட்டம்!

ஜனநாயக மரபை மீறி, மக்கள் பிரதிநிதியை சபையில் அவமதித்து மக்களுக்கு எதிராகச் செயற்பட்டிருக்கிறார் பூநகரிப் பிரதேச சபையின் தவிசாளர் அருணாசலம்ஐயம்பிள்ளை எனத் தெரிவித்து இன்று 19-09-2018 பூநகரியில் ஆர்ப்பாட்டம் ஒன்று இடம்பெற்றுள்ளது.

கடந்த 14-09-2018 ஆம் திகதி பூநகரி பிரதேச சபையில் இடம்பெற்ற மாதாந்தக் கூட்டத்தின் போது கௌரவ உறுப்பினர் யோன்பின்ரன் மேரிடென்சியா நிதிக்குழு அறிக்கை மீது கருத்து கூறும் போது சபையில் ஆளும் தரப்பு உறுப்பினர்கள் கடும் இடையூறு செய்தனர். இதனால் யோன்பின்ரன் மேரிடென்சியா தொடர்ந்து கருத்துக் கூற முடியாத நிலை ஏற்பட்டது.

இந்த நிலையில் சபைக்குத் தலைமை தாங்கிய தவிசாளர் ஐயம்பிள்ளை நேரகாலம் குறிப்பிடாமல் சபையினை ஒத்திவைப்பதாக அறிவித்து சபையிலிருந்து வெளியேறிச் சென்றார். அவ்வாறு வெளியேறி செல்லும் போது 'வாயை மூடிக்கொண்டு வெளியே போ' என்று உறுப்பினரான யோன்பின்ரன் மேரிடென்சியாவை நோக்கி அச்சுறுத்தும் வகையில் வார்த்தை பிரயோகம் செய்து கட்டளையிட்டார். இது சபையின் ஜனநாயக மரபுக்கும் மக்கள் பிரதிநிதி என்ற உரிமைக்கும் எதிரான செயலாகும். அத்துடன், இது மக்கள் பிரதிநிதியாகிய யோன்பின்ரன் மேரிடென்சியின் கௌவரவத்திற்கும்,சபை நடவடிக்கைக்கும் முரணானது என்பதோடு, புதிய தேர்தல் முறையின் கீழ் தெரிவு செய்யப்பட்டுள்ள பெண் உறுப்பினர்களுக்கு சபையில் உரிய பாதுகாப்பு, கௌரவம், நியாயம் என்பனவற்றை இல்லாதொழிக்கும் தீயமுயற்சியுமாகும். எனத் தெரிவித்து தவிசாளருக்கு எதிராக ஆர்ப்பாட்டம் செய்யதனர்.

ஆர்ப்பாட்டத்தில் கலந்துகொண்டவர்கள் தவிசாளரே தகைமையை வளர்த்துக்கொள், பூநகரியில் நடப்பது காட்டாட்சியா? மக்களாட்சியா? பெண்களை மதிக்க அரசியல் அநாகரீகத்தை எதிர்ப்போம், மக்கள் உரிமையை காப்போம், பெண்களை அவமதிக்காதே ஜனநாயக உரிமையை மீறாதே, பிரதேச சபையா அல்லது கட்சி அலுவலகமா போன்ற வாசகங்கள எழுதப்பட்ட பதாதைகளையும் ஏந்தியிருந்தனர்.

இது தொடர்பில் பூநகரி பிரதேச சபையின் தவிசாளர் அ. ஜயம்பிள்ளை அவர்களிடம் வினவிய போது தான் அவ்வாறு நடந்துகொள்வில்லை என்றும், சபையில் அமைதியின்மை ஏற்படுவதனை தடுக்கவே இரண்டு உறுப்பினர்களை வெளியேறுமாறு அறிவித்ததாகவும் தெரிவித்த அவர் கட்சி சார்ந்து சபையினை கொண்டு செல்லவில்லை என்றும் குறிப்பிட்டார்

சமத்துவம் சமூக நீதிக்கான மக்கள் அமைப்பின் ஏற்பாட்டில் இடம்பெற்ற இவ் ஆர்ப்பாட்டம் பூநகரி வாடியடிச் சந்தியிலிருந்து ஆரம்பமாகி பூநகரி பிரதேச சபையினை சென்றடைந்து நிறைவுற்றது. இதில் பூநகரி பிரதேச சபையின் எதிர்தரப்பு உறுப்பினர்கள் கரைச்சி கண்டாவளை, பளை பிரதேச சபைகளின் உறுப்பினர்கள் பெண்கள் அமைப்பினர் பலா் கலந்துகொண்டனர்








Read more...

Tuesday, September 18, 2018

மேற்குலகில் அரசியல் தஞ்சம் பெற்றுக்கொள்ள இதோ வழி.

தமிழ் மக்கள் புலம்பெயர்ந்து வாழுகின்ற நாடுகளில் பல்வேறு வகையினர் அரசியல் தஞ்சம் கோரினர். அவ்வாறு கோரியவர்களில் பெரும்பாலானோர் சுகபோக வாழ்வு தேடிச் சென்றவர்கள் என்பதும் அவர்கட்கும் நாட்டில் நடைபெற்ற யுத்தத்திற்கும் எவ்வித சம்பந்தமும் கிடையாது என்பதும் பரவலாக பேசப்படுகின்ற விடயம்.

இன்றும் இலங்கையில் யுத்தம் முடிவடைந்துள்ள நிலையிலும் நாட்டை விட்டு வெளியேறவே பெரும்பாலான இளைஞர்கள் விரும்புகின்றனர். அவ்வாறு செல்கின்றவர்களில் பெரும்பாலானோர் செல்வந்த வீட்டுப்பிள்ளைகள். உண்மையில் யுத்தத்தினால் பாதிக்கப்பட்ட மக்களின் பிள்ளைகள் இங்கே ஒருநேர உணவுக்காக கூலித்தொழில் செய்துவருகின்றனர். அவர்கள் அரசியல் தஞ்சம் பெற்றுக்கொள்வதற்காக புதியதோர் வழியொன்றை கண்டு பிடித்துள்ளமை அண்மையில் சாவகச்சேரி பிரதேசத்தில் மேற்கொள்ளப்பட்ட கைது ஒன்றின்போது தெரியவந்துள்ளது.

6 மாதங்களாக வாள் வெட்டுக்குழுவில் அங்கம் வகிக்கும் நபர் ஒருவரை மானிப்பாய் பொலிஸார் தேடி வந்த நிலையில் சாவகச்சேரி பகுதியில் வைத்து கைது செய்யப்பட்டார்.

பொலிஸாருக்கு கிடைக்கப்பெற்ற தகவல் ஒன்றை அடிப்படையாக வைத்து மானிப்பாய் பொலிஸார் வேன் ஒன்றில் சாவகச்சேரி பகுதிக்கு சென்ற போது அங்கு குறித்த நபர் வெளிநாடு செல்வதற்காக முன்னாயத்தங்களை செய்த நிலையில் கைதுசெய்யப்பட்டார்.

கைது செய்யப்பட்ட குறித்த நபர் வைத்திருந்த தொலைபேசிக்கு வந்த அழைப்பை வைத்து ஏனைய வாள் வெட்டு சந்தேகநபர்களை பிடிப்பதற்காக அவர்களிடம், உங்கள் சகா வாகன விபத்தில் காயமடைந்து சாவகச்சேரி வைத்தியசாலையில் அனுமதிக்கப்பட்டுள்ளதாக தெரிவித்தனர்.

சகாவை வையத்தியசாலையில் பார்க்கச்சென்றவர்களை அங்குவைத்து கைது செய்த பொலிஸார், இதே பாணியில் ஏனைய 7 வாள் வெட்டு குழு சந்தேக நபர்ளையும் கைது செய்தனர்.

கைது செய்யப்பட்டவர்களில் மாம்பழம் எனும் சந்தேக நபரின் வீட்டில் இருந்து 3 வாள் மற்றும் கைக்கோடாலியும் கைபற்றப்பட்டது.

இதில் கைதான இருவர் உயர்தர பரிட்சையில் இவ்வருடம் தோற்றுபவர்களாவர்.

மேற்படி நபர்களிடம் மானிப்பாய் பொலிஸார் மேற்கொண்ட விசாரணையில், மாம்பழம் என்பவருக்கு வெஸ்டன் யூனியன் மூலமாக பெருந்தொகையான பணம் வெளிநாடு ஒன்றிலிருந்து மாதாந்தம் அனுப்பப்பட்டுள்ளமை தெரியவந்துள்ளது.

குறித்த பணத்தில் தமது உறுப்பினர்களுக்கு மாதாந்தும் மது மாதுவுடன் விருந்துபசாரம் வழங்கப்பட்டு வந்தமையும் தெரியவந்துள்ளது. குறிந்த விருந்துபசாரத்தின் நோக்கம் பற்றி வினவப்பட்டபோது இளைஞர்களை தம்முடன் இணைத்துக்கொள்வதற்காக வெளிநாட்டிலிருந்து வகுத்துக்கொடுக்கப்பட்ட வியூகம் எனத் தெரிவித்துள்ளார் மாம்பளம்.

இவ்வாறு இளைஞர்களை இணைந்து வன்செயல் புரிந்து, குடாநாட்டில் ஓர் அச்சநிலை உள்ளதாக உலகிற்கு காட்டுவதே புலம்பெயர் தமிழரின் தேவை என்றும் அதனடிப்படையில் தான் செயற்பட்டுவந்ததாகவும் கூறியுள்ளார்.

மேலும் வெளிநாடுகளில் அரசியல தஞ்சம் கோரி நிராகரிக்கப்பட்ட நிலையில் நாடுகடத்தலை எதிர்நோக்கி நிற்கும் நபர்களின் வீடுகளை தாங்கள் உடைத்துள்ளதாகவும், வீட்டிலுள்ளோரை அடித்தது காயப்படுத்துதல், தொலைபேசி மூலம் மிரட்டல் விடுத்தல் போன்றவற்றை தாம் செய்து வந்ததாகவும் அவர் மேலும் தெரிவித்துள்ளார். அதற்கான அறிவுறுத்தல் தமக்கு குறித்த நாடுகளிலுள்ள தமது இயக்குனர்களிடமிருந்து கிடைத்துவந்தாகவும் குறிப்பிட்டுள்ளார்.

தாம் இவ்வாறு செயகின்றபோது அங்குள்ளவர்கள் இலங்கையிலே இராணுவத்தினரின் பாதுகாப்பு கெடுபிடி தங்கள் பிரதேசத்தில் இருப்பதாக காட்டி தமக்கான வெளிநாட்டு தஞ்சக்கோரிக்கையை உறுதிபடுத்துகின்றனர் என்றும் கூறியுள்ளார்.

மேலும் குறித்த காடையர்கள் கைது செய்யப்படும்போது, அவர்களை விடுவிக்கவென பொலிஸ்நிலையத்தில் ஆஜராகி பொலிஸாருடன் முரண்படும் இழிசெயலை வடக்கு மாகாண சபை உறுப்பினர் கேசவன் சயந்தன் செய்துவருகின்றார் என மக்கள் ஆத்திரம் கொண்டுள்ளனர்.

அத்துடன் மக்களால் நன்கு அறியப்பட்ட குறித்த சமூக விரோதிகளுக்காக தமிழ் தேசியக் கூட்டமைப்பின் உறுப்பினரான சயந்தன் தொடர்ந்தும் அவர்களை விடுதலை வீரர்கள் என காண்பிக்க முற்பட்டுவருவது குறிப்பிடத்தக்கது.

இவ்வாறு கைது செய்யப்படுகின்ற காடையர்களின் உறவினர்கள் சிலர் மனித உரிமை ஆணைக்குழுவில் முறைப்பாடு செய்துள்ளனர் என்பது நகைப்புக்குரியதாகும்.


Read more...

முஸ்லிம்கள் மீது தமிழர்களுக்கு காழ்ப்புணர்ச்சியாம்! கூறுகிறார் முன்னாள் எம். பி பியசேன

முன்னாள் ஜனாதிபதி மஹிந்த ராஜபக்ஸவுடன் மக்கள் ஒன்றித்து நிற்பதால் மஹிந்த யுகம் மீண்டும் வெகுவிரைவில் நிச்சயம் மலரும் என்பதை இந்தியா அடையாளம் கண்டு உள்ளது என்று முன்னாள் பாராளுமன்ற உறுப்பினரும், ஸ்ரீலங்கா பொதுஜன பெரமுனவின் பொத்துவில் தொகுதி அமைப்பாளருமான பொடியப்பு பியசேன தெரிவித்தார்.

ஸ்ரீலங்கா பொதுஜன பெரமுனவின் செயற்பாட்டை காரைதீவில் வலுப்படுத்துவது தொடர்பான கூட்டம் நேற்று இக்கட்சியின் காரைதீவு பிரதேச அமைப்பாளர் பி. ரி. தர்மலிங்கம் தலைமையில் இவரின் அலுவலகத்தில் இடம்பெற்றது.

காரைதீவில் உள்ள வட்டாரங்களுக்கு அமைப்பாளர்கள் இதன்போது நியமிக்கப்பட்டதுடன் புதிய அங்கத்தவர்களும் இணைத்து கொள்ளப்பட்டனர்.

இங்கு விசேட உரை ஆற்றியபோது பொடியப்பு பியசேன மேலும் தெரிவித்தவை வருமாறு:-

எமது தலைவர் மஹிந்த ராஜபக்ஸ அண்மையில் இந்தியாவுக்கு விஜயம் மேற்கொண்டு சென்று இருந்தார். அங்கு அவருக்கு மிக மகத்தான வரவேற்பு வழங்கப்பட்டது. மஹிந்த யுகம் மீண்டும் வெகுவிரைவில் நிச்சயம் மலரும் என்கிற மகிழ்ச்சியான செய்தி எமக்கு இதன் மூலம் வெளிப்பட்டு நிற்கின்றது. இன்னொரு வகையில் சொல்வதானால் மக்கள் மஹிந்த ராஜபக்ஸவுடன் ஒன்றித்து நிற்பதால் மஹிந்த யுகம் வெகுவிரைவில் மீண்டும் மலர்வது நிச்சயம் என்பதை இந்தியா அடையாளம் கண்டு உள்ளது. அதாவது அவரின் கைகளை முறிக்க முடியாது என்பதை உணர்ந்து அவற்றை முத்தமிடுகின்றது. இதே நிலைப்பாட்டுக்குதான் உலக நாடுகள் அனைத்தும் வந்து உள்ளன.

சிங்கள மக்கள் மஹிந்த ராஜபக்ஸவுக்கு பின்னால் அணி திரண்டு நிற்கின்றனர். தமிழ் மக்களுக்கு உண்மையான தலைவர்கள் யாரும் இது வரையில் கிடைக்கவே இல்லை. தமிழ் தலைவர்கள் தமிழ் மக்களுக்கு எந்தவொரு நன்மையையும் பெற்று கொடுக்கவில்லை. மாறாக தமிழ் மக்களை மாறாத துன்ப சாகரத்துக்குள் தள்ளி இருக்கின்றார்கள். எனவே இந்நாட்டின் உன்னத தலைவரான மஹிந்த ராஜபக்ஸவை தமிழ் மக்களின் தலைவராக தமிழர்கள் ஏற்று அங்கீகரிக்க வேண்டும். ஒரு இனத்தின் உண்மையான தலைவன் இன்னொரு இனத்துக்கு எதிரானவனாக இருக்க மாட்டான். காந்திஜி இலங்கை தமிழ் மக்களுக்கு எந்த நன்மையையும் செய்து இருக்கவில்லை. ஆனால் அவரை நாமும் மகாத்மா என்று கொண்டாடுகின்றோம். அப்படியாயின் மஹிந்த ராஜபக்ஸ எத்தனையோ நன்மைகளை தமிழ் மக்களுக்கு பெற்று கொடுத்திருக்கின்றபோது ஏன் நாம் அவரை தமிழ் மக்களின் தலைவராக ஏற்று கொள்ள முடியாது என்று நான் வினவுகின்றேன்.

அரசியலையும், அபிவிருத்தியையும் முஸ்லிம் சகோதர இனத்தவர்களிடம் இருந்து தமிழர்கள் கற்க வேண்டி உள்ளது. இரண்டையும் அவர்கள் ஒன்றாகவே முன்னெடுக்கின்றனர். குறிப்பாக அம்பாறை மாவட்டத்தை பொறுத்த வரையில் அரசியலோடு சேர்ந்த அபிவிருத்தியையும், அபிவிருத்தியோடு இணைந்த அரசியலையும் ஒருசேர முன்னெடுப்பதன் மூலமே இம்மாவட்டத்தில் உள்ள தமிழ் பிரதேசங்கள் முஸ்லிம் பிரதேசங்களை போல முன்னேற்றங்களை அடைதல் கை கூடும். நான் பாராளுமன்ற உறுப்பினராக இருந்து பொதுவாக அம்பாறை மாவட்டத்தை குறிப்பாக காரைதீவை சேர்ந்த பாடசாலைகள், கோவில்கள் போன்றவற்றுக்கு பல இலட்சம் ரூபாய் நிதி ஒதுக்கீடுகள் செய்து கொடுத்திருக்கின்றேன். ஆனால் நல்லாட்சியில் அபிவிருத்தி எதுவும் இடம்பெறுவதாக தெரியவில்லை. நான் மீண்டும் அதிகாரத்துக்கு வருகின்றபோது அபரமித அபிவிருத்தியை எனது மக்களுக்கு பெற்று கொடுப்பேன்..

இதே நேரத்தில் தமிழ் - முஸ்லிம் இனங்களுக்கு இடையில் வேற்றுமையில் ஒற்றுமை அத்தியாவசியமாக உள்ளது. இம்மாவட்டத்தில் பல்லாயிர கணக்கான தமிழ் இந்துக்கள் கிறிஸ்தவர்களாக மாற்றப்பட்டு வருகின்றனர். ஆயினும் இதற்கு எதிராக தமிழர் தரப்பில் குரல் கொடுக்கப்படுவது இல்லை என்றே கூறலாம். ஆனால் எவரேனும் இந்து ஒருவர் இஸ்லாமியராக மாறி விட்டால் போதும். வரிந்து கட்டி கொண்டு வலிந்து சண்டை போடுகின்றார்கள். இதற்கு முஸ்லிம்கள் மீது இருக்க கூடிய காழ்ப்புணர்ச்சிதான் ஒரேயொரு காரணம் ஆகுமே ஒழிய இந்து சமயம் மீதான அக்கறை அல்ல என்பதையும் இவ்விடத்தில் சொல்லி வைக்கின்றேன்.

Read more...

ஜனாதிபதி வேட்பாளராக தன்னுடைய பெயரும் பேசப்படுகின்றதாம். வாசு.

ஜனாதிபதி வேட்பாளர் விடயம் தொடர்பில், பொதுஜன பெரமுன தீர்மானமொன்றை மேற்கொள்ள​வெண்டுமென குறிப்பிட்டுள்ள நாடாளுமன்ற உறுப்பினர் வாசுதேவ நாணயக்கார, தனது பெயரும் முன்மொழியப்பட்டிருப்பதாக குறிப்பிட்டுள்ளார்.

அத்துடன், ஒன்றிணைந்த எதிரணியினர் பொதுவாக எடுக்கும் தீர்மானங்களுக்கு தாம் உடன்படுவதாகவும், வாசுதேவ நாணயக்கார மேலும் தெரிவித்துள்ளார்.

குடும்ப ஆட்சி நாட்டுக்கு பொருத்தமற்றதென, நாடாளுமன்ற உறுப்பினர் குமார வெல்கம தெரிவித்துள்ளார்.

எதிர்வரும் ஜனாதிபதி தேர்தலில் தனது சகோதரர் ​போட்டியிடுவாரென, முன்னாள் ஜனாதிபதி மஹிந்த ராஜபக்ஷ அண்மையில் தெரிவித்த கருத்து குறித்தே, அமைச்சர் மேற்கண்டவாறு குறிப்பிட்டுள்ளார்.

குடும்ப உறுப்பினர்களுக்கு முன்னுரிமை வழங்கியதால் தான், கடந்த தேர்தலில் மஹிந்த ராஜபக்ஷ தோல்வியடைந்தார் என, குமார வெல்கம தெரிவித்துள்ளார்.

Read more...

ரணில் தொடர்பான அஸ்ரபின் நிலைப்பாடு நிலையானதா?

ரணில் சாரதியாக இருக்கும் பஸ்ஸில் பயணிக்கமாட்டேன் என்று அஸ்ரப் அப்போது சொன்னது உண்மைதான். அவர் உயிருடன் இருந்திருந்தால் தொடர்ந்தும் இதே நிலைப்பாட்டில் இருந்திருப்பார் என்று சொல்ல முடியாது.

அரசியலில் எப்போது என்ன மாற்றம் ஏற்படும் என்று சொல்ல முடியாது. அப்போது ஏற்படும் மாற்றத்துக்கு ஏற்பவே முடிவுகள் எடுக்கப்படும்.

அவர் உயிருடன் இருந்திருந்தால் மஹிந்தவின் ஆட்சியில் முஸ்லிம்களுக்கு எதிராக இடம்பெற்ற அநீதிகள் காரணமாக அவர் ஐக்கிய தேசிய கட்சிக்கு மாறி இருக்கக்கூடும்.

அஸ்ரப் தமிழர் விடுதலைக் கூட்டணியில் இருந்தார். பின் சிறிலங்கா முஸ்லிம் காங்கிரஸை உருவாக்கி ரணசிங்க பிரேமதாசாவை ஜனாதியாக்குவதற்கு ஆதரவு வழங்கினார். பின்பு சந்திரிகாவை ஜனாதியாக்குவதற்கு ஆதரவு வழங்கி அவர் தலைமையிலான சுதந்திரக் கட்சி அல்லது ஐக்கிய மக்கள் சுதந்திரக் கூட்டமைப்பில் இணைந்தார். மரணிக்கும் வரை அதிலேயே இருந்தார்.

இதைப் பதவிக்கான கட்சி தாவல்கள் என்று சொல்ல முடியாது. அரசியல் மாற்றங்களுக்கு ஏற்ப அவரும் மாறினார் என்றே சொல்ல வேண்டும்.

அப்படிப் பார்க்கும்போது மஹிந்த ஆட்சியில் முஸ்லிம்களுக்கு எதிராக இடம்பெற்ற அநீதிகள் காரணமாக அவர் ரணிலின் தலைமையிலான ஐக்கிய தேசிய கட்சியில் இணையும் நிலைப்பாட்டை எடுத்திருக்கக்கூடும்.

ஆனால், ரணில் சாரதியாக இருக்கும் பஸ்ஸில் பயணிக்கமாட்டேன் என்று அஸ்ரப் அப்போது சொன்னதை வைத்துக்கொண்டு அதுதான் அவரது இறுதி முடிவு என்று சொல்ல முடியாது.

அப்போது அவர் இதைக் கூறும்போது ரணிலின் சில நிலைப்பாடுகள் அஸ்ரப் க்கு பிடிக்காமல் இருந்திருக்கும். கால ஓட்டத்தில் அந்தக் கொள்கைகளை அவர் நீக்கி இருந்தால் அஸ்ரப் அவரது நிலைப்பாட்டை மாற்றி இருக்கக் கூடும்.

தங்களின் கட்சியின் நலனுக்கு அல்லது தங்களின் சமூகத்தின் நலனுக்கு ஏற்றால்போல் பெரும்பான்மை இனக் கட்சிகள் நிலைப்பாட்டை எடுத்தால் அந்தக் கட்சிகளுடன் இணைவதுதானே சிறுபான்மை இனக் கட்சிகளின் நிலைப்பாடு.

அரசியலில் நிரந்தர நண்பனும் இல்லை, நிரந்தர எதிரியும் இல்லை என்பது இலங்கையின் அரசியலை பார்த்துக்க்கொண்டிருக்கின்ற அத்தனை பேருக்கும் தெரியும்.

Read more...
Copyright www.ilankainet.com All right reserved.
Designed and Hosted By : ilankainet.com
To contact us : ilankainet@gmail.com