புதிய கட்சியில் போட்டியிடத் தயாராகின்றாராம் சஜித்

எதிர்வரும் பாராளுமன்றத் தேர்தலில் ஐக்கிய தேசியக் கட்சியில் போட்டியிடுவதற்காக, வேட்பாளர்களின் பெயர்ப் பட்டியல் தயாரிக்கப்பட்டு வருவதாக, சஜித் பிரேமதாச நட்பு வட்டாரங்களிலிருந்து செய்திகள் கசிந்துள்ளன.

ஐக்கிய தேசியக் கட்சியிலிருந்து தலைவர் பதவி கிடைக்காது விட்டால், வேறொரு கட்சியிலிருந்து போட்டியிடுவதற்குரிய ஏற்பாடுகள் நடந்த வண்ணம் உள்ளன.

ஐக்கிய தேசியக் கட்சியின் தலைமைத்துவத்திற்கான போட்டி இழுபறியாக இருந்தால், தங்கள் கட்சிக்கு தோல்வி என்பது அவர்களது கருதுகோளாக உள்ளது.

இந்த இழுபறி காரணமாகவே ஜனாதிபதித் தேர்தலில் சஜித் பிரேமதாச தோல்வியைத் தழுவ நேரிட்டது, தொடர்ந்தும் அவ்வாறு தோல்வியைச் சந்திக்காமலிருப்பதே அவர்களது கருத்தாக உள்ளது.