Thursday, December 5, 2019

பா.உ. விஜித் விஜயமுனியை கட்சியிலிருந்து நீக்கியது ஸ்ரீசுக!

பாராளுமன்ற உறுப்பினர் விஜித் விஜயமுனி சொய்சாவைக் கட்சியிலிருந்து நீக்கியதாகக் கூறி தேர்தல்கள் ஆணையகத்திற்கு மற்றும் பாராளுமன்ற செயலாளர் நாயகத்திற்கு இன்று (05) கடிதம் அனுப்பிவைக்கவுள்ளதாக ஸ்ரீலங்கா சுதந்திரக் கட்சி குறிப்பிட்டது.

இதற்கு முன்னர் பாராளுமன்ற உறுப்பினர் ஏ.எச்.எம். பெளஸியைக் கட்சியிலிருந்து நீக்கியதாக, ஸ்ரீலங்கா சுதந்திரக் கட்சி தேர்தல்கள் ஆணையகத்திற்குஅறிவித்திருந்தது. ஏனைய கட்சிகளுடன் தொடர்புவைத்திருந்ததாகக் கூறி பாராளுமன்ற உறுப்பினர்களான எஸ்.பீ. திசாநாயக்க, டிலான் பெரேரா மற்றும் லக்ஷ்மன் யாப்பா அபேவர்த்தன ஆகியோரின் கட்சி உறுப்புரிமைகளை அடுத்தவாரம் நீக்குவதற்கு தீர்மானிக்கப்பட்டுள்ளது.

ஸ்ரீலங்கா சுதந்திரக் கட்சியின் அரசியல் சபை கட்சித் தலைவர் மைத்திரிபால சிறிசேனவின் தலைமையில் அடுத்த வாரம் கூட்டமொன்றைக் கூடவுள்ளது. அச்சந்தர்ப்பத்தில் நீக்கப்பட்ட உறுப்பினர்களுக்குப் பதிலாக புதிய உறுப்பினர்களை இணைத்துக்கொள்வது தொடர்பில் இறுதித் தீர்மானம் எடுக்கப்படும். அக்கூட்டத்தில் உள்ளுராட்சி சபை உறுப்பினர்கள் 35 பேருக்கு ஒழுக்காற்று நடவடிக்கை தொடர்பில் இறுதித் தீர்மானம் எடுக்கவுள்ளதாகவும் கட்சியின் சிரேஷ்ட உப தலைவர் பேராசிரியர் ரோஹண லக்ஷ்மன் பியதாஸ குறிப்பிடுகின்றார்.

0 comments :

Copyright www.ilankainet.com All right reserved.
Designed and Hosted By : ilankainet.com
To contact us : ilankainet@gmail.com