விசேட பொலிஸ் வீடியோ வேவு அணிகள் நாளை கொழும்பில் களமிறங்குகின்றது.

ஜனாதபதித் தேர்தலுக்கான வேட்பு மனுத்தாக்கல் நாளை இடம்பெறவுள்ளது. வேட்பாளர்கள் தங்களுக்கான கட்டனங்களை செலுத்தவேண்டிய காலஎல்லை இன்று நண்பகலுடன் காலாவதியாகியுள்ளது. அதன் பிரகாரம் இன்று நண்பகல்வரை அரசியல் கட்சிகள் 22 ம் சுயாதீன வேட்பாளர்கள் 19 பேரும் பணம் செலுத்தியுள்ளனர். இலங்கை வரலாற்றில் அதிகூடிய வேட்பாளர்கள் போட்டியிடும் தேர்தலாக இத்தேர்தல் அமையவுள்ளது.

சிவாஜிலிங்கம், ஹிஸ்புல்லா , குமார வெல்கம , மஹிபால ஹேரத்த , மில்றோய் பெர்ணான்டு , ஜயந்;த கொட்டகொட என பல அரசியல் பிரபலங்களும் இத்தேர்தலில் போட்டியிடுவதற்கு தமது கட்டுப்பணத்தை செலுத்தியுள்ளனர்.

நாளை காலை 9 மணியிலிருந்து 11 மணிவரை ராஜகிரிய தேர்தல்கள் திணைக்கள தலைமைக்காரியாலயத்தில் வேட்புமனுக்கள் ஏற்றுக்கொள்ளப்படவுள்ளதுடன் அதற்கு ஆட்சேபனை பத்திரங்களை பாரமெடுப்பதற்கான சந்தர்ப்பங்கள் வழங்கப்படவுள்ளது.

இதன்பிரகாரம் நாளை கொழுப்பிலுள்ள பிரதான பாடசாலைகள் சில இயங்காது என அறிவிக்கப்பட்டுள்ளதுடன் தேர்தல்கள் திணைக்கள சுற்றுவட்டார வீதிகள் பல மூடப்பட்டு மாற்று வீதி ஒழுங்குகள் அறிவிக்கப்பட்டுள்ளது.

இதேநேரம் வேட்பாளர்களுடன் வரும் சகல ஆதரவாளர்களும் 5 மேற்பட்ட முறை சோதனையிடப்பட்ட பின்னரே அனுமதிக்கப்படுவர் என பொலிஸார் அறிவித்துள்ளனர்.

நாளை வாகனங்களிலோ அன்றில் கால்நடையாகவே பேரணிகள் செல்வதும் துண்டுபிரசுரங்கள் பகிர்ந்தளிப்பதும் தடைசெய்யப்பட்டுள்ளது.

ஒலிபெருக்கிகள் எதுவும் பயன்படுத்த முடியாது.

இவற்றை மீறுவோர் மீது சட்ட நடவடிக்கை எடுக்கப்படும் என அறிவித்துள்ள பொலிஸார் செயற்பாடுகளை கண்காணிப்பதற்காக வீசேட வீடியோ வேவுப்படை ஒன்று களமிறக்கப்பட்டுள்ளதாக பொலிஸ் பேச்சாளர் அறிவித்துள்ளார்.

கட்டுப்பணம் செலுத்தியுள்ள வேட்பாளர்களின் விபரம் வருமாறு-

1. சஜித் பிரேமதாச – ஐக்கிய தேசியக் கட்சி
2. கோத்தாபய ராஜபக்ச – சிறிலங்கா பொதுஜன பெரமுன
3. அனுரகுமார திசநாயக்க – தேசிய மக்கள் சக்தி
4. றொகான் பல்லேவத்த – ஜாதிக சங்வர்த்தன பெரமுன
5. மில்றோய் பெர்னான்டோ – சுயேட்சை
6. ஜெனரல் மகேஸ் சேனநாயக்க – தேசிய மக்கள் இயக்கம்
7. சிறிதுங்க ஜயசூரிய – ஐக்கிய சோசலிச கட்சி
8. சிறிபால அமரசிங்க – சுயேட்சை
9. சரத் மனமேந்திர – நவ சிங்கள உறுமய
10. சமரவீர வீரவன்னி – சுயேட்சை
11. சமன் பிரசன்ன பெரேரா – எமது மக்கள் சக்தி கட்சி
12. அனுருத்த பொல்கம்பொல – சுயேட்சை
13. ஏஎஸ்பி லியனனே – சிறிலங்கா தொழிலாளர் கட்சி
14. ஜயந்த கேதாகொட – சுயேட்சை
15. துமிந்த நாகமுவ – முன்னிலை சோசலிசக் கட்சி
16. அஜந்தா பெரெரா – சிறிலங்கா சோசலிச கட்சி
17. சமன்சிறி ஹேரன் – சுயேட்சை
18. அசோக வடிகமங்காவ – சுயேட்சை
19. ஆரியவன்ச திசநாயக்க – ஜனநாயக ஐக்கிய தேசிய முன்னணி
20. வஜிரபானி விஜேசிறிவர்த்தன – சோசலிச சமத்துவக் கட்சி
21. பத்தேகமகே நந்திமித்ர – நவ சம சமாஜ கட்சி
22. வண. அபரகே புண்ணானந்த தேரர் – சுயேட்சை
23. பியசிறி விஜேநாயக்க – சுயேட்சை
24. சமல் ராஜபக்ச – சிறிலங்கா சுமந்திர பொதுஜன கூட்டணி
25. அனுர டி சொய்சா- ஜனநாயக தேசிய இயக்கம்
26. ஜயந்த லியனகே – சிங்களதீப ஜாதிக பெரமுன
27. குமார் வெல்கம – சுயேட்சை
28. ரஜீவ விஜேசிங்க – சுயேட்சை
29. வண. பத்தரமுல்லே சீலாரத்ன தேரர் – ஜனசத பெரமுன
30. இலியாஸ் இத்ரூஸ் முகமட்- சுயேட்சை
31. அஜந்த டி சொய்சா – ருகுணு மக்கள் முன்னணி
32. பஷீர் சேகு தாவூத் – சுயேட்சை
33. விஜித குமார கீர்த்திரத்ன – சுயேட்சை
34. எம்.கே.சிவாஜிலிங்கம் – சுயேட்சை
35. எம்எல்ஏஎம். ஹிஸ்புல்லா – சுயேட்சை
36. பிரியந்த எதிரிசிங்க – ஒக்கம வசியோ ஒக்கம ரஜவரு சவிதானய
37. நாமல் ராஜபக்ச – தேசியங்களின் ஒற்றுமை இயக்கம்
38. அகமட் ஹசன் முகமட் அலவி – சுயேட்சை
39. குணபால திஸ்ஸகுட்டியாராச்சி – சுயேட்சை
40. மஹிபால ஹேரத் – சுயேட்சை
41. சுப்ரமணியம் குணரத்தினம் – எமது தேசிய முன்னணி