மக்கள் விடுதலை முன்னணியின் வேட்பாளராக அநுர... உத்தியோகபூர்வ அறிவிப்பு 18 இல்

மக்கள் விடுதலை முன்னணியின் 'தேசிய மக்கள் சக்தி' கூட்டணியின் ஜனாதிபதி வேட்பாளராக அநுரகுமார திஸாநாயக்கவே களமிறங்கவுள்ளார் என அக்கட்சி வட்டாரங்களிலிருந்து தெரியவருகின்றது. இது தொடர்பான உத்தியோகபூர்வ அறிவிப்பு எதிர்வரும் 18 ஆம் திகதி வெளியாகவுள்ளது.

ஜனாதிபதித் தேர்தலை இலக்குவைத்து 'தேசிய மக்கள் சக்தி' என்ற பாரிய கூட்டணியை மக்கள் விடுதலை முன்னணி உருவாக்கியுள்ளது . பல சிவில் அமைப்புகள் இக்கூட்டணியில் ஒன்றுசேர்ந்துள்ளன.

'தேசிய மக்கள் சக்தி கூட்டணி'யின் முதலாவது தேசிய கூட்டம் எதிர்வரும் 18 ஆம் திகதி காலிமுகத்திடத்தில் நடைபெறவுள்ளது. இதன்போது ஜனாதிபதி வேட்பாளராக அக்கட்சியின் தலைவர் அநுரகுமார திஸாநாயக்கவின் பெயர் முன்மொழியப்பட்டு, அது நிறைவேற்றப்படவுள்ளது.