மஹிந்த ராஜபக்சவுடன் போபம் இல்லையாம் அவருடனுள்ள ஓநாய்களுடன் வேலை செய்ய முடியாதாம். சொய்சா.

ஐக்கிய மக்கள் முன்னனியின் பாராளுமன்ற உறுப்பினர்கள் விஜித் விஜிதமுனி செய்சா, லக்ஷமன் சேனவிரத்ன, இந்திக பண்டாரநாயக்க ஆகியோர்கள் ஐக்கிய தேசிய கட்சியுடன் இணைந்து செயற்பட இன்றைய பாராளுமன்ற கூட்டத்தொடரின் போது ஆளும் கட்சியின் ஆசனங்களில் அமர்ந்தனர்.

பாராளுமன்ற கூட்டத்தொடரின் போது விஜித் விஜிதமுனி செய்சா உரையாற்றுகையில்:

தற்போதைய அரசியல் நெருக்கடிகளுக்கு மத்தியில் அரசாங்கத்தை பொறுப்பேற்றுள்ளனர். பாராளுமன்ற உறுப்பினர்கள் என்ற வகையில் எமக்கு பொறுப்புள்ளது. சிறு கட்சிகளின் செயற்பாடுகளுக்கு நாம் பாராட்டு தெரிவித்தல் வேண்டும். எங்கள் கட்சி தலைவர் மைத்திரிபால சிரிசேன அவர்களுடனும் ஆலோசகர் மஹிந்த ராஜபக்ஸவுடனும் இணைந்து செயற்படுவதில் எமக்கு எவ்வித தடையும் இல்லை. ஸ்ரீவங்கா சுதந்திர கட்சியினர் என்ற வகையில் எமக்கும் பொறுப்பு உண்டு.

நாங்கள் ஸ்ரீலங்கா சுதந்திர கட்சியினர் என்ற வகையில் மிக கவலைக்கிடமான நிலையில் உள்ளோம். நான் பிறப்பிலேயே ஸ்ரீலங்கா சுதந்திர கட்சியை சேர்ந்தவன். நான் 1979ம் ஆண்டு அவிசாவெல்லை நகர சபையில் வேட்பாளராக நின்ற போது எவரும் எங்கள் கட்சி சார்பாக இருக்கவில்லை. எந்த தலைவரும் எமக்காக தேர்தல் களத்தில் இறங்கவும் இல்லை.

பிரஜாவுரிமை இரத்து செய்யப்பட்டிருந்த சிறிமாவே பண்டாராநாயக்க அம்மையாரை அமைச்சர் ஆக்க நடவடிக்கை எடுத்தோம். முன்னாள் ஜனாதிபதி சந்திரிக்கா அம்மையாரை ஜனாதிபதி ஆக்கினோம். அக்காலத்தில் நான் ஸ்ரீ.சு.கட்சியின் இளைஞர் இயக்கத்தில் இருந்தேன்.

ரஞ்ஞித் மத்தும பாண்டாரயும் நானும் கீரியும் பாம்பு போலவே இருந்தோம். இன்று நாம் இருவரும் ஒருவருக்கு ஒருவர் அருகில் உள்ளோம். வந்த வெள்ளத்தில் இருவருமே ஒரே வாழைத் தண்டில் தான் ஏற வேண்டி இருந்தது.

மஹிந்த ராஜபக்ஸ அவர்கள் எனக்கு அமைச்சு பதவி வழங்கியிருந்தார். அவரை சுற்றியுள்ள ஓநாய்களுடன் அரசியல் பயணத்தை முன்னெடுக்க முடியாது. நாம் எதிர்பார்ப்பது கட்சியின் நிறத்தை அல்ல. மக்களின் ஆதரவை மட்டுமே. எங்களது ஆட்சி காலத்தில் என்னை செயற்பட விடவில்லை. ஆனால் நல்லாட்சி அரசாங்கத்தில் என்னை சுதந்திரமாக செயற்பட விட்டனர்.

நாங்கள் 200 குளங்களை இக்காலத்திலேயே நிர்மாணித்தோம். ஆகையால் நான் ஐக்கிய தேசிய கட்சியுடன் இணைந்தமை தவறாக எண்ண வேண்டாம் என அவர் உரையாற்றியிருந்தார்.