கிழங்கை உட்கொண்ட சீனப் பிரஜை மரணம்!

நாவுல பகுதியில் வைத்து ஒருவகை கிழங்கை உட் கொண்ட சீனப் பிரஜைகளில் ஒருவர் உயிரிழந்துள்ளதுடன், மற்றுமொருவர் ஆபத்தான நிலையில் தம்புள்ளை வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

நாவுல பிரதேசத்தில் நிர்மாணிக்கப்பட்டுவரும் நீர்தேக்க நிர்மாணப் பணிகளில் ஈடுபட்டிருந்த இந்த சீன பிரஜைகள் இருவரும், காட்டுப் பகுதியில் உள்ள ஒருவகை கிழங்கை எடுத்து வந்து அவர்கள் தங்கியிருக்கும் விடுதியில் வைத்து அவித்து உண்டதாக தெரிவிக்கப்படுகின்றது. சம்பவம் குறித்து விசாரணைகளை பொலிஸார் மேற்கொண்டு வருகின்றனர்.