பாதுகாப்பை காரணங்காட்டி அவுஸ்ரேலியாவில் தடுத்து வைக்கப்பட்டிருந்த 5 இலங்கையர் விரைவில் விடுதலை

அவுஸ்திரேலியாவுக்கு பாதுகாப்பு அச்சுறுத்தலாக இருந்தனர் என்ற அடிப்படையில் 3 வருடங்களாக தடுத்து வைக்கப்பட்டிருந்த 5 இலங்கையர்கள் விடுவிப்பதற்கான அனுமதியை அவுஸ்திரெலிய அரசாங்கம் வழங்கியுள்ளது.

இதனையடுத்து அடுத்த வாரத்தில் நீதிமன்றத்தில் குறித்த வழக்கு விசாரணைக்கு வரும் போது 5 இலங்கையர்களும் விடுவிக்கப்படுவர் என்று அவுஸ்திரேலிய அரசாங்க தகவல்கள் தெரிவிக்கப்படுவதுடன் விடுவிக்கப்படவுள்ளர்களில் தடுப்பின் போது பிறந்த குழந்தை ஒன்றும் அடங்குவதாக குறிப்பிடப்பட்டுள்ளது.

இந்த 5 பேரும் அவுஸ்திரேலிய பாதுகாப்புக்கு அச்சுறுத்தல் இல்லை என்று அவுஸ்திரேலிய பிராந்திய காவல்துறையினர் நேற்று முன்தினம் அந்த நாட்டின் அரசாங்கத்துக்கு உத்தியோகபூர்வமாக அறிவித்ததை அடுத்தே அவர்கள் விடுதலை செய்யப்படவுள்ளமை குறிப்பிடத்தக்கது.