ஒபாமாவின் நண்பர் விபசார வழக்கில் கைது!

அமெரிக்க அதிபர் ஒபாமாவின் நண்பர் ராபர்ட் பாபி டிட்காம்ப் (49). இவர் ஹோனோலூலு நகருக்கு 4 பேருடன் சென்று இருந்தார். அங்கு அவர்கள் ஒரு பெண்ணை விபசாரத்துக்கு அழைத்தனர். இதுபற்றி தகவல் அறிந்த போலீசார் அங்கு சென்று விசாரணை நடத்தினர்.

பின்னர் டிட்காம்ப் உள்பட 4 பேரையும் கைது செய்தனர். பின்னர் அவர்கள் தலா ரூ.75 ஆயிரம் தனிநபர் ஜாமீனில் விடப்பட்டனர். டிட்காம்ப் அதிபர் ஒபாமாவின் நெருங்கிய நண்பர்களில் ஒருவர். இவர்கள் இருவரும் ஹோனோ லூலுவில் உள்ள ஒரு பள்ளியில் கடந்த 1970-ம் ஆண்டு முதல் ஒன்றாக படித்தவர்கள்.

இவர்கள் இருவரும் குடும்ப நண்பர்கள் ஆவர். கோல்ப், கூடைப்பந்து போன்ற விளையாட்டுகளை இருவரும் ஒன்றாக சேர்ந்து விளையாடுவார்கள். கிறிஸ்துமஸ், புத்தாண்டு உள்ளிட்ட விடுமுறை நாட்களை இருவரும் தங்கள் குடும்பத்தினரோடு கழிப்பார்கள்.