இடைத்தங்கல் முகாம் மக்கள் மீள்குடியமர்த்தப்பட்டு 13ம் திருத்தச் சட்டம் அமுல்படுத்தப்படவேண்டும். தயான்

ஐ.நா விற்கான இலங்கை நிரந்தர வதிவிடப் பிரதிநிதியாக செயற்பட்டு வந்த கலாநிதி தயான் ஜெயதிலக அவர்கள் டெய்லி மிரர் பத்திரிகையின் கொட்சீற் எனப்படும் நேர்காணலில் இலங்கையில் இனப்பிரச்சினை தீர்க்ப்படவேண்டும் எனவும் இடைத்தங்கல் முகாம்களில் உள்ள மக்களை அவ்வாறு தடுத்து வைக்க முடியாது எனவும் அவர்கள் உடனடியாக விடுவிக்கப்படவேண்டும் என மிகவும் தெளிவாக கூறுகின்றார்.

அனைவராலும் 13ம் திருத்தச்சட்டம் நாட்டின் பிரிவினைக்கு வழிவகுக்கும் என்று கூறப்படுகின்றது. இவ்விடயத்தை நன்கு கவனிக்கவேண்டும். பிரபாகரன் 13ம் திருத்தச் சட்டத்தினை எதிர்த்திருந்தார். அதன் ஏற்பாட்டாளர்களான இந்திய அமைதிகாக்கும் படையினருடன் போர் ஒன்றை தொடுத்திருந்தார். அவ்வாறு 13ம் திருத்தச் சட்டம் நாடுபிரிவதன் முதற்கட்டமாக இருந்திருந்தால், பிரபாகரன் அதை ஏற்றிருப்பார் என்பதை உணர்ந்து கொள்ள வேண்டும்.

இலங்கை மீது போர் குற்றங்களை சுமத்த முற்படுகின்றனர். நாம் எமது படையினரை பாதுகாக்கவேண்டும். அதற்கு இரண்டு வழிகள் உண்டு. இங்கு இடம்பெற்றிருப்பது நியாயமான போர். கொடியபயங்கரவாதம் ஒழிக்கப்பட்டுள்ளது. பயங்கரவாதம் ஒழிக்கப்பட்டுள்ள நிலையில் நாம் அன்று கூறிவந்த விடயங்களை தொடர்ந்தும் கூறமுடியாது. தேசியப் பிரச்சினைக்கு தீர்வு காணப்படவேண்டும். இன்று இடைத்தங்கல் முகாம்மக்களின் மீழ்குடியமர்வு, அரசியல் தீர்வு இரண்டும் போர் குற்றங்களுடன் ஒன்றிணைகின்றது. ஆனால் அனைவரும் எதிர்பார்க்கும் இடைத்தங்கல் முகாம் மக்களின் பிரச்சினைகள் தீர்க்கப்பட்டு, அரசியல் பிரச்சினைக்கு தீர்வு காணப்படும்போது போர் குற்றம் என்பது இல்லாமல்போகும்.

வெளிநாட்டலுவல்கள் அமைச்சராக மீண்டும் அமரர் கதிர்காமர் அவர்களை கொண்டுவர முடியாதுபோனாலும் எமது அமைச்சரவையில் அந்த பதவிக்கு பொருத்தமானவர்கள் இருக்கின்றார்கள். கலாநிதி சரத் அமுனுகம, கலாநிதி ஜி.எல் பீரிஸ் போன்றவர்களால் ஓர் சிறந்த வெளிநாட்டு உறவை ஏற்படுத்திக் கொள்ள முடியும், என்பதன் மூலம் வெளிநாட்டு அலுவல்கள் அமைச்சர் றோகித்த போகல்லாகம அப்பதவிக்கு பொருத்தமற்றவர் என கூறுகின்றார்.

இவ்வாறு இலங்கையின் இன்றைய நிலைமைகள் தொடர்பாக தனது தெளிவான கருத்துக்களை மிகவும் துணிவுடன் கூறியிருக்கும் அவரது நேர்காணலின் முழுவடிவம் மேலே இணைக்கப்பட்டுள்ளது.