நடிகர் சிட்டிபாபு கவலைக்கிடம்: வைத்தியர்கள் காப்பாற்ற போராட்டம்!

பிரபல காமெடி நடிகர் சிட்டி பாபு,ஒற்றன்,பாய்ஸ்,பைவ் ஸ்டார்,தூள்,சிவகாசி,திண்டுக்கல் சாரதி, மாப்பிள்ளை உள்பட பல படங்களில் நடித்துள்ளார்.சிட்டி பாபுவுக்கு ஏற்கனவே இருதய கோளாறு இருந்தது.இதற்காக அவர் பைபாஸ் அறுவை சிகிச்சை செய்து கொண்டார். அதன் பிறகு இரண்டு வருடங்கள் படங்களில் நடிக்காமல் வீட்டில் ஓய்வு எடுத்தார். தற்போது அவர் மீண்டும் சில படங்களில் நடிக்க தொடங்கினார். நேற்று முன்தினம் திடீரென மயங்கி விழுந்தார்.உடனடியாக அவரை முகப்பேரில் உள்ள தனியார் வைத்தியசாலையில் சேர்த்தனர். அங்கு டாக்டர்கள் தீவிர சிகிச்சை அளித்தனர். ஆனாலும் சிட்டிபாபு உடல்நிலை மோசமானது. கோமா நிலைக்கு சென்றார்.

சிட்டிபாபு மூளையில் கட்டி இருப்பதாக டாக்டர்கள் தெரிவித்தனர். அதனை அறுவை சிகிச்சை செய்து அகற்றலாமா என்றும் யோசிக்கப்பட்டது.இந்த நிலையில் இன்று காலை மீண்டும் அவரது உடல்நிலை மோசமானது. இதையடுத்து ராயப்பேட்டை அரசு வைத்தியசாலையில் அனுமதிக்கப்பட்டார். டாக்டர்கள் தீவிர சிகிச்சை அளித்து வருகின்றனர்.