யுத்தக் குற்றம் தொடர்பில் விசாரணை தேவையில்லை – நியூசிலாந்து

யுத்தக் குற்றச் செயல்கள் தொடர்பில் சுயாதீன விசாரணை நடத்தப்பட வேண்டியதில்லை என்பதே நியூசிலாந்தின் நிலைப்பாடு என நியூசிலாந்து வெளிவிவாகர அமைச்சர் மரே மக்கலே தெரிவித்துள்ளார்.

மேலும் பால் உற்பத்தி இறக்குமதிகள் தொடர்பில் ஏதேனும் முரண்பாடுகள் ஏற்படும் என்ற அச்சத்தினால் இலங்கை தொடர்பில் நியூசிலாந்து மெத்தனப் போக்கைப் பின்பற்றி வருவதாக சுமத்தப்படும் குற்றச்சாட்டுக்களில் உண்மையில்லை என அவர் சுட்டிக்காட்டியுள்ளார். யுத்தத்தின் பின்னர் சாதகமான மாற்றங்கள் ஏற்பட்டுள்ளதாகத் தெரிவித்துள்ளார்.

எனினும், மத்திய அரசாங்கத்திற்கும் தமிழ் மக்களுக்கும் இடையில் சிறந்த புரிந்துணர்வு இதுவரையில் ஏற்படவில்லை இதற்கு சிலர் இடையில் முட்டுக்கட்டையாக இருப்பதாக குறிப்பிட்டார்.