கொழும்பு பல்கலைக்கழக கட்டிடத்திலிருந்து குதித்த மாணவி சிகிச்சை பலனின்றி உயிரிழப்பு!

கொழும்பு தேசிய வைத்தியசாலையில் அனுமதிக்கப்பட்டு சிகிச்சைப்பெற்று வந்த கொழும்பு பல்கலைக்கழக மாணவி, சிகிச்சை பலனின்றி இன்று அதிகாலை உயிரிழந்துள்ளார்.

கொழும்பு பல்கலைக்கழகத்தில் கல்வி பயிலும், 23 வயதுடைய விஞ்ஞான பீட முதலாம் ஆண்டு மாணவி, நேற்று காலை 9.30 மணியளவில் பல்கலைக்கழக கட்டிடத்தின் ஐந்தாம் மாடியிலிருந்து கீழே குதித்து காயமடைந்த நிலையில், கொழும்பு தேசிய வைத்தியசாலையின் தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி உயிரிழந்துள்ளார்.

குறித்த மாணவி பல்கலைக்கழக கட்டிட மாடியிலிருந்து குதித்தமைக்கான காரணங்கள் இதுவரை கண்டறியப்படவில்லை என தெரிவித்த பொலிஸார், விசாரனைகளை மேற்கொண்டு வருவதாக தெரிவித்துள்ளனர்.