பொலிஸ்மா அதிபர் இளங்ககோன் தனது கடமையை சரியாக செய்யவில்லை! சாடுகிறார் சரத் பொன்சேகா

உயர் பொலிஸ் அதிகாரிகளினதும், அந்த அதிகாரிகளின் கீழ் கடமைபுரியும் பொலிஸாரினதும் நடத்தைக்கு பொலிஸ்மா அதிபர் இளங்ககோனே பொறுப்பேற்கவேண்டும் என முன்னாள் இராணுவத்தளபதி சரத் பொன்சேகா தெரிவித்துள்ளார்.

பம்பலபிட்டி வர்த்தகர் ஒருவர் கடத்தப்பட்டு கொலை செய்யப்பட்ட சம்பவம் தொடர்பில் பிரதி பொலிஸ்மா அதிபர் ஒருவர் குற்றத்தை இழைத்ததாக கூறப்படுவது, பொலிஸ் திணைக்களத்தில் பல பிரச்சினைகள் இருப்பதனை காட்டுகின்றது எனவும், எனவே, பொலிஸ் அதியுயர் அதிகாரி பொலிஸார் செய்யும் குற்றச் செயல்களை பொறுப்பேற்கவேண்டும் என்றும், பொலிஸ் உயரதிகாரி தனது கடமையை சரியாக செய்தால் இப்படியான குற்றச் செயல்கள் இடம்பெற்றிருக்காது என பொன்சேகா தெரிவித்துள்ளார்.

அத்துடன் பிரதி பொலிஸ் மா அதிபர் வாஸ் குணவர்தன அரச சாட்சியாக மாற்றப்பட்டு இந்த குற்றச்சாட்டுகளிலிருந்து விடுபடுவார் எனவும், பிரதி பொலிஸ்மா அதிபரி வாஸ் குணவர்தன ஓர் உயர்பாதுகாப்பு உத்தியோகஸ்தரின் நெருங்கிய நண்பன் என்தால்தான் இவரது கேள்விக்குரிய கடந்தகாலத்தையும் கவனத்தில் கொள்ளாமல் இவருக்கு பிரதிபொலிஸ்மா அதிபர் நியமனம் வழங்கப்பட்டுள்ளது என பொன்சேகா தெரிவித்துள்ளார்.