18 ஆயிரம் பேஸ்புக் வாடிக்கையாளர் விவரங்களை கேட்கிறது அமெரிக்கா

உலக அளவில் பேஸ்புக், கூகுள், யாகூ, ஆப்பிள் மற்றும் மைக்ரோசாப்ட் ஆகிய நிறுவனங்கள் தமது இணைய பயன்பாட்டாளர்களின் தகவல்களை அமெரிக்காவின் தேசிய பாதுகாப்பு நிறுவனம்,நேரடியாக தகவல்களை கையாளுவதற்கு அனுமதி அளித்தது வந்ததை கடந்த வாரம் கார்டியன் மற்றும் வாஷிங்டன் போஸ்ட் பத்திரிக்கைகள் வெளியிட்டன.

பேஸ்புக் நிறுவனம் தற்போது உலக அளவில் 1.1 பில்லியன் பயன்பாட்டாளர்களைக் கொண்டுள்ளது. அதில் கடந்த 2012 ஆண்டின் பிற்பகுதியில் மட்டும் 18 ஆயிரம் பயன்பாட்டாளர்கள் பற்றிய தகவல்களை கேட்டு, தேசிய பாதுகாப்பு நிறுவனம் விண்ணப்பங்களை அனுப்பியதாக பேஸ்புக் கூறியுள்ளது. மைக்ரோசாப்ட் நிறுவனத்திடம் 31 ஆயிரம் வாடிக்கையாளர்கள் குறித்த விபரங்களை கோரியதாகவும் தகவல் வெளியாகியுள்ளது.

இந்த நிறுவனங்கள் அனைத்தும் கண்காணிப்பின் நோக்கம் மற்றும் எண்ணிக்கை விபரங்களை பகிரங்கமாக வெளியிட அமெரிக்க அதிகாரிகளிடம் அனுமதி கோரியுள்ளதாக தகவல்கள் வெளியாகியுள்ளன.