நேபாளத்தில் வெளிநாட்டு முதலீட்டாளர்கள் வரிசையில் இலங்கை மூன்றாமிடம்.

நேபாளத்தில் வெளிநாட்டு முதலீட்டாளர்கள் வரிசையில் அமெரிக்கா, தென் கொரியாவிற்கு அடுத்த நிலையில் இலங்கை உள்ளதாக தெரியவந்துள்ளது. இலங்கைக்கான பங்களாதேஷ தூதுவர் Mr.Mahbubuzzamam அவர்கள், பிரதமர் டிஎம் ஜெயரத்ன அவர்களை சந்தித்து பேசியபோது இவ்விடயத்தினை தெரிவித்துள்ளார்.

இலங்கை முதலீட்டாளர்கள் றப்பர் உற்பத்திபொருட்கள், ஆடைகள் தொழிற்சாலைகள் , இரசாயனப் பொருட்கள் என்பவற்றில் தமது முதலீடுகளை செய்துள்ளதாகவும், இலங்கையர்களின் நிறுவனங்கள் பல தமது நாட்டில் மிகவும் ஆரோக்கியமாக செயல்படுவதாகவும் தெரிவித்துள்ளார். இதனடிப்படையில் இருநாடுகளுக்குமான உறவு மிகவும் சுமுகமாக அமைந்துள்ளதாகவும் இவ்விடயத்தில் தமது நாடு திருப்தியடைந்துள்ளதாகவும் தெரிவித்துள்ளார்.

அத்துடன் சுமார் 2000 இலங்கையர்கள் தமது நாட்டில் ஆடைத்தொழிற்சாலைகளில் தொழில் புரிவதாகவும் தாம் ஒவ்வொரு மாதமும் இலங்கையர்களுக்கான 400 தொழில் வீசாக்களை வழங்கிவருவதாகவும் தெரிவித்துள்ள அவர் தமது மருத்துவ பல்கலைக்கழகங்களில் இலங்கை மாணவர்கள் பயின்று வருவதாகவும் சுட்டிக்காட்டியுள்ளார்.