அமெரிக்காவில் தாக்குதல்: அல் - காய்தா புதிய மிரட்டல்

அமெரிக்காவில் பல புதிய தாக்குதல்களை மேற்கொள்ளப்போவதாக அல் - காய்தா பயங்கரவாத இயக்கத்தின் ஏமன் பிரிவு மிரட்டல் விடுத்துள்ளது. கடந்த கிறிஸ்துமஸ் தினத்தன்று அமெரிக்க விமானத்தை தகர்க்க மேற்கொள்ளப்பட்ட முயற்சி தோல்வியடைந்ததது. அதற்கு அல் - காய்தாவின் ஏமன் பிரிவுதான் பொறுப்பேற்றிருந்தது.

இந்நிலையில், அமெரிக்காவில் பல புதிய தாக்குதல்களை மேற்கொள்ளப்போவதாக அல் - காய்தாவின் ஏமன் பிரிவு தளபதி காஸிம் அல் - ராய்மி மிரட்டல் விடுத்துள்ளார்.

" அமெரிக்கர்களே ! உங்களது காலடியில் உள்ள பூமியை தகர்க்கப் போகிறோம்" என அல் - ராய்மி மிரட்டல் விடுத்துள்ளார். இது தொடர்பாக அந்த அமைப்பின் பத்திரிகை இணையதளத்தில் இந்த எச்சரிக்கை விடுக்கப்பட்டுள்ளது.