தனியார் மருத்துவக் கல்லூரிகளுக்கு அனுமதி இல்லை.

இலங்கையில் தனியார் மருத்துவக் கல்லூரிகள் நிறுவப்படுவதாக பலதரப்பட்ட செய்திகள் வெளியாகியிருந்தபோதிலும், இலங்கையில் தனியார் மருத்துவக் கல்லூரிகளுக்கு அனுமதி வழங்கப்படவில்லை என பல்கலைக்கழக மானியங்கள் ஆணைக்குழுவின் தலைவர் பேராசிரியர் காமினி சமரநாயக்க தெரிவித்துள்ளார்.

இலங்கையில் வைத்தியர்கள் பற்றாக்குறை நிலவுகின்ற நிலையில், அரச பல்கலைக்கழகங்கள் மாத்திரம் அத்தேவையை நிவர்த்தி செய்ய முடியாது என கருதும் துறைசார்ந்தோரும், புத்திஜீவிகளும் இவ்வாறான தனியார் பல்கலைக்கழகங்கள் அவசியம் என வலியுறுத்தி வருகின்றனர்.