ஐதேகவின் மறுசீரமைப்பு தொடர்பில் தனிப்பட்ட கருத்துக்களை வழங்கிய இருவருக்கும் உள்ளிடத்து அதிருப்தி!

ஐக்கிய தேசியக் கட்சியின் மறுசீரமைப்பு தொடர்பில் திட்டங்களை முன்வைப்பதற்காக நியமிக்கப்பட்ட குழு உறுப்பினர்களான, ரஞ்சித் மத்தும பண்டார மற்றும் தலதா அத்துகோரல இருவரும் நேற்று நடாத்திய ஊடகச் சந்திப்பு குறித்து குழுவின் மற்ற உறுப்பினர்கள் அறிக்கை வெளியிட்டுள்ளனர்.

பாராளுமன்ற உறுப்பினர்களான லக்ஷ்மன் கிரியெல்ல, வஜிர அபேவர்தன மற்றும் பேராசிரியர் அசு மாரசிங்க ஆகியோரால் வெளியிடப்பட்ட அறிக்கையில், சபையின் இரு உறுப்பினர்களும் பத்திரிகையாளர் சந்திப்பை நடத்திய பின்னர் தங்கள் தனிப்பட்ட கருத்துக்களை வெளியிட்டமை குறித்து தங்கள் கவலையை வெளிப்படுத்தியுள்ளனர்.

இது குழுவுக்கு ஒதுக்கப்பட்டுள்ள பொறுப்புகளை மீறுவதாகவும், கட்சி மறுசீரமைப்பு திட்டத்தை சீர்குலைப்பதாகவும் கூறப்படுகின்றது.

Read more...

இஸ்லாமிய பயங்கரவாதத்தை முற்றாக ஒழிக்காவிட்டால், முழுப் பிராந்தியமும் அச்சுறுத்தலுக்கு உள்ளாகும்! - பிரதமர்

உளவுத்துறை நடவடிக்கைகளை தீவிரப்படுத்துவதன் மூலம் மட்டுமே இஸ்லாமிய பயங்கரவாதத்தை அடக்க முடியும் என்று பிரதமர் மகிந்த ராஜபக்ஷ கூறுகிறார்.

விடுதலைப் புலிகளுக்கு எதிராக நிலம், கடல் மற்றும் வான்வழி மூலம் போர் நடத்தப்பட்டாலும், உளவுத்துறை நடவடிக்கைகளை தீவிரப்படுத்துவதே சமீபத்திய பயங்கரவாதத்திற்கான முக்கிய தேவை என்று பிரதமர் கூறினார்.

"உயிர்த்த ஞாயிற்றுக்கிழமை இடம்பெற்ற தற்கொலை குண்டுவெடிப்பை நடத்திய அனைத்து பயங்கரவாதிகளும் இலங்கையர்கள், இந்த அச்சுறுத்தல் நம் நாட்டுக்கு மட்டும் அச்சுறுத்தல் அல்ல. வலய நாடுகளினதும் பாதுகாப்புக் கருதி இஸ்லாமியப் பயங்கரவாதம் இல்லாதொழிக்கப்பட வேண்டும்.'

பாதுகாப்பு சேவைகள் கட்டளை மற்றும் பணியாளர் கல்லூரியின் பட்டமளிப்பு விழாவில் பிரதமர் மகிந்த ராஜபக்ஷ உரையாற்றும்போதே இவ்வாறு தெரிவித்தார்.

2008 ஆம் ஆண்டு மும்பை மீதான மும்பை தாக்குதலில் இந்தியர்கள் பங்கேற்கவில்லை. இருப்பினும், கடந்த உயிர்த்த ஞாயிறன்று நடாத்தப்பட்ட தற்கொலை குண்டுவெடிப்பை நடத்திய பயங்கரவாதிகள் அனைவரும் இலங்கையர்கள். இந்த அச்சுறுத்தல் நம் நாட்டுக்கு மட்டுமல்ல. பிராந்தியத்தில் உள்ள பிற நாடுகளுக்கு ஏற்படும் அச்சுறுத்தலைக் கட்டுப்படுத்த வேண்டும். இந்த ஆண்டு இரண்டு சந்தர்ப்பங்களில், இஸ்லாமிய பயங்கரவாதிகள் படகு மூலம் இந்தியாவுக்குள் நுழைய முயற்சித்தமை தொடர்பில் வெளியான தகவல்களால் இந்தியா முழுவதும் பாதுகாப்புப் படையினர் உஷார் நிலையில் நிறுத்தப்பட்டனர்.

இந்த அச்சுறுத்தலை நம்மால் கட்டுப்படுத்த முடியாவிட்டால், இந்தியா, மாலத்தீவு, பங்களாதேஷ் மட்டுமல்ல, மியான்மார், தாய்லாந்து, மலேசியா போன்ற பிற நாடுகளும் அச்சுறுத்தலுக்கு உள்ளாகும். எனவே, இந்த புதிய பயங்கரவாத அச்சுறுத்தலை தோற்கடிக்க வேண்டும். நம்மைச் சுற்றியுள்ள அனைத்து நாடுகளும் இந்த அபாயத்தை நன்கு அறிந்திருப்பதாகவும், இந்த பயங்கரவாதத்திற்கு எதிராக அவர்கள் ஒத்துழைப்பார்கள் என்று நாங்கள் எதிர்பார்க்கலாம் என்றும் பிரதமர் மகிந்த ராஜபக்ஷ கூறினார்.

Read more...

பாதுகாப்பு செயலாளர் கமல் குணரத்னவை கைது செய்ய ஜெனீவாவில் கோரிக்கையாம்! திவய்ன

பாதுகாப்புச் செயலாளர் மேஜர் ஜெனரல் கமல் குணரத்னவை கைது செய்யும்படி ஐ.நா முன்னாள் அதிகாரியான யஸ்மின் சூக்கா 100 பக்கங்களைக் கொண்ட அறிக்கை ஒன்றை முன்வைத்து வலியுறுத்தியுள்ளார்.

சர்வதேச போர்க்குற்ற சட்டங்களுக்கு அமைய அவரைக் கைது செய்வதற்கான கோரிக்கையை அவர் முன்வைத்திருக்கின்றார். சுவிட்ஸர்லாந்து – ஜெனீவாவில் உள்ள ஐ.நா மனித உரிமைகள் பேரவையில் அவர் இந்த அறிக்கையை தாக்கல் செய்திருப்பதாக திவயின சிங்கள இணையத்தளம் செய்தி வெளியிட்டுள்ளது.

53ஆவது படைக் கட்டளைத் தளபதியாக இறுதியுத்தத்தில் கடமையாற்றிய தற்போதைய பாதுகாப்புச் செயலாளர் மேஜர் ஜெனரல் கமல் குணரத்ன, புதுக்குடியிருப்பு, முள்ளிவாய்ல்க்கால் மற்றும் புதுமாத்தளன் ஆகிய பகுதிகளை மீட்கின்ற முயற்சியில் ஈடுபட்ட அதேவேளை அங்கு இருந்த ஆயிரக்கணக்கான மக்களை கொன்றதாக யஸ்மின் சூக்கா குறித்த அறிக்கையில் குற்றஞ்சாட்டியுள்ளார்.

இதேவேளை இலங்கையின் பாதுகாப்புச் செயலாளராக கடமைபுரியும் ஒருவருக்கு ஐ.நா மனித உரிமைகள் பேரவையில் குற்றச்சாட்டு முன்வைக்கப்படும் முதலாவது சந்தர்ப்பம் இது என்பது குறிப்பிடத்தக்கது.

Read more...

புதிய அரசாங்கத்தின் வெற்றியில் எனக்கும் மகிழ்ச்சியே! சிங்களவன் யாரென்று காட்டினான் சிங்கள இனம்!

ஜனாதிபதித் தேர்தல் முடிவுகள் குறித்து மிகவும் மகிழ்ச்சியடைவதாக முன்னாள் அமைச்சர் மர்வின் சில்வா கூறுகிறார்.

1956 பின்னர் முதன் முறையாக சிங்களவர்கள் தங்கள் சக்தியைக் காட்டியுள்ளதாகவும், பெளத்த மதகுருமார்கள் தங்களது சக்தியைக் காட்டியுள்ளதாகவும் அவர் கூறினார்.

முஸ்லிம்களும் தமிழர்களும் இல்லாமல் ஓர் அரசாங்கத்தை உருவாக்க முடியாது என்ற கருத்து, இம்முறை ஜனாதிபதித் தேர்தல் மூலம் சிதைந்துள்ளது என்றுஅவர் கூறினார்.

கொழும்பில் நடைபெற்ற ஊடகவியலாளர் சந்திப்பில் அவர் இந்த கருத்துக்களை தெரிவித்தார்.

Read more...

ஊடகங்களுக்கு எவ்விதத் தலையீடுகளும் எமது அரசில் இருக்காது! உறுதியளிக்கின்றார் ஜனாதிபதி

ஜனாதிபதி கோதபய ராஜபக்ஷ தனது ஆட்சிக் காலத்தில் ஊடக சுதந்திரத்தில் அரசாங்கம் எந்த பாதிப்பையும் ஏற்படுத்தாது என்று உறுதியளித்துள்ளார்.

நாட்டிற்கும் நாட்டின் நற்பெயருக்கும் பயனளிக்கும் வகையில் அனைத்து ஊடக நிறுவனங்களும் நாட்டிற்கான தங்கள் பொறுப்புகளை நிறைவேற்ற வேண்டும் என்று தான் எதிர்பார்க்கிறேன் என்று ஜனாதிபதி மேலும் கூறினார்.

இன்று காலை ஜனாதிபதி செயலகத்தில்ஜனாதிபதி மற்றும் ஊடக நிறுவனங்களின் தலைவர்கள் இடையே நடந்த கூட்டத்தில் அவர் உரையாற்றினார்.

கடந்த ஜனாதிபதித் தேர்தலில் பல அபிலாஷைகளுடன் மக்கள் அவரை நாட்டின் ஜனாதிபதியாக தேர்ந்தெடுத்ததாக அவர் கூறினார். இந்த நோக்கத்தை அடைய ஊடகங்கள் அவருக்கு உதவுமென நம்புவதாக ஜனாதிபதி கூறினார்.

"சர்வதேச அளவில் முதலீடு மற்றும் பொருளாதார உறவுகளை உருவாக்குவதில் நாட்டின் பிம்பம் மிகவும் முக்கியமானது. எனவே, நாட்டின் பிம்பத்தை கட்டியெழுப்ப ஊடகங்களுக்கு பரந்த பொறுப்பு உள்ளது" என்று அவர் கூறினார்.

சமீபத்தில் பேசிய சுவிஸ் தூதரகத்தின் தலைவர் இது தொடர்பாக ஊடகங்களின் நடத்தை குறித்து தனது பாராட்டுக்களை தெரிவித்தார்.

இந்த சம்பவத்தை சர்வதேச ஊடகங்கள் தேவையற்ற முறையில் முன்னிலைப்படுத்த முயன்றதற்கு ஜனாதிபதி தனது வருத்தத்தை தெரிவித்தார். இது யாருடைய கோரிக்கையல்ல, நாட்டை நேசித்த ஒரு நட்சத்திரத்தின் வேண்டுகோள் என்று ஜனாதிபதி கூறினார்.

நாட்டை நேசிப்பவர்களை ஊக்குவிப்பதில் ஊடகங்களின் பங்கின் முக்கியத்துவத்தையும் ஜனாதிபதி வலியுறுத்தினார்.

Read more...

அரச ஊழியர்களுக்கான வரப்பிரசாதம்.... கிடைக்கப் போகிறது 'போனஸ்'!

அரசுக்கு சொந்தமான சட்டரீதியான அமைப்புகள் மற்றும் முழு அரசுக்கு சொந்தமான நிறுவனங்களின் ஊழியர்களுக்கான 2019 ஆம் ஆண்டிற்கான வெகுவிரைவில் போனஸ் வழங்குவதற்கு திறைசேரி ஒப்புதல் அளித்துள்ளது.

அமைச்சுக்களுக்கான அனைத்து செயலாளர்கள், அரச நிறுவனங்களின் தலைவர்கள் மற்றும் அனைத்து சட்டரீதியான அமைப்புகளின் தலைவர்களுக்கும் இது தொடர்பாக திறைசேரி ஒரு சுற்றறிக்கை வெளியிட்டுள்ளது.

போனஸ் செலுத்த தகுதியுள்ளநிறுவனங்கள், கடந்த ஆண்டு கொடுக்கப்பட்டபடி, அவர்களின் நிதியாண்டு 2018 நிதி அறிக்கையின் அடிப்படையில் அனைத்து ஊழியர்களுக்கும் 2019 ஆம் ஆண்டிற்கான போனஸ் செலுத்த அறிவுறுத்தப்பட்டுள்ளது.

7 டிசம்பர் 2018 அன்று வெளியிடப்பட்ட பொது நிறுவனத் துறையின் சுற்றறிக்கை எண்: 03/2018 இதன் பொருட்டு செல்லுபடியாகும்.

2019 ஆம் ஆண்டின் போனஸ், அந்தந்த அரசு நிறுவனங்கள் தங்கள் இயக்குநர்கள் குழு நியமிக்கப்படாவிட்டாலும் கூட அரச நிறுவனங்களினால் வழங்கப்பட வேண்டிய அனைத்து சட்டரீதியான கொடுப்பனவுகளையும் செலுத்த அனுமதிக்கப்படும்.

Read more...

அரசியல் பழிவாங்கலை ஆராய்வதற்காக ஐவர் கொண்ட குழுவை நியமிக்குமாறு பிரதமர் அறிவுறுத்தல்!

அரசாங்கத்தின் கடந்தகால அரசியல் பழிவாங்கும் செயல்களை ஆராய்வதற்கும், அநியாயமாக பாதிக்கப்பட்ட அனைவருக்கும் நீதி வழங்கப்படுவதற்கும் ஐந்து உறுப்பினர்களைக் கொண்ட குழுவை நியமிக்க அமைச்சரவை முடிவு செய்துள்ளது.

பிரதமர் மகிந்த ராஜபக்ஷவின் அறிவுறுத்தலின் பேரில் இது செயல்படுத்தப்படுகிறது.

கடந்த அரசாங்கத்தின் போது அரசியல் பதிலடிக்கு பலியானவர்களின் குறைகளை நிவர்த்தி செய்வதற்காக ஒம்பூட்ஸ்மேன் பிரிவு எதிர்க்கட்சித் தலைவர் அலுவலகத்தில் அப்போதைய எதிர்க்கட்சித் தலைவர் மஹிந்த ராஜபக்ஷ அவர்களால் அமைக்கப்பட்டது. அதற்குப் பல புகார்கள் வந்துள்ளன, மேலும் அனைத்து புகார்களையும் ஆராய்ந்து அவர்களுக்கு நீதி கிடைக்கத் தேவையான நடவடிக்கைகளை எடுக்குமாறு பிரதமர் மகிந்த ராஜபக்ஷ ஐந்து உறுப்பினர்களைக் கொண்ட குழுவுக்கு அறிவுறுத்தியுள்ளார்.

Read more...

நல்லாட்சி அரசில் மோசடி தொடர்பில் ஆராய்வதற்கான ஆணைக்குழுவின் காலத்தைக் கூட்டுக... ! வாசு

நல்லாட்சிக் காலத்தில் நடந்த ஊழல் மற்றும் மோசடிகளை விசாரிக்க முன்னாள் ஜனாதிபதி மைத்திரிபால சிறிசேனவினால் நியமிக்கப்பட்ட ஆணையத்தின் நீட்டிப்பு குறித்தும் தற்போதைய அரசாங்கம் பரிசீலித்து வருகிறது.

அதன்படி, ஜனாதிபதி கோட்டாபய ராஜபக்ஷ ஆணைக்குழுவின் கால எல்லையை நீடிக்க நடவடிக்கை எடுக்கவுள்ளார்.

சென்ற அரசாங்கத்தின் அரசியல் பாதிக்கப்பட்டவர்களின் குறைகளை ஆராய ஒரு குழுவை நியமிப்பதையும் அரசாங்கம் பரிசீலித்து வருகிறது.

ஜனாதிபதி கோட்டாபய ராஜபக்ஷ மற்றும் பிரதமர் மஹிந்த ராஜபக்ஷ ஆகியோரின் ஆதரவின் பேரில் கோயில் மரங்களில் நேற்று நடைபெற்ற ஊடகவியலாளர் சந்திப்பில் அமைச்சர் வாசுதேவ நாணயக்கார இந்த கருத்துக்களை தெரிவித்தார்.

Read more...

மக்களால் நியமிக்கப்பட்ட அரசின் ஆணையை மீறுவோர் தொடர்பிலி விழிப்புடன் இருக்க வேண்டும்! - விமல்

ஜனாதிபதி தேர்தலில் கிடைக்கப்பெற்றுள்ள மக்கள் ஆணையை மீறும் எவரையும் தோற்கடிக்க அனைவரும் விழிப்புடன் இருக்க வேண்டும் என்று அமைச்சர் விமல் வீரவன்ச கூறுகிறார்.

'வியத்பவுர' அமைப்பின் மத்திய குழுக் கூட்டத்தில் உரையாற்றிய அமைச்சர் இந்த கருத்துக்களை தெரிவித்தார்.

மொரட்டுவயில் இன்று பிற்பகல் தேசிய இளைஞர் அறக்கட்டளையின் ஊடகக் குழு கூட்டம் நடைபெற்றது.

இந்நிகழ்ச்சியில் அமைச்சர் விமல் வீரவன்சாவும் கலந்து கொண்டார்.

அவ்வமைப்பின் தலைவர் பேராசிரியர் மேடகோடா அபயதிஸ்ஸ தேரரும் அங்கு உரையாற்றினார்.

Read more...

இன்று ஜனாதிபதி கோட்டாபய செய்வதை அன்று மகிந்த செய்திருந்தால் நாடொன்றிருக்காது!

ஜனாதிபதி கோதபய ராஜபக்ஷ அவர்களால் அரசு நிறுவனங்களின் தலைவர்களைத் தேர்ந்தெடுப்பதற்கான குழுவின் உறுப்பினராக இருக்கும் தொழிலதிபர் சுசாந்தா ரத்நாயக்க மீது சுமத்தப்பட்டுள்ள குற்றச்சாட்டுகள் குறித்து கருத்தினைக் கேட்டபோது,

டாக்டர் வசந்தா பண்டாராவின் பதில் அளிக்கையில்:

"ஜனாதிபதி மகிந்த ராஜபக்ஷ இன்று ஜனாதிபதி கோட்டாபய ராஜபக்ஷ செய்ததை அன்று செய்திருந்தால் இன்று நாடு இருக்காது. மிகவும் தகுதிவாய்ந்த மற்றும் அதிக அனுபவம் வாய்ந்த இராணுவ அதிகாரியைத் தேர்ந்தெடுப்பதற்காக ஒரு குழுவால் அப்போதைய பாதுகாப்புச் செயலாளர் நியமிக்கப்பட்டிருந்தால், எங்களுக்கு ஒரு நாடு இருக்காது. ஒரு புதிய அரசாங்கத்தை உருவாக்குவது என்பது அந்த தலைவர்களின் அரசியல் பார்வையை செயல்படுத்தும் திறன் கொண்ட ஒரு பார்வை மற்றும் தலைமை கொண்ட தலைவர்களைக் கொண்ட ஒரு அரச எந்திரத்தை நிறுவுவதாகும். காகிதத் துண்டுகளைப் பார்க்கும் ஒரு குழுவால் அதைச் செய்ய முடியாது. இந்த முறை புதிய ஜனாதிபதிக்கு "இனிப்பு விற்பவர்கள்" கொடுத்த கயிறு. 'மீண்டும் பிறப்போம்' மதக் குழுக்களிடமிருந்து ஜனாதிபதியையும் மக்கள் ஆணையையும் மீட்க வேண்டும். ஒரு நிபுணராக இருந்தவுடன் ஒருவர் தலைவராக முடியாது. எங்களுக்கு ஒரு தலைவர் தேவை, நாங்கள் நிபுணர்களை பணம் கொடுத்து நியமிக்க முடியும் ”

Read more...

புதிய அரசாங்கத்திற்கு எல்லோரும் ஒன்றிணைந்து ஒத்துழைப்பு வழங்க வேண்டும்! - முன்னாள் ஜனாதிபதி

நாட்டை முன்னேற்றிச் செல்வதற்காக புதிய அரசாங்கத்திற்கு நாட்டு மக்கள் எல்லோரும் ஒன்றிணைந்து ஒத்துழைப்பு வழங்க வேண்டும் என முன்னாள் ஜனாதிபதி மைத்திரிபால சிறிசேன தெரிவித்துள்ளார்.

கொழும்பு - கெத்தாராம பிரதேசத்தில் இடம்பெற்ற விழாவொன்றில் கலந்துகொண்டு உரையாற்றும்போதே முன்னாள் ஜனாதிபதி மேற்கண்டவாறு தெரிவித்தார்.

Read more...

நாளை யாழ் விரைகின்றார் பாதுகாப்பு செயலர்.

பாதுகாப்பு செயலாளர் மேஜர் ஜெனரல் கமல் குணரத்ன, நாளை வியாழக்கிழமை யாழ்ப்பாணத்திற்கு விஜயம் மேற்கொள்ளவுள்ளார்.

யாழ்ப்பாண பாதுகாப்பு தலைமையகத்தில் இடம்பெறவுள்ள யாழ்ப்பாண மாவட்டத்தின் பாதுகாப்பு மற்றும் சட்டம் ஒழுங்கு நடைமுறைகள் தொடர்பிலான உயர்மட்டக் கலந்துரையாடலில் கலந்துகொள்வதற்காக பாதுகாப்பு அமைச்சின் செயலாளர் இந்த விஜயத்தை மேற்கொள்ளவுள்ளதாக அமைச்சின் வட்டாரங்கள் கூறுகின்றன.

இந்தக் கலந்துரையாடலுக்கு வடக்கு மற்றும் யாழ்ப்பாணத்தைச் சேர்ந்த முப்படைகளின் அதிகாரிகள், பொலிஸ் அதிகாரிகள் அழைக்கப்பட்டுள்ளனர் என்றும் கூறப்படுகின்றது.

Read more...

மகாநாயக்க தேரர்களுக்கும் நாட்டை அழிக்கும் சக்திகளுடன் தொடர்பாம். மஹிந்தரை எச்சரிக்கும் தம்மாலோக தேரர்.

ஜனாதிபதி கோட்டாபய உட்பட ராஜபக்ச குடும்பத்தை வீழ்த்துவதற்கும், நாட்டை அழிக்கவும் முயற்சி செய்கின்ற சில சக்திகள் ஒருசில மகாநாயக்க தேரர்களையும் விலைகொடுத்து வாங்கியிருப்பதாக கொழும்பு நாரஹேன்பிட்டி எலன் மெத்தினியாராமய விகாரையின் விகாராதிபதி உடுவே தம்மாலோக்க தேரர் பரபரப்பு தகவலை வெளியிட்டுள்ளார்.

அதனால் அண்மையில் நெருக்கமாக சேர்ந்துகொண்ட ஒருசில நபர்கள் குறித்து எச்சரிககையாக இருக்கும்படியும் ஜனாதிபதி கோட்டாபய ராஜபக்ச மற்றும் பிரதமர் மஹிந்த ராஜபக்ச உள்ளிட்டவர்களுக்கு பௌத்த மக்களின் புனித நாட்களில் ஒன்றான உந்துவப் போயா தினமான இன்றைய தினம் ஆலோசனை வழங்கியுள்ளார்.

இந்தியாவின் அசோக்க மன்னனின் புதல்வியான சங்கமித்தை பிக்குனி தலைமையில் 11 பிக்குனிகள் வெள்ளர கிளையை இந்தியாவிலிருந்து இலங்கைக்கு கொண்டுவரப்பட்ட தினத்தை நினைவுகூரும் போயா தினமான இன்றைய தினம் நாட்டின் பல பாகங்களிலும் உள்ள பௌத்த விகாரைகளில் விசேட வழிபாடுகள் இடம்பெற்று வருகின்றன.

அந்த வகையில் பிரதமர் மஹிந்த ராஜபக்ச தலைமையில் அரச போயா பௌத்த மத வழிபாடுகளும், பிரசங்கமும் இன்றைய தினம் அலரிமாளிகையில் நடைபெற்றது.

இதில் அமைச்சர்கள், இராஜாங்க அமைச்சர்கள், பிரதமரின் மனைவி ஷிரந்தி ராஜபக்ச, மூத்த புதல்வனான நாடாளுமன்ற உறுப்பினர் நாமல் ராஜபக்ச உள்ளிட்ட பல பிரமுகர்களும், ஆதரவாளர்களும் கலந்துகொண்டிருந்தனர்.

கடந்த காலங்களில் யானைக் குட்டி ஒன்றை சட்டவிரோதமாக வைத்திருந்த குற்றத்திற்காக கைது செய்யப்பட்டு பின்னர் விடுவிக்கப்பட்ட கொழும்பு நாரஹேன்பிட்டிய எலன் மெத்தினியாராமய விகாரையின் விகாராதிபதி உடுவே தம்மாலோக்க தேரர் இந்த நிகழ்வில் உரையாற்றினார்.

இலங்கையை அழிப்பதற்காக சில சக்திகள் குறிப்பாக அடிப்படைவாத அமைப்புக்கள் ராஜபக்சவினரை அழிப்பதற்கான சூழ்ச்சிகளை மேற்கொண்டு வருவதாகவும், அதனால் அண்மைய நாட்களாக நெருக்கமாக செயற்படுபவர்கள் தொடர்பில் மிகுந்த அவதானத்துடன் செயற்படுமாறும் பிரதமர் மஹிந்த ராஜபக்சவுக்கு ஆலோசனை வழங்கினார்.

இங்கு தொடர்ந்தும் உரையாற்றிய உடுவே தம்மாலோக்க தேரர், இலங்கையை அழிப்பதற்கு முயற்சித்துவருகின்ற அடிப்படைவாத சக்திகள், அதற்கான முதற்கட்டமாக ஒருசில மகாநாயக்க தேரர்களையும், பௌத்த தேரர்களையும் விலைக்கு வாங்கியிருப்பதாக குற்றஞ்சாட்டினார்.

Read more...

வெலியமுண போன்ற அமைதியான குண்டுதாரிகளை இலங்கைக்கு வரவழைக்க வேண்டும்! - நுவான் பெல்லன்துடாவ

நல்லாட்சி அரசாங்கம் அமைதியான குண்டுவெடிப்பாளர்கள் குழுவொன்றைத் தூதர்களாக நியமித்துள்ளதாகவும், உடனடியாக அவர்களை இராஜதந்திர சேவையிலிருந்து நீக்கி மீண்டும் இலங்கைக்கு கொண்டு வரவழைக்க வேண்டும் என்றும் வழக்கறிஞர் நுவான் பெல்லன்துடாவ கூறுகிறார்.

ராஜகிரியா - தேசிய அமைப்பு பொது மையத்தில் நேற்று (10) நடைபெற்ற ஊடகவியலாளர் சந்திப்பில் பேசிய அவர், ஆஸ்திரேலியாவுக்கான ஆஸ்திரேலியாவின் தூதுவர் ஜே. சி வெலியமுண போன்ற நாட்டுக்கு அவமானத்தை ஏற்படுத்தும் நபர்களால் நாட்டை மாற்றியமைக்க வேண்டும் என்று அவர் கூறினார்.

வழக்கறிஞர் நுவான் பெல்லன்துடாவ மேலும் கூறியதாவது:

'நாங்கள் வெளியுறவு அமைச்சர் சுசில் பிரேமஜயந்தாவை சந்தித்து ஜெனீவா மனித உரிமைகள் ஆணையகம் தொடர்பான எங்கள் திட்டத்தை விளக்கினோம். அதன்படி, அவர் எங்களுக்கு ஆதரவளித்து திட்டத்தை முன்னோக்கி கொண்டு செல்ல ஒப்புக்கொண்டார். எங்கள் இயற்கை நீதி உரிமைகளைப் பயன்படுத்த எங்களுக்கு வாய்ப்பளிக்குமாறு அரசாங்கத்திடம் கேட்டோம். உலகளாவிய மன்றமாக அடுத்த மார்ச் மாதம் ஜெனீவாவுக்கு வருவோம் என்று நம்புகிறோம். அங்கு, 30 - 1 ஜெனீவா தீர்மானத்தில் அதை மறுபரிசீலனை செய்ய தேவையான நடவடிக்கைகள் எடுக்கப்படுகின்றன.

மேலும், நல்லாட்சி அரசாங்கம் அமைதியான குண்டுவீச்சுக்காரர்களைப் போன்ற தூதர்களை நியமித்துள்ளது. இவர்களை நீக்குமாறு அரசாங்கம் கோருகிறது. உதாரணமாக, ஆஸ்திரேலியாவுக்கான ஆஸ்திரேலியாவின் தூதர் ஜே. சி வெலியமுணவை உடனடியாக இலங்கைக்கு வரவழைக்க வேண்டும். கிடைத்த தகவல்களின்படி, அவர் அரசு நிறுவனங்கள் மற்றும் ஊடகங்களுக்குச் சென்று நம் நாட்டில் வாழ வழி இல்லை என்று கூறினார். அவர் தமிழ் அகதிகளை அந்த நோக்கத்திற்காக பயன்படுத்த முயற்சிக்கிறார். அவர் புகலிடம் கேட்கத் தயாராக உள்ளார். நாட்டை சீர்குலைக்கும் தூதுவர்களை அழைத்து வருமாறு ஜனாதிபதியை நாங்கள் கேட்டுக்கொள்கிறோம்.'

Read more...

முன்னாள் பிரதமர் இன்னாள் பிரதமரிடம் கோரியுள்ளது இவ்வளவுதான்.

தனது வரப்பிரசாதங்கள் மற்றும் வசதிகளுக்காக முன்னாள் பிரதமரும், ஐக்கிய தேசியக் கட்சியின் தலைவருமான ரணில் விக்கிரமசிங்க, தற்போதைய பிரதமரான மஹிந்த ராஜபக்சவுக்கு இரண்டு தடவைகள் கடிதம் அனுப்பியிருப்பதாக எமது இணையத்தளத்திற்கு அறியக்கிடைத்துள்ளது.

ஜனாதிபதி தேர்தலின் இறுதிமுடிவு வெளியிடப்பட்ட தினமாகிய 2019.11.17 அன்று மாலையில் முதலாவது கடிதத்தையும், டிசம்பர் 02ஆம் திகதி இரண்டாவது கடிதத்தையும் முன்னாள் பிரதமர் ரணில் இவ்வாறு அனுப்பிவைத்திருக்கின்றார்.

ஓய்வுபெற்ற முன்னாள் பிரதமராக கௌரவமான முறையில் வாழ்வதற்காக குண்டுகள் துளைக்காத அதி நவீன மற்றும் சொகுசுவாய்ந்த கார், 08 பணியாளர்கள், 09 பொலிஸ் வாகனங்கள், அம்பியூலன்ஸ் வண்டி ஒன்று, விசேட மருத்துவ நிபுணர், அனுபவமிக்க தாதியர், உத்தியோகபூர்வ இல்லம், இலங்கை கடற்படையைச் சேர்ந்த சிறந்த 07 சமையல்காரர்கள், சிரேஷ்ட பொலிஸ் அதிகாரி தலைமையில் 200 பாதுகாப்பு அதிகாரிகள், அலுவலகம் மற்றும் நிரந்தர செயலாளர் என்பவற்றை ரணில் விக்கிரமசிங்க, தற்போதைய பிரதமரிடம் கோரியுள்ளார்.

அமைச்சரவை அங்கீகாரம் பெற்று இந்த வசதிகளை தனக்கு விரைவில் பெற்றுக்கொடுக்குமாறு பிரதமர் மஹிந்த ராஜபக்சவிடம் முன்னாள் பிரதமர் ரணில் கோரியிருக்கின்றார்.

இதேவேளை முன்னாள் பிரதமர் ரணில் விக்கிரமசிங்கவுக்கு மிகவிரைவில் அவற்றை வழங்க வேண்டும் என்று பிரதமர் மஹிந்த தனக்கு நெருங்கியவர்களிடம் கூறியுள்ளதாக தெரிவிக்கப்படுகின்றது.

Read more...

மொட்டு - ஸ்ரீலங்கா சுதந்திரக் கட்சி மீண்டும் முறுகல். முக்கியஸ்தர்களிடையே அவசர சந்திப்புக்கு ஏற்பாடு.

எதிர்வரும் சில தினங்களில் இந்த சந்திப்பு இடம்பெறவுள்ளதாக தகவல்கள் வெளியாகியுள்ளன.

நடைபெறவுள்ள பொதுத் தேர்தலில் ஸ்ரீலங்கா பொதுஜன பெரமுன தலைமையிலான கூட்டமைப்பு, மொட்டுச் சின்னத்தில் போட்டியிடுவதற்கு தீர்மானிக்கும் பட்சத்தில், ஸ்ரீலங்கா சுதந்திரக் கட்சி தனித்துப் போட்டியிட தீர்மானித்துள்ளதாக தகவல்கள் வெளியாகியுள்ளன.

இது தொடர்பாக சுதந்திரக் கட்சியின் உயர்மட்ட அதிகாரிகளுக்கு இடையில் தற்போது பேச்சுவார்த்தைகள் இடம்பெற்று வருவதாக கூறப்படுகின்றது.

இதற்கமைய, எதிர்வரும் தேர்தலில், கை அல்லது வெற்றிலை சின்னத்தில் போட்டியிட்டு, தேர்தல் முடிவடைந்ததன் பின்னர் மீண்டும் பொதுஜன பெரமுனவுடன் கூட்டணி அமைப்பது தொடர்பாக யோசனைகள் முன்வைக்கப்பட்டுள்ளன.

எனினும், இந்தத் தீர்மானத்திற்கு சில தரப்பினர் எதிர்ப்பினையும் வெளியிட்டுள்ளதாக தகவல்கள் தெரிவிக்கின்றன.

இந்தநிலையில் எதிர்வரும் சில தினங்களில் இந்த விடயம் தொடர்பாக கூடி ஆராய்வதற்கு ஸ்ரீலங்கா சுதந்திரக் கட்சியின் முக்கியஸ்தர்கள் தீர்மானித்துள்ளதாக கூறப்படுகின்றது.

நடைபெற்று முடிந்த ஜனாதிபதி தேர்தலில் ஸ்ரீலங்கா பொதுஜன பெரமுனவின் ஜனாதிபதி வேட்பாளர் கோட்டாபய ராஜபக்ஸவிற்கு, ஸ்ரீலங்கா சுதந்திரக் கட்சி ஆதரவு வழங்கிருந்தது.

இதனைத் தொடர்ந்து அமைக்கப்பட்டுள்ள இடைக்கால அரசாங்கத்திலும் ஸ்ரீலங்கா சுதந்திரக் கட்சிக்கு அமைச்சுப் பதவிகள் வழங்கப்பட்டுள்ளன.

அத்துடன், மாவட்ட அபிவிருத்தி குழுக்களின் தலைவர்களாகவும் ஸ்ரீலங்கா சுதந்திரக் கட்சியின் முக்கியஸ்தர்கள் நியமிக்கப்பட்டுள்ளனர்.

இதேவேளை, எதிர்வரும் பொதுத் தேர்தலில் கதிரை சின்னத்தில் போட்டியிடுவதற்கு ஸ்ரீலங்கா சுதந்திரக்கட்சி மற்றும் பொதுஜன பெரமுன ஆகியன ஏற்கனவே இணக்கம் தெரிவித்திருந்தன என்பது குறிப்பிடத்தக்கது.

Read more...

இலங்கையரில் 4 இல் ஒருவர் இலஞ்சம் வாங்க அனுமதி! - அதில் பாலியல் லஞ்சமும் அடங்குகின்றது. ட்ரான்பெரன்சி இன்டர்நெஷனல்

இலங்கையில் நான்கில் ஒரு பகுதியினர் இலஞ்சம் வாங்குவதற்கு ஒப்புதல் அளிப்பதாக 'டிரான்ஸ்பரன்சி இன்டர்நெஷனல் ஸ்ரீலங்கா' தெரிவித்துள்ளது.

இலங்கை தொடர்பான சர்வதேச ஊழல் காற்றழுத்த ஆய்வு அறிக்கை 2019 ஆம் ஆண்டிற்கான வெளியீட்டை அது வெளியிட்டுள்ளது.

ஊழல் பற்றிய உணர்வுகள் மற்றும் அனுபவங்கள் குறித்த பொது மக்களின் கருத்தைத் தெரிவிக்கும் உலகின் மிகப்பெரிய கணக்கெடுப்பு இதுவாகும் என அவ்வமைப்பு தெரிவித்துள்ளது.

கணக்கெடுப்பிலிருந்து நான்கு முக்கிய விடயங்கள் வெளிவந்துள்ளன.

அதன்படி, நீதித்துறை, அரசாங்கம் மற்றும் காவல்துறையின் மிகவும் நம்பகமான அமைப்பு பற்றி கேட்டபோது, ​​பெரும்பான்மையான மக்கள் "நீதிமன்றங்களை" பதிலாகத் தேர்ந்தெடுத்துள்ளனர், 73% பேர் நீதித்துறையில் ஓரளவு நம்பிக்கை அல்லது நம்பிக்கை இருப்பதாகக் கூறியுள்ளனர்.

அரசாங்க சேவைகளைப் பெறுவதற்கோ அல்லது விரைவுபடுத்துவதற்கோ சிலருக்கு இலஞ்சம் கொடுப்பது தவறல்ல என்றும் மூன்றில் இரண்டு பங்கு மக்கள் இலஞ்சம் வாங்குவதை ஏற்கவில்லை என்றும் மூன்றில் ஒரு பகுதியினர் கருதுகின்றனர்.

பதிலளித்தவர்களில் கிட்டத்தட்ட பாதி (46%) பேர் பாலியல் இலஞ்சம் - அதாவது, எப்போதாவது, அடிக்கடி, அல்லது விடாமுயற்சியுடன் - ஒரு பொது சேவையை வழங்க மாநில அதிகாரிகள் ஒரு பாலியல் செயலைக் கட்டாயப்படுத்துகின்றனர் என அவ்வாய்வு தெரிவிக்கின்றது.

கிராமப்புற மற்றும் தோட்டப் பகுதிகளில் வசிக்கும் மக்கள் அதிக ஆபத்தில் உள்ளனர் என்பதை தரவு காட்டுகிறது.

இலஞ்சம் மற்றும் ஊழல் விசாரணை ஆணைக்குழு (CIABOC) செயல்பாட்டில் இருப்பதாக 4.86% மக்களுக்கு சில அறிவு இருப்பதாக ஆய்வில் தெரியவந்துள்ளது, அதே நேரத்தில் இலஞ்சம் மற்றும் ஊழல் சம்பவங்களை புகாரளிக்க ஒரு வழிமுறை இருப்பதாக 72% பேருக்கு தெரியாது.

இது குறித்து 'டிரான்ஸ்பரன்சி இன்டர்நெஷனல் ஸ்ரீலங்கா'வின் நிர்வாக இயக்குநர் அசோகா ஒபேசேக்கர கூறுகையில், “நாட்டில் ஊழலைக் கட்டுப்படுத்தும் முக்கிய நிறுவனங்களில் ஒன்றான இலஞ்சம் மற்றும் ஊழல் புலனாய்வு ஆணையகம், அதன் இரண்டு ஆண்டு தேசிய செயல் திட்டத்தை செயல்படுத்துவதை தீவிரப்படுத்த வேண்டும் என்பது கண்டுபிடிப்புகள் மூலம் தெளிவாகத் தெரியவந்துள்ளன எனக் குறிப்பிட்டுள்ளது.

இலஞ்சம் மற்றும் ஊழல் குறித்து மக்களுக்கு நல்ல புரிதல் இருப்பது திருப்திகரமாக இருந்தாலும், ஊழல் சம்பவங்களை புகாரளிப்பதற்கான ஒரு பொறிமுறையின் பற்றாக்குறை ஊழலை எதிர்த்துப் போராடுவது ஒரு சவாலாகும். ”

நகர்ப்புற மற்றும் கிராமப்புற பின்னணியின் அடிப்படையில் 18-80 வயதுக்குட்பட்ட 1300 குடிமக்களின் மாதிரியை இந்த ஆய்வு உள்ளடக்கியுள்ளது.

Read more...

சஜித் தேசிய அளவில் தலைமைக்கு தகுதி என்பதை நிருபித்து காட்டட்டும். அதுவரை நானே தலைவர். ரணில் பல்டி..

ஐக்கிய தேசிய கட்சியின் பிரதி தலைவர் சஜித் பிரேமதாசவுக்கு தற்போது வழங்கியது பாராளுமன்ற எதிர்க்கட்சி தலைவர் பதவி மாத்திரமே எனவும் கட்சி தலைவர் பதவி தொடர்ச்சியாக தான் தலைமை தங்குவதாக ரணில் விக்ரமசிங்க தெரிவித்துள்ளார்.

அண்மையில் நடைபெற்ற UNP மூத்த உறுப்பினர்களுடனான கலந்துரையாடலின் போதே ரணில் விக்ரமசிங்க இது தொடர்பாக சுட்டிக்காட்டியுள்ளார்.

சஜித் பிரேமதாச எதிர்க்கட்சி தலைவராக செயல்பட்டு காண்பிக்க வேண்டும் எனவும், தேசிய அளவில் அரசியல் தலைவராக அவரது செயல்திறன் கட்சி தலைமைக்கு தகுதியானவரா என்பதை தீர்மானிக்கும் என ரணில் விக்கிரமசிங்க மிகத் தெளிவாக குறிப்பிட்டுள்ளதாக தகவல் வட்டாரங்கள் தெரிவித்துள்ளன.

ஜே.ஆர். ஜயவர்த்தன , ஆர்.பிரேமதாச ஆகிய தலைவர்களின் பின் தான் UNP யில் 25 வருடங்களாக பாதுகாத்து வருவதாக நினைவு படுத்திய ரணில் விக்ரமசிங்க அதை வீணடிக்க இடமளிக்க முடியாது என்றும், அடுத்த தலைவராகும் பொறுப்பை ஏற்கும் திறனை அவர் நிரூபிக்க வேண்டும் என்றும் அவர் வலியுறுத்தியுள்ளார்..

Read more...

மதுபானத்தை விடவும் கோதுமை மாவுப் பொருட்களால் உயிராபத்து அதிகம்! - புதிய கண்டுபிடிப்பு

இலங்கையில் ஏற்படுகின்ற மரணங்களுக்குப் பெரும்பாலும் காரணமாக இருப்பது மதுபானம் அருந்துவதே எனப் பெரும்பாலானோர் நினைக்கின்றனர். என்றாலும் அதற்கு முற்றிலும் வேறுபட்ட ஆச்சரியமான விடயமொன்றை நேற்று முன்தினம் அரசாங்க வைத்தியர்கள் சங்கம் வெளியிட்டுள்ளது.

அந்தச் சங்கமானது குறிப்பிட்டதன்படி, இலங்கையில் ஏற்படுகின்ற மரணங்களில் 85% மரணங்கள் கோதுமை மாவினால் ஏற்படுகின்றவை எனத் தெரியவருகின்றது.

கோதுமை மாவினால் உற்பத்தி செய்யப்படுகின்ற உணவுப் பொருட்களை அதிகம் பயன்படுத்துவதனால் ஏற்படுகின்ற நோய்கள் காரணமாகவே பெரும்பாலான மரணங்கள் நிகழ்கின்றன. என்றாலும் மதுபானம் அருந்துவதால் உடம்புக்கு பல்வேறு நோய்கள் ஏற்படுகின்றமை மறுக்க முடியாத உண்மையுமாகும்.

Read more...

ஐநா மனித உரிமைகள் ஆணையகத்தின் உயர் பதவிக்கு மங்கள... அரசியலுக்கு டாட்டா!

முன்னாள் முதலைமச்சரும் ஐக்கிய தேசியக் முன்னணியின் மாத்தறை மாவட்டப் பாராளுமன்ற உறுப்பினருமான மங்கள சமரவீர அரசியலிலிருந்து ஓய்வுபெற்று, ஐக்கிய நாடுகள் அமைப்பின் மனித உரிமைகள் கவுன்ஸிலின் மிக முக்கிய பதவியொன்றிற்காக, நாட்டை விட்டுச் செல்லவுள்ளதாகவும், அதற்குத் தேவையான நடவடிக்கைகளில் தற்போது மும்முரமாக ஈடுபட்டு வருவதாகவும் ஊடகச் செய்திகள் தெரிவிக்கின்றன.

மங்கள சமரவீரவுக்கு வழங்கப்படவுள்ள பதவியானது, ஐக்கிய நாடுகள் அமைப்பின் முக்கிய பதவிகளுக்கு வழங்கப்படுகின்ற அதிகாரங்களுக்கு ஈடானது எனவும் தெரியவருகின்றது.

அந்தப் பதவி தொடர்பில் ஐக்கிய நாடுகள் அமையகத்திலிருந்து வரும்வரை எதிர்பார்த்துள்ள மங்கள சமரவீர, அக்கடிதம் வந்தவுடனேயே தான் அரசியலிலிருந்து ஒதுங்குவது தொடர்பில் செய்தி வெளியிடவுள்ளார்.

சென்ற ஜனாதிபதித் தேர்தலின்போதும் அதன் பின்னரும் மங்கள சமரவீர பெளத்த மதகுருமார்களை விமர்சித்துப் பேசியமை தொடர்பில் ஐக்கிய தேசியக் கட்சி பெரும் பிரச்சினைக்கு முகங்கொடுக்க வேண்டி நேர்ந்தது.

அதனால் அவருக்கு அடுத்துவரும் தேர்தலில் அவர் பங்குகொள்ளாதிருப்பதற்கு வேண்டிய நடவடிக்கைகளை கட்சியின் மேலிடம் மேற்கொண்டுள்ளது.

Read more...

வடக்கு மாகாணத்திற்கு ஏன் இன்னும் ஆளுநரில்லை... வினவுகிறார் சம்பந்தன்!

வடக்கு மாகாணத்திற்கு இதுவரை ஆளுநர் ஒருவர் நியமிக்கப்படாமை தொடர்பில், அம்மாகாணத்தின் பல்வேறு நடவடிக்கைகளை மேற்கொள்வதற்குத் தடையாக உள்ளதாக தமிழ்த் தேசியக் கூட்டமைப்பு தெரிவிக்கின்றது. ஏனைய மாகாணங்களுக்கு ஆளுநர்களை நியமிப்பதற்கு அரசாங்கம் உடனே கவனம் செலுத்தியபோதும், வடக்கு மாகாணத்திற்கு ஆளுநரை நியமிப்பதில் கவனயீனமாக இருப்பதாகவும் அக்கூட்டணியின் தலைவர் ஆர். சம்பந்தன் தெரிவிக்கின்றார்.

Read more...

சானி அபேசேகர்க்கர - திஸேரா இருவரினதும் வாக்குமூலங்கள் பதிவாகியுள்ளன....!

குற்றவியல் விசாரணைத் திணைக்களத்தின் முன்னாள் சிரேஷ்ட பொலிஸ் அதிகாரி சானி அபேசேக்கரவினதும் உதவிப் பொலிஸ் அத்தியட்சகர் பீ.எஸ். திஸேராவினதும் வாக்குமூலங்களை பொலிஸ் விசேட விசாரணைப் பிரிவு பெற்றுள்ளது எனத் தெரியவருகின்றது.

குற்றவியல் விசாரணைத் திணைக்களத்தின் முன்னாள் நிலையப் பொறுப்பாளர் நிசாந்த சில்வா நாட்டிலிருந்து வெளியேறியது தொடர்பிலேயே அவர்களின்வாக்குமூலங்கள் பெறப்பட்டடுள்ளதாகத் தெரியவருகின்றது.

வெள்ளிக்கிழமையன்று சானி அபேசேக்கரவிடம் நான்கு மணித்தியாலங்கள் வாக்குமூலம் பெறப்பட்டதாகவும் மேலும் தெரியவருகின்றது.

Read more...

சுவிஸ் தூதரக ஊழியர் சிஐடி யில், பயணத்தடையை நீடித்தது நீதிமன்று..

வெள்ளைவேனில் கடத்தப்பட்டு விசாரணையின் பின் விடுவிக்கப்பட்டதாக கூறப்படும் சுவிட்சர்லாந்து தூதரக பெண் பணியாளர் இலங்கைக்கு எதிரான போலிப்பிரச்சாரத்தை மேற்கொண்டுள்ளார் என்ற குற்றச்சாட்டை எதிர்கொண்டுள்ளார். இதன் பொருட்டு அவரை விசாரணை செய்ய அனுமதியளிக்குமாறும் அவர் நாட்டை விட்டு வெளியேறுவதை தடுக்குமாறு குற்றப் புலனாய்வு பிரிவினர் நீதிமன்றில் விடுத்த வேண்டுதலின் பிரகாரம் ஹானிய பரிஸ்ரர் பிராண்சிஸ் என்ற குறித்த பெண் நாட்டை விட்டு வெளியேறுவதற்கு தடை விதித்திருந்த நீதிமன்று அவரை 9.12.2019 ம் திகதிக்கு முன்னர் கொழும்பு குற்றப்புலனாய்வு திணைக்களத்தில் ஆஜராகி வாக்குமூலம் வழங்குமாறு உத்தரவிட்டிருந்தமை யாவரும் அறிந்த விடயம்.

இதன்பிரகாரம் நேற்று ஞாயிற்றுக்கிழமை மாலை 05 மணியளவில் குறித்த பெண் முகத்தை மூடிய வகையில் சீ.ஐ.டி தலைமை திணைக்களத்திற்குள் சென்றுள்ளதுடன் அவரிடம் நீண்ட நேர விசாரணையை மேற்கொண்ட குற்றப் புலனாய்வு பிரிவினர் இன்று மீண்டும் ஆஜராகுமாறு பணித்துள்ளனர்.

இன்று காலை குற்றப்புலனாய்வுப் பிரிவில் ஆஜராகிய அவரிடம் மேலதிக விசாரணைகள் மேற்கொள்ளப்பட்டுள்ளதுடன், இன்று பகல் அவர் சட்டவைத்திய அதிகாரி முன்பாக முன்னிலையாகியுள்ளார்.

இந்நிலையில் இன்று குறித்த வழக்கு நீதிமன்றில் விசாரணைக்கு எடுத்துக்கொள்ளப்பட்டதுடன் அவருக்கு விதிக்கப்பட்டிருந்த நாட்டை விட்டு வெளியேறுவதற்கான தடை எதிர்வரும் 12ம் திகதிவரை நீடிக்கப்பட்டுள்ளது.

இதன்போது, கடத்தப்பட்டதாக கூறப்படும் குறித்த சுவிட்சர்லாந்து தூதரக பெண் அதிகாரியிடம் நேற்று முதல் வாக்குமூலம் பதிவு செய்யும் செயற்பாடுகள் ஆரம்பிக்கப்பட்டுள்ளதாக குற்றப்புலனாய்வுத் திணைக்களம் நீதிமன்றில் அறிவித்தது.

மேலும், அவரிடம் இன்றும் வாக்குமூலம் பெற வேண்டியுள்ளதாக தெரிவித்த அவர்கள், அதற்காக அவரை இன்றைய தினம் திணைக்களத்தில் முன்னிலையாகுமாறு அறிவிக்கப்பட்டுள்ளதாக குறிப்பிட்டனர்.

குற்றப்புலனாய்வுத் திணைக்களம் மற்றும் பிரதிவாதியின் சட்டத்தரணி முன்வைத்த விடயங்களை ஆராயந்த பிரதான நீதவான், குறித்த பெண்ணை கொழும்பு சட்ட வைத்திய அதிகாரியிடம் முற்படுத்தி அவர் தாக்குதலுக்கோ அல்லது பாலியல் துன்புறுத்தலுக்கோ முகங்கொடுத்துள்ளாரா என்பது தொடர்பில் அறிக்கை ஒன்றை சமர்ப்பிக்குமாறும், தற்போது அவர் ஏதேனும் மன அழுத்தத்தில் உள்ளாரா என்பது தொடர்பிலும் அறிக்கை ஒன்றை சமர்ப்பிக்குமாறும் உத்தரவிட்டுள்ளார்.

Read more...

தனிவழி கட்டுப்பாடுகளை தளர்த்துகின்றது சவுதியரேபியா!

சவுதி அரேபியாவில் இதுவரை காலமும் நடைமுறையில் இருந்த, ஆண்கள் – பெண்களுக்கான தனித் தனி நுழைவாயில் கட்டுப்பாடை தளர்த்துவதாக அந்நாட்டு அரசு அறிவித்துள்ளது.

இதுவரை, அந்நாட்டில் உள்ள உணவகங்கள் குடும்பங்கள் மற்றும் பெண்களுக்கு என்று ஒரு நுழைவாயிலும் தனியாக வரும் ஆண்களுக்கு மட்டும் தனியாக ஒரு நுழைவாயிலும் வைத்திருக்க வேண்டியது கட்டாயம் ஒன்று இருந்தது.

இந்நிலையில், இனி இந்த, தனித்தனி நுழைவாயில் வைத்திருக்கவேண்டிய அவசியமில்லை என்று அந்நாட்டு அரசு தெரிவித்துள்ளது.

ஏற்கனவே சவுதி அரேபியாவில் இருந்த பல கட்டுபாடுகளையும், குறிப்பாக பெண்களுக்கான கட்டுப்பாடுகளை அந்நாட்டு அரசு தளர்தி வருகின்ற நிலையில், அரசின் இந்த முடிவினை உலக நாடுகள் வரவேற்றுள்ளன.

கடந்த 2017ஆம் ஆண்டு முகமது பின் சல்மான் இளவரசராக பொறுப்பேற்றபின்னர் நாட்டின் பெண்களுக்கு எதிரான பழமை வாய்ந்த சடங்களை நீக்கி வருகிறார்.

அதன் ஒரு பகுதியாக வாகனம் ஒட்டுவதற்கு பெண்களுக்கு சுதந்திரம் அளித்தது மற்றும் பொழுது போக்கு பூங்காக்களில் பங்கேற்பது உள்ளிட்டவற்றில் இருந்த கட்டுப்பாடுகளை நீக்கினார்.

Read more...

சீமான் : புலம்பெயர்ந்தோர் மேற்கொள்ளும் பகட்டு பிரதியீடும் தவறான இலக்கு நிர்ணயமுமாகும். சிவகுருபரன்..

நம்பிக்கைக்குரிய விருப்பமானவர்களை இழக்கும்போது அந்த பிரிவுதுயரை மனம் சமாளிக்க வேறோருவரில் இழந்தவரை பிரதியிட்டுக்கொள்ளுதல் மனதின் coping mechanism ஆகும்.

ஈழத்தவரின் சீமானுக்கு ஆதரவு என்பது அவர்கள் நீண்ட காலம் வாழ்ந்த விருப்பதுக்குரிய சூழலின் அழிவை, அவர்கள் அதிகமாக நம்பிக்கை வைத்து செயற்பட்ட தலைமையின் மறைவின் பின் ஏற்பட்ட griefing பிரிவுத்துயரை/மனச்சோகத்தை ஏற்றுக்கொள்ள மறுத்து தாங்கள் விரும்பிய நீண்டகாலமாக வாழ்ந்த சூழலை ** மனதளவில் தொடர்வதற்கும் மனத்தின் வெறுமை anxiety போன்றவற்றை தணித்து மன அழுத்தங்களை சமநிலைப்படுத்தும் ஒரு பகட்டான பிரதியீடு ஆகும்.

இந்நிலை தொடந்து இறுதியில் உண்மை நிலை உணர்ப்படும்போது அது emotional shock போன்ற நிலையையும் அதீதமாக நம்பியோர் மனப்பிறழ்வுக்கும் சிலர் மனவடு என்பனவற்றுக்கும் உள்ளாவர் அத்தோடு இழக்கப்பட்டவருக்காக உணர்வு
ரீதியாக பிரதியிடப்படும் நபர் (சீமான்) தீயவராக இருப்பின் பாதிக்கப்பட்டவர்கள் சுரண்டல்களுக்குட்படுவார்கள் (பணம் ஈட்டல்கள் ஏலவே நடைபெறுகிறது).

உண்மை நிலை உணரப்படாது போனால் தற்காலத்தில் வாழ்வோர் தங்கள் உண்மை மீள் இலக்கு நோக்க அவசியத்தை reframing புரிந்துகொள்ளாமல் தங்கள் productivityயான வாழ்வையும் அழித்து, தம் பின்னே வரும் இளையவர்களுக்கும் பிள்ளைகளுக்கும் பிழையான இலக்கு நிர்ணயத்தையும் ஏற்படுத்தும் அபாயம் உள்ளது.
(10வருடமாகியும் போரில் பாதிக்கப்பட்டவர்கள் தொழிநுட்பரீதியாக உரிய நியமங்களுடன் மீள்கட்டமைக்கப்படவில்லை, புலம்பெயர் நாடுகளிலும் வலுவான ஒற்றுமையுள்ள அமைப்புக்களும் இன்னும் இல்லை என்பதை கவனத்திற் கொள்க)

முன்னைய காலங்களில் தமிழர் இறப்பு வீடுகளில் ஒப்பாரி, இறந்தவருக்கான 8ம் நாள் கிரியைகள், 31ம் நாள் கிரியைகள் என்பன நெருங்கிய உறவுகளிடையே இறந்தவரின் இழப்பை உளவியல்ரீதியாக உறுதிப்படுத்தின அத்தோடு மனவடு போன்றவற்றையும் இல்லாமற் செய்தன ஆண்டுத் திவசங்கள் மனஅழுத்தத்தை போக்கின.

31ம் நாள் வரை உறவினர்கள் பலர் சாவு வீடுகளில் தங்கி நிற்ப்பது இறந்தவரின் பிரிவுதுயரால் தவிக்கும் மிக நெருங்கியவர்களுக்கு மன ஆற்றுப்படுத்தலை வழங்கி அவர்களின் பிந்தைய நாட்கள் இதன்மூலம் செம்மைப்படுத்தப்பட்டது, இயல்பான வாழ்க்கைக்கு இட்டுச்சென்றன.

உளவியல் ஆய்வுகளின்படி புதிய முயற்சிகளை செய்தால் ஒரு மனநிலை மாற்றம் 21 நாட்களுக்குள் ஆரம்பித்துவிடும் என்பதும் இங்கு குறிப்பிடப்பட வேண்டிய விடயம், ஆனால் அண்மைய ஆய்வுகள் 13 நாட்களில் ஆரம்பிப்பதாக தெரிவிக்கிறது.

பள்ளிக்கால காதல் பருவங்களில் இரு வேறுபட்ட பாடசாலையை சேர்ந்த மாணவி பின்னால் மாணவன் சென்ற (அநேகமாக) ஒருமாதத்துள் நல்ல உரையாடல் நிலைக்கு மாறுவதும் இந்த 21நாள் காரணமே.
சைவசமயத்தில் பூஜை சமய அனுட்டானங்கள் மந்திர உச்சாடனங்கள் ஆக்ககுறைந்த 21நாள் வரை என்பதையும் கவனத்திற்கொள்க.

**அத்தோடு எவ்வளவு காலம் வெளிநாட்டில் தங்கினாலும்/வெளியூரில் வாழ்ந்தாலும் விடுமுறைக்கு சொந்த நாடு/சொந்த ஊர் செல்லும் அடிப்படைக்காரணமும் அங்கு சென்றதும் அமைதி, மகிழ்ச்சி அதிகரித்து இருப்பது போன்ற உணர்வும் வரக்காரணம் எமக்கு அந்த இடம் பால்யக்காலங்களில் இனிமையை தந்து எம் நினைவுகளில் நல்ல நினைவுகளை பதிந்தமையும் ஆகும்.

ஈழத்தவர் விடயத்தில் வாழ்வின் பெரும்பகுதியை போராட்டசூழலில் எம் உரிமைக்காக செலவழித்து தற்போது தங்கள் சொந்த சமூகங்களிலிருந்து விலகி வெளிநாடுகளில் அதிக நேரத்தை வேறு மக்களோடு செலவழித்து வாழ்கிறார்கள், ஈழத்தவரின் விருப்பத்துக்குரிய பெரும்பகுதிக்காலம் வாழ்ந்த சூழலை மனதளவில் சீமானின் காணொளிகள் பேச்சுக்கள் மற்றும் அவரது மேடை, ஊடக நடவடிக்கைகள் ஈழத்தவரின் மன ஏக்கத்தை ஓரளவு திருப்பதிப்படுத்துவதால் சீமான் மிக இலகுவாக இழந்தவிடயங்களையும், நபர்களையும் உணர்வுகளால் பிரதியிடப்படுகிறார்.

இந்தப்பதிவு எங்கள் மக்களின் சிறுபகுதியினரின் தவறான இலக்கு நம்பிக்கையை (wrong goal setting) அலசும்விதமாகவும் திசைமாறிப்பாயும் பலமான எம் சமூகவலு சரியான பாதைக்கு மாற்றப்பட வேண்டும் என்பதற்காக உளவியல் அடிப்படைகளை வைத்து என்னால் எழுதப்பட்டது. எவரது உணர்வுகளை புண்படுத்தவோ அல்லது ஏளனம் செய்யும் நோக்கமோ அல்ல.

Read more...

அரசியல் கைதிகள் எவரும் விடுவிக்கப்படவில்லை - அருட்தந்தை சக்திவேல்

இலங்கையின் சிறைகளில் உள்ள தமிழ் அரசியல் கைதிகள் எவரும் விடுவிக்கப்படவில்லை, நாட்டில் உள்ள பல சிறைச்சாலைகளில் 89 தமிழ் அரசியல் கைதிகள் உள்ளனர் அவர்களில் எவரும் இதுவரை விடுவிக்கப்படவில்லை என அரசியல் கைதிகளை விடுப்பதற்கு தேசிய அமைப்பின் இணைப்பாளர் அருட் தந்தை ம. சக்திவேல் தெரிவித்துள்ளார்.

அநுராதபுரம் சிறைச்சாலையில் உள்ள ஏழு அரசியல் கைதிகள் விடுவிக்கப்பட்டதாக ஊடகங்களி்ல் வெளிவந்துள்ள செய்திகள் தொடர்பில் அவரிடம் வினவிய போது அவர் இவ்வாறு தெரிவித்துள்ளார்.

அரசியல் கைதிகள் விடுவிக்கப்பட்டதாக இதுவரை அரசாங்கம் கூட உத்தியோகபூர்வமாக அவ்வித அறிவித்தலையும் வெளியிடவில்லை இந்த நிலையில் சில ஊடகங்கள் எவ்வாறு இச் செய்தியை வெளியிட்டுள்ளனர் என தமக்குத் தெரியாது எனவும், விடுவிக்கப்பட்டவர்கள் யார் என்பது பற்றியும் எவ்வித தகவல்களும் இல்லை ஆனால் சிறைச்சாலைகளில் உள்ள 89 அரசியல் கைதிகளில் நான் அறிய எவரும் இதுவரை விடுவிக்கப்படவில்லை.கடந்த 2015 ஆம் ஆண்டு சுதந்திர தினத்தன்று ஒரு அரசியல் கைதி மாத்திரம் விடுவிக்கப்பட்டார் என்றும் அதனைதவிர இன்று எவரும்விடுவிக்கப்படவி்ல்லை எனவும் அருட்தந்தை சக்திவேல் தெரிவித்துள்ளார்

Read more...

புற்றுநோயாளர்களுக்கான நிதியையும் விட்டுவைக்காத சிறிதரன். யுவதி ஒருவருடன் சேர்ந்து மோசடி.

எவ்வித நோயும் இல்லாத கிளிநொச்சியை சேர்ந்த பெண் ஒருவருக்கு தொண்டைப்புற்று நோய் என்றும் வறுமையில் வாடும் குறித்த பெண்ணுக்கு நிதி உதவி செய்யுமாறும் போலிக்கடிதம் ஒன்றை வழங்கி புற்றுநோயாளர்களுக்கான நிதியை பாராளுமன்ற உறுப்பினர் சிறிதரன் மோசடி செய்துள்ளதாக குற்றச்சாட்டுக்கள் எழுந்துள்ளது. இவ்வாறு மோசடி செய்யப்பட்டுள்ள பணத்தில் சிறிதரனுக்கு எவ்வளவு பணம் பங்கிடப்பட்டது என்ற கேள்வி இங்கு பலமாக எழுந்து நிற்கின்றது.

குறித்த பெண்ணின சகோதரி பிரான்சில் வசித்துவரும் நிலையில் வறுமை என்றும் திருமணமான பெண்ணை செல்வி என்றும் குறப்பிட்டு பாராளுமன்ற உறுப்பினர் சிறிதரன் கடிதம் வழங்கியிருப்பதன் நோக்கம் சிறிதரனின் கொண்டம் மீதான நாட்டமா என்ற சந்தேகத்தையும் எழுப்புகின்றது.

குறித்த பெண்ணின் மருத்து அறிக்கைகள் மற்றும் அவர் தொடர்பில் விசாரித்து அறியாது மோசடியாக பணம் சேகரிக்கும் பெண்ணிற்கு ஒரு பாராளுமன்ற உறுப்பினர் உண்மைக்கு புறம்பான தகவல்களுடன் உறுதிப்படுத்தி கடிதம் வழங்கியிருப்பது குறித்த பெண்ணின் நிதி மோசடிக்கும் சிறிதரனுக்குமான தொடர்பை வெளிப்படுத்துகிறது எனவும் பலரும் குற்றம்சாட்டியுள்ளனர்.

இந்த மோசடி தொடர்பில் யாழ் போதனா வைத்தியசாலையின் பணிப்பாளர் சத்தியமூர்த்தி வெளியிட்டுள்ள அறிக்கையில், கிளிநொச்சி விவேகானந்தநகரைச் சேர்ந்த பெண் ஒருவர் தனக்கு தொண்டைப் புற்றுநோய் எனக் கூறி போலி ஆவணங்களை காண்பித்து பணம் சேகரிக்கும் நடிவடிக்கைகளில் ஈடுப்பட்டுள்ளார் தெரிவித்துள்ளார்.

யாழ் போதனா வைத்தியசாலை மற்றும் தெல்லிப்பளை வைத்தியசாலைகளில் சிகிசை பெறுவதாகவும், இதற்கு சத்திர சிகிசை மேற்கொள்வதற்கு இரண்டு மில்லியன் ரூபா பணம் தேவை என குறித்த பெண் சமூக வலைத்தளங்கள் மற்றும் இணையத்தளங்களில் செய்திகளை வெளியிட்டு பணம் சேகரிக்கும் நடவடிக்கையில் கடந்த சில மாதங்களாக ஈடுப்பட்டு வருவதாகவும், தனக்கு தொண்டைப் புற்றுநோய் எனத் தெரிவித்து அவர் காண்பிக்கும் ஆவணங்கள் போலியானவை எனவும் கடந்த 17-09-2019 அன்று கருப்பை கழுத்து புற்றுநோய் காரணமாக மரணமடைந்த கிளிநொச்சி தொண்டமான்நகரைச் சேர்ந்த மதியாபரனம் லதா வயது 46 என்வருடைய மருத்துவ அறிக்கையினை போட்டோ பிரதி எடுத்து அதில் தன்னுடைய பெயரையும் வயதினையும் மாத்திரம் மாற்றம் செய்து இவ்வாறு பணம் சேகரிக்கும் நடவடிக்கையில் ஈடுப்பட்டுள்ளார் எனவும் யாழ் போதனா வைத்தியசாலையின் பணிப்பாளர் த. சத்தியமூர்த்தி தெரிவித்துள்ளார்.

குறித்தபெண் கடந்த ஏப்ரல் மாதம் யாழ் போதனா வைத்தியசாலையில் தனக்கு தொண்டையில் ஏதோ இருக்கிறது, சாப்பிடும் போது தடக்கிறது என்று கூறி பரிசோதனை செய்துள்ளார். அவருக்கு ENT பரிசோதனை செய்த போது எவ்விதமான பிரச்சினையும் இல்லை என மருத்துவர்களால் தெரிவிக்கப்பட்டிருந்தது. அத்தோடு இவர் எக்காலத்திலும் தெல்லிப்பளை வைத்தியசாலைக்குச் சென்று எந்த சிகிசையும் பெற்றுக்கொள்ளவில்லை என்பது அங்குள்ள பதிவுகள் மூலம் உறுதிப்படுத்தப்பட்டுள்ளது.

மேலும் இணையத்தளங்களுக்கும் , சமூக வலைத்தளங்களுக்கும் அனுப்பியுள்ள மருத்துவ அறிக்கைளில் ஒன்று இந்தியாவில் உள்ள தனியார் மருத்துவமனையில் பெறப்பட்ட ஒரு வயது பிள்ளை ஒன்றின் மருத்துவ அறிக்கையாகும்.

அத்தோடு மிக முக்கியமானது தனக்கு தொண்டைப் புற்றுநோய் எனத் தெரிவித்து காண்பிக்கும் ஆவணங்கள் அனைத்தும் ஏற்கனவே கருப்பைகழுத்து புற்று நோய் காரணமாக இறந்த மதியாபரனம் லதா என்பவருடைய மருத்துவ அறிக்கைகளும் அவர் அதற்காக பெற்ற சிகிசைகள் அடங்கிய அறிக்கைகளே.

எனவே இந்த ஆவணங்கள் அனைத்து கருப்கழுத்துப் புற்றுநோய் காரணமாக இறந்த கிளிநொச்சியில் சிவில் பாதுகாப்பு திணைக்கதளத்தில் பணியாற்றிய மதியாபரனம் லதா என்பவருடையதே.

இதனைத்தவிர லதா மதியாபரனம் என்பவருடைய கிளினிக் கொப்பியில் லதா என்ற பெயரை அழித்துவிட்டு ராகினி என தன்னுடைய பெயரை மாத்திரம் மாற்றியிருகின்றார். மாற்றம் செய்யப்பட்டமை தெளிவாக தெரிகிறது. அத்தோடு திருமணம் செய்யவில்லை எனத் தெரிவிக்கும் அவர் லதாவின் கிளினிக் கொப்பிகளில் உள்ள திருமதி என்பதனையும் மாற்றம் செய்யாது விட்டிருக்கின்றார். மேலும் இவருக்கு வயது 33 ஆனால் இவர் காண்பிக்கும் லதாவினுடைய ஆவணங்களில் அவரது வயது 46 எனக் குறிப்பிடப்பட்டுள்ளது.


மதியாபரனம் லதா மற்றும் ராகினி தனபாலாசிங்கம் மற்றுமொருவர் மூவருமாக நிதி நிறுவனம் ஒன்றின் நுண்கடன் குழுவொன்றில் அங்கும் வகின்றனர். இதன் மூலம் லதாவுடன் ராகினிக்கு பழக்கம் ஏற்பட்டுள்ளது. பின்னர் லதா புற்றுநோய்க் காரணமாக கடந்த 17-09-2019 இறந்த பின்னனர் சில நாட்களில் லதாவின் வீட்டுக்குச் சென்ற ராகினி தனக்கும் புற்றுநோய் இருக்கிறது எனத் தெரிவித்து லதாவுக்கு ஏற்பட்ட புற்றுநோய் தனக்கும் ஏற்பட்டுள்ளதா என ஒப்பிட்டு பார்க்க வேண்டும் எனவும் அதற்காக அவரது கிளினிக் கொப்பியை தருமாறும் கோரி பெற்றுச்சென்று அதனை போட்டோ பிரதி எடுத்துள்ளார். அந்த போட்டோ பிரதியிலேயே தனது பெயரை மாற்றம் செய்து மோசடி நடவடிக்கையில் ஈடுப்பட்டு வருகின்றார்.
என்பது உறுதியாகியுள்ளது.

குறித்த பெண்ணின் போலி ஆவணங்களை தங்களது இணையத்தளங்கள் மற்றும் சமூக வலைத்தளங்களில் பிரசுரிப்பவர்கள் அவதானமாக பொறுப்புடன் செயற்பட வேண்டும். இவ்வாறான மோசடியில் ஈடுப்படுகின்றவர்களுக்கு உதவி செய்வதன் மூலம் உண்மையில் பாதிக்கப்பட்ட ஒருவருக்கு உதவி செய்ய முடியாத நிலை ஏற்படும். அத்தோடு குறித்த பெண்ணுக்கு தொண்டை புற்றுநோய் அவருக்கு உதவி செய்யுங்கள் என உறுதிப்படுத்தி கடிதம் வழங்கும் அதிகாரிகள் முதல் மக்கள் பிரதிநிதிகளும் அவதானமாக இருக்க வேண்டும். என்பதோடு தற்போது அரச மருத்துவனைகளில் இவ்வாறான நோய்களுக்கு உரிய சிகிசை வழங்கப்படுகிறது. எனவே இந்த நிலையில் இவ்வாறான பெண்கள் போலியாக பணம் சேகரிப்பதற்கு மேற்கொள்ளும் இந் நடவடிக்கை மூலம் வைத்தியசாலையின் பெயர் பாதிக்கப்படுவதோடு, உண்மையாகவே பாதிக்கப்பட்டு உதவி கோரி நிற்பவர்களும் உதவி செய்ய முடியாத நிலை ஏற்படுகிறது என யாழ் போதனா வைத்தியசாலையின் பணிப்பாளர் தெரிவித்துள்ளார்

Read more...

உயிர்த்த ஞாயிறுத் தாக்குதலுடன் தொடர்புடைய அமைச்சர்களுக்கு அதோகதி!

உயிர்த்த ஞாயிறுத் தாக்குதலுக்கு முன்னர் ஏற்பட்ட விடயங்களுக்கும், மாவனல்லைப் பிரதேசத்தில் புத்தர் சிலையை உடைத்தமை தொடர்பிலும் சென்ற அரசாங்கத்தில் உயர் பதவி வகித்த அமைச்சர்கள் தொடர்புற்றிருப்பதாக, உயிர்த்த ஞாயிறுத் தாக்குதலை ஆராய்வதற்காக ஜனாதிபதியினால் நியமிக்கப்பட்ட குழுவினருக்கு தகவல் கிடைத்துள்ளதாகத் தெரியருகின்றது.

ஆணைக்குழு விசாரணைகளை மேற்கொண்டுவரும் வேளை, இந்தத் தகவல்கள் ஆணைக்குழுவிற்குக் கிடைத்துள்ளதாகவும், வெகுவிரைவில் குறித்த சந்தேகநபர்களை ஆணைக்குழுவுக்கு அழைத்து அவர்களின் கருத்துக்களைப் பெறுவதற்கும் தீர்மானிக்கப்பட்டுள்ளது.

உயிர்த்த ஞாயிறு தினம் கத்தோலிக்க ஆலயங்கள் மூன்றிற்கும், பிரபலமான ஹோட்டல்கள்களுக்கும் தற்கொலை குண்டுத்தாக்குதலின் மூலம் 300 இற்கும் மேற்பட்டோர் கொலை செய்யப்பட்டமைக்கும் பொறுப்புக்கூர வேண்டியவர்கள் பற்றி விசாரணை மேற்கொள்வதற்காக ஜனாதிபதி கோட்டாபய ராஜபக்ஷவினால் நியமிக்கப்பட்ட ஜனாதிபதி விசாரணை ஆணைக்குழு நியமிக்கப்பட்டுள்ளது.

மேன்முறையீட்டு நீதிமன்ற நீதிபதி ஜனக் த சில்வா தலைமை வகிக்கின்ற இந்த ஆணைக்குழுவின் ஏனைய உறுப்பினர்களாக முன்னாள் மேன்முறையீட்டு நீதிமன்ற நீதிபதிகளான பந்துல கருணாரத்ன, சுனில் ராஜபக்ஷ, முன்னாள் உயர் நீதிமன்ற நீதிபதி பந்துல அத்தபத்து மற்றும் நீதியமைச்சின் முன்னாள் செயலாளர் எச்.எம்.எஸ். அதிகாரி ஆகியோர் செயற்படுகின்றனர்.

ஆணைக்குழுவின் செயலாளராக எச்.எம்.பீ.பீ. ஹேரத் செயற்படுகின்றார்.

கொழும்பு பேராயர் மெல்கம் காதினல் ரஞ்சித் அவர்கள் ஆணைக்குழுவிற்கு சாட்சியளிக்கும்போது, இந்தத் தாக்குதலுடன் பிரபலமான அமைச்சர்கள் இருவர் தொடர்புடையவர்களாக இருக்கின்றனர் என்று சாட்சியங்களுடன் குறிப்பிட்டுள்ளமை குறிப்பிடத்தக்கது.

Read more...

அமெரிக்க அதிபர் ட்ரம்பை பதவிநீக்கம் செய்ய முஸ்தீபு. கட்யினுள்ளிருந்தே ஒப்புதல் கிடைக்கப்பெற்றுள்ளது.

அதிகாரத்தை தவறாகப் பயன்படுத்தியதாகக் கூறப்படும் விவகாரத்தில் அமெரிக்க அதிபர் டொனால்ட் ட்ரம்ப்பை பதவி நீக்கம் செய்வதற்கான வரைவுத் தீர்மானத்தை உருவாக்க அந்நாட்டின் பாராளுமன்ற கீழவையின் தலைவரும், ஜனநாயகக் கட்சியின் மூத்த தலைவருமான நான்சி பெலோசி ஒப்புதல் அளித்துள்ளார்.

அவரது இந்த நடவடிக்கை, அதிபரை பதவி நீக்குவதற்கான நடைமுறையின் முக்கிய நகர்வாகக் கருதப்படுகிறது.

அமெரிக்காவில் அடுத்த ஆண்டு நடைபெறவிருக்கும் அதிபர் தோ்தலில் ட்ரம்ப்பை எதிர்த்து ஜனநாயகக் கட்சி சார்பில் முன்னாள் துணை அதிபா் ஜோ பிடன் போட்டியிடுவார் என்று எதிர்பார்க்கப்படுகிறது.

இந்த நிலையில், ஜோ பிடனின் பெயருக்கு களங்கத்தை ஏற்படுத்தும் வகையில் அவருக்கு எதிராக ஊழல் விசாரணை மேற்கொள்ளுமாறு உக்ரைன் அரசை ட்ரம்ப் வலியுறுத்தியதாகக் குற்றம் சாட்டப்படுகிறது.

உக்ரைனில் ஜோ பிடன் மற்றும் அவரது மகன் மேற்கொண்டு வரும் தொழில் தொடா்பாக அந்த விசாரணையை மேற்கொள்ளுமாறு வலியுறுத்தியதாகவும் உக்ரைனுக்கு நெருக்கடி தரும் வகையில் அந்த நாட்டு இராணுவத்திற்கான அமெரிக்க நிதியுதவியை நிறுத்தி வைத்ததாகவும் ட்ரம்ப் மீது குற்றச்சாட்டுகள் எழுந்துள்ளன.

தனது அரசியல் ஆதாயத்திற்காக தேசப்பாதுகாப்பிற்கு அச்சுறுத்தல் ஏற்படுத்தியதாகக் கூறி, டிரம்ப்பை பதவி நீக்கம் செய்வதற்கான விசாரணையை ஜனநாயகக் கட்சியினர் மேற்கொண்டு வருகின்றனர்.

இந்நிலையில், பதவி நீக்க தீர்மானத்தின் வரைவை உருவாக்க, நாடாளுமன்ற கீழவையின் தலைவா் நான்சி பெலோசி வியாழக்கிழமை (05) ஒப்புதல் அளித்தார்

இந்த நடவடிக்கையை மேற்கொள்வதைத் தவிர, வேறெந்த வாய்ப்பையும் டிரம்ப் அளிக்கவில்லை என்று பெலோசி குறிப்பிட்டுள்ளார்.

Read more...

மைத்திரியுடன் வெளிநாடு செல்ல விசாவுக்கு விண்ணப்பித்தோரின் விண்ணப்பங்கள் நிகராகரிப்பு

முன்னாள் ஜனாதிபதி மைத்திரிபால சிறிசேனவுடன் ஐரோப்பிய சுற்றுப்பயணத்தில் கலந்துகொள்வதற்குத் தயாராகவிருந்த பலரது விசா விண்ணப்பங்கள் நிராகரிக்கப்பட்டுள்ளன.

ஜனாதிபதித் தேர்தலின் பின்னர் ஏற்பட்டுள்ள நிலைமை காரணமாகவே சில மாதங்களுக்கு இங்கிலாந்து செல்வதற்கு தயாராகிவருகின்றனர்.

அவருடன் நெருங்கிய தொடர்புடையோர் சிலரே அவ்வாறு பயணம் மேற்கொள்ளவிருந்தனர். என்றாலும் விசாக்கள் நிராகரிக்கப்பட்டுள்ளதாகத் தெரியவருகின்றது.

Read more...

புலிப்பினாமிகள் தொடர்பில் பிரித்தானியா அதிக கவனம் செலுத்த வேண்டும்! - சரத் வீரசேக்கர

LTTE ஆதரவாளர்கள் பிரித்தானியாவில் நடந்துகொள்ளும் முறை தொடர்பில் அந்நாட்டு அரசாங்கம் அதிக கவனம் செலுத்த வேண்டும் என ஓய்வுபெற்ற ரியர் அத்மிரல் சரத் வீரசேக்கர தெரிவித்துள்ளார்.

இலண்டர் - ஸ்ரீலங்கா உயர் ஸ்தானிகர் ஆலயத்திற்கு முன்பாக ஆர்ப்பாட்டத்தில் ஈடுபட்ட LTTE ஆதர்வாளர்கள் சிலருக்கு பிரிகேடியர் பிரசங்க பிரனாந்து சைகை காட்டிய சம்பவம் தொடர்பாகவும், அந்நாட்டு நீதிமன்றம் அபராதம் விதித்துள்ளமை தொடர்பாகவும் அவர் குறிப்பிட்டார்.

Read more...

ஐ.தே.கட்சியுடன் இணைந்திருந்த சிறுகட்சிகள் கழர்கின்றது. பொதுத்தேர்தலில் வெவ்வேறாகப் போட்டியிடும்!

எதிர்வரும் பாராளுமன்றத் தேர்தலின்போது, ஐக்கிய தேசியக் கட்சியுடன் தற்போதுள்ள சிறுகட்சிகள் வெவ்வேறாகப் போட்டியிடத் தீர்மானித்துள்ளன.

அதற்கேற்ப, முஸ்லிம்களைப் பிரதிநிதித்துவப்படுத்தும் கட்சியும், தமிழர்களைப் பிரதிநிதித்துவப்படுத்தும் கட்சியும் வெவ்வேறாக போட்டியிடவுள்ளதாக ஐக்கிய தேசியக் கட்சியின் சிரேஷ்ட பேச்சாளர் தெரிவித்தார்.

ஐக்கிய தேசிய முன்னணியின்'பெளத்த பதனம'வைப் பாதுகாப்பதற்காக புதிய தோற்றத்துடன் அபிவிருத்தி செய்யும் நோக்குடன் சிறுகட்சிகள் வேறாகவும் ஐக்கிய தேசியக் கட்சி வேறாகவும் போட்டியிடவுள்ளதாக அக்கட்சியின் முக்கிய உறுப்பினர் ஒருவர் தெளிவுறுத்துகிறார். அதற்கேற்ப, இக்கட்சிகள் வேறாகப் போட்டியிடுவதற்கும், தேர்தலின் பின்னர் கூட்டிணைவதற்கும் தீர்மானித்துள்ளது.

Read more...

ஐ.நா விற்கு அழைத்துச் செல்வதாக கூறி சுவிஸ் பெண்ணிடம் லட்சங்களை ஆட்டையை போட்ட த.தே.கூ உறுப்பினர் சஜீவன்

ஐக்கிய நாடுகள் சபையின் மனித உரிமைகளுக்கான மாநாடு வருடத்தில் இருமுறை இடம்பெற்றுவருகின்றது. மனித உரிமைகளுக்கான அமர்வுகள் இடம்பெறும் மார்ச் மற்றும் கார்த்திகை மாதகாலங்கள் விவசாயிகளுக்கு அறுவடை காலம்போல் போலி மனித உரிமைவாதிகள் அல்லது மனித உரிமை வியாபாரிகளுக்கு அதிக பணமீட்டும் காலமாக இனம்காணப்பட்டுள்ளது என இலங்கைநெற் பலமுறை சுட்டிக்காட்டியிருக்கின்றது.

தமிழ் மக்களிடமும் பல்வேறுபட்ட அரச சார்பற்ற நிறுவனங்களிடமும் (என்ஜீஓ) பணத்தினைபெற்றுக்கொண்டு ஜெனீவாவில் களியாட்டங்களில் ஈடுபடும் இப்போலி முகவர்கள் ஐ.நா அமர்வுகள் இடம்பெறும்காலத்தில், முடிந்தவரை சட்டவிரோத ஆட்கடத்தல்களை மேற்கொள்வதுடன், அதன் பெயரால் மக்கள் பலரும் ஏமாற்றப்படுகின்றனர்.

அதனடிப்படையில் இலங்கையில் பாதிக்கப்பட்ட மக்களுக்காக குரல்கொடுக்க செல்கின்றேன் என ஜெனீவா சென்ற தமிழ் தேசியக் கூட்டமைப்பின் உறுப்பினரும் வலிவடக்கு பிரதேச சபை உறுப்பினருமான சஜீவன் சண்முகலிங்கம் என்பவன், வன்னி யுத்தத்தில் தனது கணவன் காணாமலாக்கப்பட்டதாக கூறிக்கொள்ளும் பெண் ஒருவரை மரத்தால் விழுந்தவளை மாடேறிமிதித்த கதையாக ஏமாற்றியுள்ளான்.

முள்ளியவளையைச் சேர்ந்த ஜெகதீஸ்வரன் அசோதாம்பிகை என்ற கணவனைத் தேடியலையும் பெண்ணை தான் ஜெனீவாவில் மனித உரிமைகள் மாநாட்டில் கலந்துகொள்ளச்செல்லும்போது தன்னுடன் அழைத்துச்செல்வதாக சுவிட்சர்லாந்தில் வாழும் சகோதரியிடம் சுமார் 14 லட்சங்களை ஏமாற்றியுள்ளான்.

பாதிக்கப்பட்ட மக்களுக்காக குரல்கொடுக்கச் செல்கின்றோம் என தவில் தம்பட்டங்களுடன் செல்லும் ஈனப்பிறவிகள் அதே பாதிக்கப்பட்ட மக்களின் உதிரத்தை எவ்வாறு குடிக்கின்றார்கள் என்பதற்கு இது சிறந்ததோர் உதாரணமாகும். குறித்த பெண்ணுக்காக 14 லட்சம் பணத்தை வழங்கியிருப்பதும் வன்னியில் இடம்பெற்ற யுத்தத்தில் தனது கணவனை இழந்து சுவிட்சர்லாந்தில் தஞ்சமடைந்துள்ள அகதிச் சகோதரியாகும்.

பணத்தை கொடுத்தபெண் சஜீவனை தொடர்பு கொண்டு விபரம்கோரியபோது, ஜெனீவாவில் மனித உரிமைகள் வியாபாரிகளின் செயற்பாடுகளை இவ்வாறு விபரிக்கின்றான் கஜீபன்.

ஐக்கிய நாடுகள் சபையினுள் பல்வேறு அரச சார்பற்று நிறுவனங்களை பதிவு செய்து கொண்டுள்ள பொஸ்கோ போன்ற நபர்கள், ஐக்கிய நாடுகள் சபையின் அமர்வுகளில் கலந்து கொள்வதற்காக வீசாவுக்கான ஸ்பொன்சர் கடிதங்களை வழங்குவதற்கு ஆள் ஒருவருக்கு 5000 சுவிஸ் பிராங்குகளை பெற்றுக்கொள்வதாக கூறுகின்றார். அதனடிப்படையில் அவர்களுக்கு தான் 5000 பிராங்குகளை கொடுத்து கடிதத்தை பெற்று வீசாவிற்கு விண்ணப்பித்தபோதும், குறித்தபெண்ணின் பெயர் தடை செய்யப்பட்டுள்ளதால் வீசா கிடைக்காமல் போனதாகவும், தடை பட்டியிலிருந்து பெயரை நீக்குவதற்கு அரசியல் பிரபலங்களால் மாத்திரமே முடியும் என்றும் கூறுகின்றார். அதாவது சஜீபனின் அடுத்தஇலக்கு சுவிட்சர்லாந்து தூதரக வீசாவிற்கான தடைப்பட்டியிலிலிருந்து பெயரை நீங்குவதற்காக அப்பெண்ணிடமிருந்து மேலதிக பணத்தினை பெற்றுக்கொள்வதாகும்.

எது எவ்வாறாயினும் ஐக்கிய நாடுகள் சபைக்கு பிராண்சிலிருந்து சடைமுடியுடன் சென்று மனித உரிமைகள் வியாபாராம் செய்யும் பொஸ்கோ குறித்த பெண்ணிற்கு ஸ்பொன்சர் கடிதம் வழங்குவதற்காக சஜீபனிடம் 5000 சுவிஸ் பிராங்குகளை தான் பெற்றுக்கொள்ளவில்லை என மறுக்கவில்லை. ஐ.நா அமர்வுகளின்போது பெரும் செலவு ஏற்படுவதாக தமிழ் மக்களிடம் பல்வேறு வழிகளில் பணத்தை பெற்றுக்கொள்ளும் இக்கும்பல் பாதிக்கப்பட்ட மக்களுக்கு ஐரோப்பிய ஆசையூட்டியும் பணத்தை சூறையாடுகின்றது. ஐ.நா விற்கு சென்று அங்கிருந்து வீடியோக்களையும் புகைப்படங்களையும் வெளியிட்டு மக்கள் மத்தியில் மனித உரிமை ஆர்வலர்களாக தங்களை காண்பித்துக்கொள்ளும் இவர்களின் பின்னணியில் ஆட்கடத்தல் போன்ற சட்டவிரோத வியாபாரங்களே உள்ளதென்பது பல்வேறு சந்தர்ப்பங்களில் வெளிப்படையாகியுள்ளது.

பொஸ்கோவிற்கு வழங்குவதற்காக என சுவிட்சர்லாந்தில் வசிக்கும் பெண்ணிடம் கஜீபன் பணத்தை பெற்றுக்கொண்டதனை ஏற்றுக்கொள்ளும் தொலைபேசி உரையாடல் தற்போது சமூகவலைதளங்களில் வைரலாகியுள்ளது. (அதன் இணைப்பு கீழே)





மேலும் காணாமலாக்கப்பட்டோருக்கு ஆதரவான சுலோகத்துடன் தெருத்தெருவாக அலையும் படத்தில்காணப்படும் அயோக்கியன்தான் காணாமலாக்கப்பட்டதாக கூறப்படும் நபரொருவரின் மனைவியையே ஏமாற்றியுள்ளான். மேலும் அம்புலன்ஸ் ஒன்றை வாங்குவதற்கென நிறுவனம் ஒன்றினால் வழங்கப்பட்ட நிதியை இவன் சிறிதரனுடன் இணைந்து மோசடி செய்தமை மற்றும் மேற்படி பெண்ணின் காணிப்பிணக்கு ஒன்று சம்பந்தமாக இரண்டரை லட்சங்களை மோசடி செய்தமை என பல்வேறு மோசடிகள் தொடர்பாக இலங்கைநெட் அறிந்து கொண்டுள்ளது. இவை தொடர்பான விபரமான தகவல்கள் எதிர்வரும் நாட்களில் பகிரங்கப்படுத்தப்படும்.

அத்துடன் ஐக்கிய நாடுகள் சபையில் மனித உரிமைகள் எனும் பெயரால் புலம்பெயர் தமிழர் மேற்கொள்ளும் பல்வேறு தில்லுமுல்லுகளும் விரைவில் வெளிச்சத்திற்கு வரும் என்பதை தெரிவித்துக்கொள்கின்றோம்.

Read more...