தமிழ் -சிங்­கள மக்­களின் ஒற்­று­மையை சீர் குலைப்பதுடன் தேசத்துரோக செயலில் ஈடுபடும் யாழ். மன்னார் ஆயர்களை கைது செய்ய- பொது­ப­ல­சே­னா

தமிழ் -சிங்­கள மக்­களின் ஒற்­று­மையை சீர் குலைக்கும் ஆயர்களின் சதியை இந்து தலைவர்கள் புரிந்த கொள்ள வேண்டும் என்பதுடன் தேசத்­து­ரோக செயலில் ஈடு­படும் மன்னார் மற்றும் யாழ். கத்­தோ­லிக்க ஆயர்­களை உடனடியாக கைது செய்ய அர­சாங்கம் நடவடிக்கை­களை எடுக்க வேண்டும் என பொது­ப­ல­சே­னாவின் பொதுச் செயலாளர் கல­கொட அத்தே ஞான­சார தேரர் தெரிவித்துள்ளார்.

மேலும் இறுதிக்கட்ட யுத்­தத்தின் போது இரா­ணுவம்மக்கள் மீது இர­சா­யன ஆயுத தாக்­குதல், கொத்து குண்­டு­களை போட்­ட­தாகவும் எனவே சர்­வ­தேச விசா­ரணை தேவை­யென்றும் அமெ­ரிக்க விசேட பிர­தி­நிதி ஸ் ரீபன் ரெப்­பிடம் மன்னார் ஆயர் இரா­யப்பு ஜோசப் மற்றும் யாழ். ஆயர் தோமஸ் சௌந்தரநாயகம் ஆகியோர் தெரி­வித்­தமை தொடர்பில் கருத்து தெரிவிக்கையி­லேயே பொதுபலசேனாவின் பொதுச் செய­லாளர் கல­கொட அத்தே ஞான­சார தேரர் இதனைத் தெரி­வித்தார்.

இதே வேளை இலங்­கையில் தமிழ் இந்து சமூ­கத்­தினர் நூற்­றுக்கு 95வீதம் வாழ்­கின்­றனர் அதில் வடித்­தெ­டுத்த சிறு­தொகை தமிழ் மக்கள்தான் கத்தோலிக்கர்களா­கவும் கிறிஸ்தவர்களாகவும் உள்­ளனர் அவ்வாறானதோர் நிலையில் இந்த இரண்டு ஆயர்­களும் மேற்­குல நாடு­களின் நிகழ்ச்சி நிரலுக்கேற்ப பிர­பா­கரன் இருந்த காலத்­திலும் இன்றும் தமது நடவடிக்கைகளை கைவிடாது முன்னெடுத்து வருகின்றனர் எனத் தெரிவித்தார்.

மேலும் ஒன்­று­பட்ட இலங்­கையை, மக்­களை மீண்டும் பிள­வு­ப­டுத்த இவர்கள் முயற்­சிப்பதுடன் இலங்கையில் மீண்டும் பிரி­வி­னையை ஏற்­ப­டுத்­து­வதே இவர்­களின் இலக்­காக காணப்படுகிறது எனவே இதனை தமிழ் இந்துத் தலைவர்கள் புரிந்து கொண்டு தமது செயற்பாடுகளை முன்­னெ­டுக்க வேண்டும் என ஞானசார தேரர் தெரிவித்துள்ளார்.