பிரேசிலை சேர்ந்த இளைஞர் ஒருவர் நாய்கள் மீது கொண்ட அதிக பாசத்தால் தனது முகத்தை பிளாஸ்டிக் சத்திரசிகிச்சை செய்து நாயாக மாறியுள்ளார். இறந்த நாய் ஒன்றின் மூலமே தனது முகத்தை அறுவை சிகிச்சை செய்து கொண்டு நாயாகவே மாறியுள்ளார். அறுவை சிகிச்சை முடிவடைந் துள்ள நிலையில் "நாய் மனிதன்" என்றே அனைவரும் அழைக்கின்றனர்.
பாராளுமன்ற தெரிவுக் குழுவில் தமிழ்த் தேசியக் கூட்ட மைப்பு கலந்துகொள்ளப் போவதில்லை என ஏகமனதாக தீர்மானிக்கப்பட்டதாக, பாராளுமன்ற உறுப்பினர் சுரேஷ் பிரேமச்சந்திரன் தெரிவித்துள்ளார். இன்று மாலை இடம் பெற்ற தமிழ்த் தேசியக் கூட்டமைபின் கலந்துரையாடல் தொடர்பாக கருத்து தெரிவித்த போதே இதனை தெரிவித் துள்ளார்.
அத்துடன் இன்றைய சந்திப்பில் தமிழ்த் தேசியக் கூட்டமைப்பில் அங்கம் வகிக்கும் கட்சிகளின் பிரதிநிதிகள் அனைவரும் கலந்துகொண்டனர் எனவும், ஆனந்த சங்கரி கலந்துகொள்ளவில்லை எனவும், இருந்தபோதிலும் தொலைபேசியில் தொடர்புகொண்டு தனது முழு ஆதரவினை வழங்குவதாகத் தெரிவித்தார் என, சுரேஷ் பிரேமச்சந்திரன் தெரிவித்துள்ளார்.
இதற்கமையவே பாராளுமன்ற தெரிவுக்குழுவில் தமிழ்த் தேசியக் கூட்டமைப்பு கலந்துகொள்வதில்லை என ஏகமனதாக தீர்மானிக்கப்பட்டது என்றும் சுரேஷ் பிரேமச்சந்திரன் மேலும் தெரிவித்தார்.
85 வயதான பாட்டி செங்கற்களை மட்டும் சாப்பிட்டு உயிர் வாழ்வது ஆச்சரியத்தை ஏற்படுத்தியுள்ளது. தூத்துக்குடி குறிஞ்சி நகரை சேர்ந்த 85 வயதுடைய சரஸ்வதியின் கணவர் மாரியப்பன் கடந்த 22 ஆண்டுகளுக்கு முன்பு இறந்து விட்டார்.
தற்போது தனிமையில் வசித்து வரும் சரஸ்வதி பாட்டி, அக்கம் பக்கத்தில் உள்ளவர்களுக்கு தண்ணீர் பிடித்து கொடுத்து பிழைப்பு நடத்தி வருகிறார். இவரது சாப்பாடே செங்கல் மட்டும் தான், இதனால் இவரை செங்கல் பாட்டி என்றே அழைக்கின்றனர்.
தினமும் 1 முதல் 3 வரையிலான செங்கல்லை சாப்பிடுகிறார். சிறுவயதில் செங்கலை சுவைக்க தொடங்கினார். அதன் சுவை பிடித்துப் போகவே சிறுது சிறிதாக செங்கல்லை சாப்பிட தொடங்கி, தற்போது கண்ணில் எங்கு செங்கல் பட்டாலும் எடுத்து சாப்பிட தொடங்கி விடுகிறாராம்.
இதுகுறித்து அவர் கூறுகையில், 85 வயதாகியும் என்னால் செங்கல்லை சாப்பிடாமல் இருக்க முடியவில்லை. திருமணத்திற்கு முன்னர் எனது பெற்றோரும், திருமணத்திற்கு பிறகு எனது கணவரும் என்னை திட்டினர். பசி காரணமாகவோ, வறுமை காரணமாகவோ இதை நான் செய்யவில்லை. நிறைய செங்கல்லை சாப்பிட்டும் கூட எனது உடல் நிலை பாதிக்கப்படவில்லை எனக் கூறியுள்ளார்.
பிக்கு ஒருவரின் தாக்குதலுக்கு இலக்கான நபரொருவர் உயிரிழந்துள்ளதாக தெரிவிக்கப்படுகின்றது. இதனையடுத்து சம்பவத்துடன் தொடர்புடைய காலி லபுதுவ பகுதி விகாரை யொன்றைச் சேர்ந்த பிக்குவை அக்மீமன பொலிஸார் கைது செய்துள்ளதாக தெரியவருகின்றது.
யக்கலமுல்ல பகுதியைச் சேர்ந்த 44 வயதான நபரொருவரே தாக்குதலில் உயிரிழந்துள்ளதாக தெரிவிக்கப்படுகின்றது. கடந்த 27 ஆம் திகதி இரவு சந்தேக நபரான பிக்குவுக்கும், குறித்த நபருக்கும் இடையே வாய்த்தர்க்கம் ஏற்பட்டுள்ளது. இதனையடுத்தே குறித்த பிக்கு அந்நபரைத் தாக்கியுள்ளதாகவும் தெரியவருகின்றது.
இலங்கைக்கு தேவையானது காணி பொலிஸ் அதிகாரங்கள் அல்ல எனவும், பொருளாதார நல்லிணக்கமே இலங்கை தேவை எனவும், இலங்கை காணி பொலிஸ் அதிகாரங்களை மாகாண சபைகளுக்கு வழங்கும் அளவுக்கு மிகப்பெரிய நாடு கிடையாது என அமைச்சர் பீலிக்ஸ் பெரேரா தெரிவித்துள்ளார்.
அதிகாரங்களை பரவலாக்குவதால் தேவையற்ற சட்டங்கள் மக்கள் மீது சுமத்தப்படும் எனவும், அனைவரும் ஒரே சட்டத்தின் கீழ் இருக்க வேண்டும் எனவும், இலங்கையில் உள்ள அனைத்து மக்களும் ஒரு வீட்டின் பிள்ளைகளாகவும் ஒரு தேசிய கீதத்தின் கீழ் இருக்க வேண்டும் எனவும், அவர் தெரிவித்துள்ளார்.
கற்றுக்கொண்டுள்ள பாடங்கள் மற்றும் நல்லிணக்க ஆணைக் குழுவினால் குறிப்பிடப்பட்ட பரிந்துரைகளை நடைமுறைப் படுத்துவதற்கு ஏற்ற உதவிகளை பொதுநலவாய அமைப்பு தொடர்ந்தும் இலங்கைக்கு வழங்கி வருமென அதன் செயலாளர் நாயகம் கமலேஷ் சர்மா தெரிவித்துள்ளார். லண்டன் பைனான்ஷியல் டைம்ஸ் சஞ்சிகைக்கு வழங்கிய செவ்வியொன்றிலேயே அவர் மேற்கண்டவாறு தெரிவித் துள்ளார்.
மேலும் அவர் தெரிவிக்கையில், கற்றுக்கொண்டுள்ள பாடங்கள் மற்றும் நல்லிணக்க ஆணைக்குழு அறிக்கையில் உள்ள பரிந்துரைகளை நடைமுறைப் படுத்துவதில் போதிய முன்னேற்றம் காணப்படாமை குறித்து விமர்சிப்பதா அல்லது கூடிய வேறுபாடொன்றை ஏற்படுத்துவதா என்பதே சர்வதேச சமூகத்தின் கேள்வியாக உள்ளதாகவும், பொதுநலவாய அமைப்பானது இவற்றில் பின்னதையே பார்கின்றது எனவும், பொதுநலவாய அமைப்பின் உதவி கிடைக்கப் போகும் விடயங்களை இலங்கை அரசாங்கம் இப்போதும் கூட இனங்கண்டு வருவதாகவும் குறிப்பிட்டார்.
இலங்கையில் மனித உரிமைகள், ஊடகத்துறை, நீதித்துறை மற்றும் சமூகங்களுக்கிடையே அன்னியோன்னிய கண்ணியம் மற்றும் புரிந்துணர்வு ஆகியவற்றைக் கட்டியெழுப்புதல் உள்ளிட்ட பொதுநலவாய விழுமியங்களை நடைமுறைப்படுத்துவதில் தாங்கள் தீவிர ஆர்வம் காட்டி வருவதாக ஷர்மா தெரிவித்துள்ளார்.
அத்துடன் பொதுநலவாய மென்வலு மற்றும் திரைமறைவுப் பங்களிப்புக்களுக்கு குறுகிய காலத்தில் எதிர்மறை விளைவுகள் அடிக்கடி ஏற்படலாம். ஆயினும் வெற்றியானது உண்மையான முன்னேற்ற வடிவத்தில் நீண்ட காலத் தவணையில் மாறாத தன்மையுடன் சாதகமாகவே ஈட்டப்பட்டு வருகின்றதெனவும், வெளிநடப்புச் செய்வதும் அமைப்பிலிருந்து விலகிச் செல்வதும் பொதுநலவாய அமைப்புக்கு நிரந்தர அவமானத்தையே தேடித்தருமென, பொதுநலவாய அமைப்பின் செயலாளர் நாயகம் கமலேஷ் சர்மா தெரிவித்துள்ளார்.
அரச அதிபர் நடவடிக்கை எடுக்கவேண்டும் அன்றேல் ஜனாதிபதியிடம் முறையிடுவோம். துண்டு பிரசுரம்.
சட்ட விரோத செயற்பாடுகளுக்கு வெல்லாவெளி பொலிசார் துணை போவதாக போரைதீவுப் பற்று வெல்லாவெளி பொது மக்கள் கண்டனத்தை தெரிவித்துள்ளனர். சட்டவிரோத செயற்பாடுகளை தடுத்தல் என்ற தலைப்புடன் போரைதீவுப் பற்று வெல்லாவெளி பொது மக்கள் என்ற உரிமை கோரலுடன் மட்டக்களப்பு அரசாங்க அதிபருக்கு முகவரியிடப்பட்டு வெளியாகி இருக்கும் துண்டுப் பிரசுரத்தில் தெரிவிக்கப்பட்டிருப்பதாவது.
எங்கள் பிரதேசத்தில் சட்டவிரோத செயற்பாடுகள் அதிகரித்து செல்கின்றது. ஆற்று மணல் ஏற்றுதல், சட்டவிரோதமாக மரம் வெட்டுதல் ஏற்றுதல் என இப்பட்டியல் நீண்டு செல்கின்றது. ஆற்றுமணல் ஏற்றுவதற்கு பிரதேச செயலாளரால் வழங்கப்படுகின்ற அனுமதிபத்திரம் தொடர்ச்சியாக கணேசபுரத்தைச் சேர்ந்த இளஞ்செளியன்(குயில்) என்பவர் EP RC 6440 இந்த இலக்க உழவு இயந்திரத்திற்கே கொடுக்கப்படுகின்றது. இவர் 03 லோட் மணல் ஏற்றுவதற்கு அனுமதியினைப்பெற்று பொலிசாருக்கு பணத்தைக் கொடுத்து இரவு பகலாக தொடர்ச்சியாக நான்கு ஐந்து நாட்களுக்கு மணல் ஏற்றுகின்றார்
இவருக்கு இவ்வாறான சட்டவிரோத செயலை செய்வதற்கு பொலிஸார் காவல் கொடுக்கினறனர். இதே போலத்தான் மரமும் வெட்டுகின்றார். இவரால் மணல் ஏற்றுவது மக்கள் பிரயாணம் செய்யும் இடங்களில் வேளாண்மை செய்யும் வயல்களில் இதை தட்டி கேட்டால் பொது மக்களுக்கு தகாத மிக கேவலமான வாத்தை பிரயேகத்தால் ஏசுகிறார் இவருக்கு வெல்லாவெளி பொலிஸார் பக்கபலமாக இருப்பதால்தான் இத்தனை சட்டவிரோத செயல்களையும் தைரியமாக செய்கின்றார் என அந்த துண்டுப் பிரசுரத்தில் தெரிவிக்கப்படடுள்ளது.
இது தொடர்பாக போரதீவுப்பற்று பிரதேச செயலாளருக்கு பல முறை அறிவித்தும் இது வரைக்கும் எந்த நடவடிக்கையும் எடுக்க வில்லை. இவரும் இவ்வாறு நடவடிக்கை எடுக்காது இருப்பது பொது மக்களாகிய எங்களுக்கு சந்தேகத்தை ஏற்படுத்துகின்றது. அதாவது இவரும் இவனிடமிருந்து பணம் பெறுகின்றார் போல. இதனால்தான் பிரதேசசெயலாளர் இச் சட்டவிரோத செயலை கண்டுகொள்ளாமல் இருக்கின்றார் எனவும் மேலும் அந்த துண்டுப் பிரசுரத்தில் தெரிவிக்கப்படடுள்ளது.
எனவே இது தொடர்பாக விரிவான விசாரனை செய்து இந்த இலக்கத்தையுடைய உழவு இயந்திரத்திற்கு அனுமதி வழங்குவதை நிறுத்த ஆவண செய்யுமாறு மிகவும் பணிவன்புடன் வேண்டிக்கொள்கின்றோம். இதற்கு சரியான நியாயம் தங்களால் கிடைக்காத பட்சத்தில் எமது மக்களின் விடியலுக்காக ஜனாதிபதியின் கவனத்திற்கு கொண்டு வருவதைத்தவிர எமது மக்களுக்கு வேறு வழி இல்லை எனவே இந்த கடிதத்தை உதாசீனம் செய்யாது உரிய நடவடிக்கை எடுக்கும்படி வேண்டிக்கொள்கினறோம் என மட்டக்களப்பு அரசாங்க அதிபருக்கு எழுதப்பட்ட கடிதத்தில் தெரிவிக்கப்பட்டு போரைதீவுப் பற்று வெல்லாவெளி பிரதேச செயலாளருக்கு பிரதியிடப்பட்டுள்ளது.
யு.எம்.இஸ்ஹாக்
தென்னாபிரிக்காவின் முன்னாள் ஜனாதிபதி நெல்சன் மண் டேலா அனுமதிக்கப்பட்டுள்ள வைத்தியசாலையை அண் மித்த பகுதிகளில் சுமார் நூற்றுக்கணக்கான தொழிற்சங்க மற்றும் தென்னாபிரிக்க கம்யூனிசக் கட்சி உறுப்பினர்கள், மற்றும் மாணவர்கள் அமெரிக்க ஜனாதிபதி பராக் ஒபாமா விற்க்கு எதிரான ஆர்ப்பாட்டங்களில் ஈடுபட்டுள்ளனர்
ஆபிரிக்க நாடுகளுக்கு விஜயம் மேற்கொண்டுள்ள அமெரிக்க ஜனாபதி பராக் ஒபாமா நெல்சன் மண்டேலாவை பார்வையிட வரக்கூடும் என்ற நோக்கில் இந்த ஆரப்பாட்டங்கள் முன்னெடுக்கப்பட்டு வருவதாக சர்வதேச ஊடகங்கள் செய்தி வெளியிட்டுள்ளன.
அமெரிக்க ஜனாதிபதியின் வெளியுறவுத்துறை கொள்கையானது, சுயநலமானதும் ஒடுக்குமுறைகள் நிறைந்ததாக உள்ளதென அவர்கள் குறிப்பிட்டுள்ளனர். மேலும் அமெரிக்க ஜனாதிபதியின் இந்த விஜயமானது , ஏமாற்றமளித்துள்ளதெனவும் தமது தலைவர் மண்டேலாவிற்கும் பராக் ஒபாமாவின் விஜயமானது ஏமாற்றத்தையே அளிக்கும் என ஆர்ப்பாட்டக்காரர்கள் தெரிவித்துள்ளனர்.
இதேவேளை ஆறு நாட்கள் உத்தியோகபூர்வ விஜயம் மேற்கொண்டு ஆபிரிக்க நாடுகளுக்கு சென்றுள்ள அமெரிக்க ஜனாதிபதி, நெல்சன் மண்டேலாவை பார்வையிட்டு அவர்களின் குடும்பத்தாருக்கு நெருக்கடியை ஏற்படுத்த விரும்பவில்லை என குறிப்பிட்டிருந்தார். அத்துடன் அவரை பார்வையிட்டு புகைப்படங்கள் எடுப்பதற்கும் இது தருணமில்லை எனவும் அமெரிக்க ஜனாபதி பராக் ஒபாமா நேற்றைய தினம் தெரிவித்திருந்தமை குறிப்பிடத்தக்கது.
பொலிஸாரின் கட்டளையை மீறி பயணித்த லொறி யொன்றின் மீது கண்டி, தலாத்துஓயா பகுதியில் வைத்து பொலிஸார் துப்பாக்கிப் பிரயோகம் மேற்கொண்டுள்ளனர்.
சம்பவம் தொடர்பாக தெரியவருவதாவது, இரவுநேர ரோந்து சேவையில் ஈடுபட்டிருந்த பொலிஸார், சந்தே கத்தின் பேரில் லொறியொன்றை நிறுத்துமாறு சைகை காட்டியுள்ளளனர். எனினும் குறித்த லொறியின் சாரதி லொறியை நிறுத்தாமல் சென்றதாகவும், அதனையடுத்து பொலிஸார் லொறிமீது துப்பாக்கிப் பிரயோகம் மேற்கொண்டதாக பொலிஸ் ஊடகப் பேச்சாளர் அலுவலகம் தெரிவித்துள்ளது.
பொலிஸாரின் துப்பாக்கிப் பிரயோகத்தையடுத்து லொறியை நிறுத்திவிட்டு சாரதி தப்பியோடியுள்ளதாகவும், லொறியிலிருந்த இரண்டு பேர் சந்தேகத்தின் பேரில் கைது செய்யப்பட்டுள்ளதாகவும், பொலிஸார் தெரிவித்துள்ளனர்.
அத்துடன் குறித்த லொறியிலிருந்து அனுமதிப்பத்திரமின்றி ஏற்றிச் செல்லப்பட்ட 24 மாடுகளையும் மீட்டுள்ளதாக பொலிஸார் தெரிவித்துள்ளனர்.
கொழும்பு மாநகர சபையின் முன்னாள் பிரதிமேயரும் தேசிய ஐக்கிய முன்னணியின் தலைவருமான அசாத் சாலி, ஓட்டமாவடிக்கு இன்று வருகைதரவிருந்த நிலையில் அவரது வருகைக்கு எதிர்ப்பு தெரிவிக்கப்பட்டுள்ளது. அசாத் சாலி தலைமையில் இன்றுமாலை கூட்டம் நடத்தவிருந்த விடுதி மற்றும் விடுதி உரிமையாளரின் வீடு ஆகியவற்றின் மீது இனந்தெரியாத நபர்கள் கழிவு எண்ணெய் ஊற்றி யுள்ளனர்.
அசாத் சாலி தலைமையில் குறித்த விடுதியில் இன்று மாலை 4.00 மணிக்கு கூட்டம் நடாத்துவதற்கு ஏற்பாடு செய்யப்பாடு செய்யப்பட்டிருந்த நிலையில், இவ்வாறு கழிவு எண்ணெய் ஊற்றப்பட்டு அவரது வருகைக்கு எதிர்ப்பு தெரிவிக்கப்பட்டுள்ளது.
ஓட்டமாவடி மீறாவோடை வீதியிலுள்ள மன்னுஸ்ஸல்வா எனும் தங்கு விடுதி யின் மீதே இவ்வாறு கழிவு எண்ணெய் ஊற்றப்பட்டுள்ளதாகவும் குறித்த சம்பவம் தொடர்பாக பொலிஸில் முறைப்பாடு செய்யப்பட்டுள்ளதுடன் வாழைச்சேனை பொலிஸார் விசாரணைகளை மேற்கொண்டுவருகின்றனர்.
சவூதி அரேபியாவில் சட்டவிரோதமாக தங்கியுள்ள மேலும் 8000 இலங்கை பணியாளர்களை இலங்கைக்கு திருப்பியனுப்ப நடவடிக்கை எடுத்துள்ளதாக வெளிநாட்டு வேலைவாய்ப்புப் பணியகம் தெரிவித்துள்ளது.
அத்துடன் சவூதி அரேபியாவில் சட்டவிரோதமாக தங்கியுள்ளவர்கள் தங்களது சொந்த நாடுகளுக்கு திரும்பிச் செல்வதற்காக சவூதி அரசாங்கம் பொது மன்னிப்புக்காலம் ஜுலை 3 ஆம் திகதியுடன் நிறைவடைவதாகவும் அதனை நீடிப்பது குறித்து சவூதி அதிகாரிகளுடன் பேச உள்ளதாகவும் வெளிநாட்டு வேலைவாய்ப்புப் பணியகம் தெரிவித்துள்ளது.
இலங்கைப் பணியாளர்களுக்கு நாடு திரும்புவதற்காக விஸா பெற தேவையான நடவடிக்கைகள் முன்னெடுக் கப்பட்டுள்ளதாகவும் அதுவரை அவர்கள் தாம் தங்கியுள்ள இடங்களிலே தங்கியிருக்குமாறு அறிவித்துள்ளதாகவும் சில பணியாட்கள் முகாம்களில் தங்க வைக்கப்பட்டுள்ளனர் எனவும் வெளிநாட்டு வேலைவாய்ப்புப் பணியகம் தெரிவித்துள்ளது.
இதுவரை சவூதி அரேபியாவில் இருந்த சுமார் 2200 பேர் இலங்கைக்கு அழைத்து வரப்பட்டுள்ளதாக வெளிநாட்டு வேலைவாய்ப்புப் பணியக பிரதி பொது முகாமையாளர் மங்கள ரந்தெனிய தெரிவித்துள்ளார்.
பிரிட்டன் பிரஜையைக் கொலை செய்தமை, மற்றும் அவரின் ரஷ்ய நாட்டுக் காதலிக்கு உடல் ரீதியான இம்சைகளை ஏற்படுத்தியமை தொடர்பான வழக்கு நேற்று கொழும்பு பிரதம நீதவான் ஜிஹான் பிலப்பிட்டிய முன்னிலையில் விசாரணைக்கு எடுத்துக்கொள்ளப்பட்டது.
சாட்சியாளர்களுக்கு அச்சுறுத்தல் விடுக்கப்பட்டுள்ளதாகக் கிடைத்த முறைப்பாட்டிற்கு அமைய, தங்காலை நீதிமன்றில் இடம்பெற்ற வழக்கு விசாரணைகள், சட்ட மாஅதிபரின் அதிகாரங்களுக்கு அமைய கொழும்பு நீதவான் நீதிமன்றத்திற்கு மாற்றப்பட்டன.
இதற்கமைய நேற்று கொழும்பு நீதவான் நீதிமன்றில் அஜரான சந்தேகநபர்களை மீண்டும் நவம்பர் முதலாம் திகதி நீதிமன்றில் ஆஜர்படுத்துமாறு நீதவான் உத்தரவு பிறப்பித்தார்.
அத்துடன், தங்கல்ல பிரதேச சபை தலைவர் உட்பட எட்டு சந்தேக நபர்களுக்கு எதிரான முறைப்பாட்டில், அச்சுறுத்தலுக்கு உள்ளானதாக தெரிவிக்கப்படும் சாட்சியாளர்கள் யாரெனக் கண்டறிந்து அறிக்கை சமர்ப்பிக்குமாறு கொழும்பு பிரதம மாஜிஸ்ரேட் கிஹான் பிலபிட்டிய இரகசியப் பொலிசாருக்கு உத்தரவிட்டார்.
தமிழீழ விடுதலைப் புலிகள் இயக்க கடல் படை தளபதி சூசையின் புதுக்குடியிருப்பு இல்லம் பெரிய தோட்டத்துடன் கூடிய வீடாக இருப்பதுடன் இந்த வீட்டில் நிலக் கீழ் அறைகள், பாதுகாப்பு ஏற்பாடுகள் போன்றவைகளும் மேற்கொள்ளப்பட்டிருந்தது.
இந்த வீட்டில் தான் சூசை தனது குடும்பத்துடன் வசித்து வந்ததுடன் தனது தேவைக்களுக்கான உணவுப்பொருட்களை பெற்றுக்கொள்ளுவதற்கான பெரிய தோட்டமும் காணப்படுகிறது.
அது மட்டும்லாது இந்தவீட்டிலும் வீட்டுக்கு பக்கத்தில் உள்ள பதுக்கு குழியில் இருந்து தான் பல்வேறு நடவடிக்கைகளுக்கான திட்டங்கள் ஏனைய தளபதிகளுடன் தீட்டப்பட்டதாக தெரிவிக்கப்படுகிறது.
இவை அனைத்தையும் பார்வையிட சுற்றுலாப்பயணிகள் பார்வையிட தற்போது அனுமதிக்கப்படுகிறது.
தமிழீழ விடுதலைப் புலிகள் இரணைமடு விமான ஓடுபாதைக்கு அருகில் எவ்வாறு தமது விமானங்களை இலங்கை அரசாங்கத்திற்குத் தெரியாமல் பதுங்கு கழிகளுள் பதுக்கி வைத்திருந்தார்கள் என்ற உண்மைகள் வெளியாகியுள்ளது.
தமிழீழ விடுதலைப்புலிளின் விமானங்கள் பாதுகாப்பாக வைத்திருப்பதற்கான மறைவிடம் கொங்கிறீற் சுவர்களால் அமைக்கப்பட்ட பாதுகாப்பு குழியும் பாதுகாப்பு குழுக்கு மேல் எதுவும் இல்லாதது போல் மரங்களையும் நட்டிருப்பதுடன் குழிகளுக்க உருக்கினால் ஆக்கப்பட்ட பாரமான கதவுகளையும் கொண்டிருந்தன.
தற்போது இந்த விமானத்ளம், ஓடுபாதை இலங்கை விமானப் படையால் பின்பு மேம்படுத்தப்பட்டது. உள்ளூர் விமான நிலையங்களில் ஒன்றாக பிரகடனப்படுத்தப்பட்டுள்ளது.
இங்கு காட்டப்படுகின்ற புகைப்படங்கள் 2012 ஆம் ஆண்டு ஆரம்பத்தில் எடுக்கப்பட்டவை.
.jpg)
"பெண்களுக்கு எதிரான வன்முறைகளற்ற வாழ்வைக் கொண்டாடுவோம்" எனும் தொனிப் பொருளில் ஒகஸ்பாம் நிறுவனத்தினரின் நிதியுத வியின் கீழ் சுவாட் நிறுவனத்தினரின் ஏற்பாட்டில் சமுதயத்தில் பெண்களுக்கு இழைக்கப்படுகின்ற வன்முறைகள் தொடர்பான விழிப்புணர்வு நிகழ்ச்சி நேற்று முன்தினம் (27 ) மாலை 2.00 மணியளவில்விநாயகபுரம் சுப்பர் ஸ்டார் மைதான அரங்கில் நடைபெற்றது.
இந்நிகழ்வில் அதிதிகளாக திருக்கோவில் பிரதேச செயலாளர், திருக்கோவில் பொலிஸ் நிலைய பொறுப்பதிகாரி, திருக்கோவில் சுகாதார வைத்திய அதிகாரிகள், AWF நிறுவன அதிகாரிகள், உட்பட சொண்ட் நிறுவன ஊழியர்களும் கலந்து கொண்டனர்.
இந்நிகழ்வின்போது விழிப்புணர்வு தொடர்பான பல்வேறு கலை நிகழ்சிகளும் உரைகளும் நிகழ்த்தப்பட்டன.
யாழ் ஒஸ்மானியாக் கல்லூரியில் நிலவும் நீண்ட கால நிர்வாகப்பிரச்சினையை வலியுறுத்தி நேற்று (28.06.2013) அநீதிக்கான மக்கள் முன்னணி எனும் பெயரில் துண்டுப்பிரசுரம் வெளியாகியுள்ளது. நேற்று ஜும்மா தொழுகையின் பின்னர் இப்பிரசுரங்கள் பொதுமக்களுக்கு வழங்கப்பட்டதனை காணமுடிந்தது.
யாழ் ஒஸ்மானியாக் கல்லூரியில் இடம்பெற்று வரும் அதிபர் மற்றும் ஆசிரியர் இருவருக்கிடையில் நிலவும் இப்பிரச்சினை தொடர்பில் துண்டுப்பிரசுரத்தில் தெரிவிக்கப்பட்டுள்ளதாவது.
மாணவர்களின் கல்வியை பாதுகாப்போம் எனும் தலைப்பில், யுத்தத்தின் பின்னர் மீளக்குடியேறி கல்வியில் ஆர்வமாக ஈடுபட்டு வரும் எமது மாணவர்கள் இவ்வாறு பாதிக்கப்படுவதை இனிமேலும் பொறுத்திருந்து பார்க்க முடியாது. ஏனெனில் இப்பிரச்சினை கடந்த மூன்றரை வருடங்களாக இவ்விருவருக்கிடையே இடம்பெறுகின்றது.
இப்பிரச்சினையை அறிய ஆர்வப்படும் மக்கள், ஊடகவியலாளர்களை இவ்விருவரும் தங்களது இஸ்லாமிய போதனையால் வசப்படுத்தியுள்ளனர் .
மேலும் இதனை ஆராய வலயக்கல்வி, கல்வித்திணைக்களம் எதுவித நடவடிக்கையும் எடுக்கவில்லை என சுட்டிக்காட்டப்பட்டுள்ளது.
அப்பாவி மாணவர்கள் இருவராலும் எவ்வாறு பாதிக்கப்படுகின்றனர் என்பது இதில் கூறப்பட்டுள்ளது. தங்களது பகையை வைத்துக்கொண்டு தங்களுக்கென சில மாணவர்களை உள்வாங்கி மாறி மாறி ஒருவரை ஒருவர் தூற்றுவதாகவும் அதிபர் தனது அதிகாரத்தை பல முறை துஸ்பிரயோகம் செய்துள்ளதாகவும் அதற்கான ஆதாரங்கள் தங்களிடம் உள்ளதாக குறிப்பிடப்பட்டுள்ளது.
பாடசாலையின் நிர்வாகப் போக்கு தொடர்பில் இவ்வாறு உள்ளது. பாடசாலையில் சில ஆசிரியர்கள் மாணவர்களுக்கு கற்பிப்பதை இடைநிறுத்தி நூலகத்தில் பத்திரிகை பார்ப்பதும் ,சிலர் மணிக்கணக்கில் கைத்தொலைபேசியில் உரையாடுவதையும் குறிப்பிட்டுள்ளது.
பாடசாலை பெற்றோர் சங்கம், பாடசாலை அபிவிருத்தி சபை, பழைய மாணவர் சங்கம் ஆகியன அதிபர் மீது முன்வைத்துள்ள குற்றச்சாட்டும் அதில் உள்ளடக்கப்பட்டுள்ளன.
சிற்றூண்டி உணவு ஊழல் மறைத்தமை, தரமற்ற ஈச்சம்பழம் மாணவர்களுக்கு கிடைத்ததை மறைத்தமை, பாடசாலை பௌதிக வளப்பற்றாக்குறையை மறைத்தமை தொடர்பாக அப்பாடசாலை அதிபர் முபாறக் மீது பாடசாலை பெற்றோர் சங்கம், பழைய மாணவர் சங்கம ஆதாரத்துடன் முன்வைத்த குற்றச்சாட்டுக்களாகும்.
இப்பிரச்சினையை தீர்க்க கொழும்பில் இருந்து குற்றப்புலனாய்வு துறையை எதிர்பார்க்கின்றதா? எனக் கேட்டுள்ளதுடன் எதிர்வரும் நோன்பு காலத்திற்கு முன்னர் இப்பிரச்சினைக்கு சரியான தீர்வொன்றை பெற முயற்சிக்க வேண்டும் என அவ்வமைப்பு வலியுறுத்தியுள்ளது.
இல்லாவிட்டால் மாணவர் கல்வி பாதிக்கப்பட வாய்ப்புள்ளது என மேற்கோள் காட்டி துண்டுப்பிரசுரத்தில் தெரிவிக்கப்பட்டுள்ளது.
இவ்விடயம் தொடர்பாக மக்கள் சிலர் அவ்விடத்தில் கருத்து தெரிவிக்ககையில் நீண்ட காலமாக இப்பிரச்சினை குறித்த பாடசாலையில் நிலவி வருகிறது.இடையில் அப்பாவி மாணவர்கள் இதனால் பாதிக்கப்படுகின்றனர்.
மேலும் இப்பிரச்சினை தொடர்பாக அதிகாரிகள் உரிய கவனம் எடுத்து இப்பிரச்சினைக்கு உடனடி தீர்வு காண வேண்டும் .இல்லையெனில் பொதுமக்களாகிய நாங்கள் இதில் தலையிடும் தேவை ஏற்படும் என்றனர்.
.jpg)
