தமிழீழ விடுதலைப் புலிகள் இயக்க அரசியல்துறை பொறுப்பாளராக இருந்த சு. ப. தமிழ்ச்செல்வன் கிளிநொச்சியில் மறைந்து வாழ்ந்த நிலக் கீழ் பதுங்கு குழியின் புகைப்படங்கள்.
போராளியாகவும், தளபதியாகவும் இறுதியில் விடுதலைப் புலிகளின் அரசியல் துறைப்பொறுப்பாளராகவும் இருந்து இறுதியில் இலங்கை அரசாங்கத்தின் விமானக் குண்டுத்தாக்குதலில் கொல்லப்பட்ட தமிழ்ச்செல்வனின் நிலக்கீழ் பங்களா.
.jpg)
ஜனாதிபதியின் தன்சானியா மற்றும் சீஷெல்ஸ் நாடு களுக்கான 5 நாள் உத்தியோகபூர்வ விஜயத்தை மேற் கொண்டுள்ள ஜனாதிபதி, தன்சானியாவின் ஜூலியஸ் நயரேரே சர்வதேச விமான நிலையத்தை, சென்றடைந் துள்ளார். தன்சானியா ஜனாதிபதி ஜகயா ரிக்கோ கிக் வெட்டே தலைமையிலான குழுவினர், ஜனாதிபதி மஹிந்த ராஜபக்ஷ உள்ளிட்ட தூதுக்குழுவினரை வரவேற்றனர்.
ஜனாதிபதி இந்த விஜயத்தின்போது, தன்சானிய ஜனாதிபதி ஜகயா ரிசோர்வ் கிக்வத்தே மற்றும் சீஷெல்ஸ் ஜனாதிபதி ஜேம்ஸ் அலிக்ஸ் மிச்செல் ஆகியோருடன் இரு தரப்பு பேச்சுவார்த்தைகளிலும் கலந்து கொள்ளவுள்ளார் என தெரிவிக்கப்படுகின்றது.
இலங்கை அண்மைக்காலமாக இந்த இரு நாடுகளுடனும் மிக நெருங்கிய உறவை பேணி வருகிறது. அரச தலைவரின் விஜயம், சீஷெல்ஸ் ஜனாதிபதி கடந்த ஆண்டில் இலங்கைக்கு வருகை தந்த சந்தர்ப்பத்தில், தமது நாட்டுக்கு விஜயமொன்றை மேற்கொள்ளுமாறு, ஜனாதிபதி மஹிந்த ராஜபக்ஷவிற்கு அழைப்பு விடுத்திருந்தார்.
தன்சானியா மற்றும் சீஷெல்ஸ் ஆகிய நாடுகள் சர்வதேச கூட்டங்களின்போதும், இலங்கைக்கு ஆதரவு வழங்கும் ராச்சியங்களாகும். 2009ம் ஆண்டு இடம்பெற்ற ஐக்கிய நாடுகள் ஸ்தாபன மனித உரிமை பேரவையின் 2வது விசேட அமர்வின்போது, சீஷெல்ஸ் இராச்சியம், இலங்கைக்கு ஆதரவாக வாக்களித்திருந்தது.
அத்துடன் இவ்வருடத்தில் பொதுநலவாய அமைச்சர்களின் செயற்பாட்டு குழு கூட்டத்தின்போது, 2013ம் ஆண்டு பொதுநலவாய அரச தலைவர்கள் மாநாட்டை வேறொரு நாட்டில் நடாத்த வேண்டுமென, ஒரு சில நாடுகள் தெரிவித்திருந்த போதிலும், இம்மாநாட்டை நவம்பர் மாதம் இலங்கையில் நடாத்த வேண்டுமென, தன்சானியா பூரண ஆதரவை வழங்கியிருந்தது.
ஜனாதிபதி மஹிந்த ராஜபக்ஷ, தன்சானியாவின் பிரதான நகரான தாரெஸ் ஸலாமில் நடைபெறவுள்ள சர்வதேச புரிந்துணர்வு விவாதத்திலும், ஜனாதிபதி கலந்து கொள்ளவுள்ளார் என தெரிவிக்கப்படுகின்றது
மாடு அறுத்தலை தடை செய்தல் உட்பட ஐந்து கோரிக்கைகளை உள்ளடக்கிய மகஜரொன்று சிங்கள ராவய அமைப்பினரால், ஜனாதிபதி மஹிந்த ராஜபக்ஷவிடம் நேற்று கையளிக்கப்பட்டது. மாடு அறுப்பதை தடை செய்ய வேண்டும் என கோரி சிங்கள ராவய அமைப்பினரால் கடந்த வாரம் கதிர்காமத்திலிருந்து கொழும்பு நோக்கி பாதயாத்திரையினை ஆரம்பித்திருந்தனர்.
பாணந்துரையிலிருந்து அலரிமாளிகை வரை காலிவீதியால், இவர்கள் பாதையாத்திரையாக வந்ததையடுத்து, பம்பலப்பிட்டிப் பகுதியிலுள்ள முஸ்லிம் உணவகங்களுக்கு சென்ற பொலிஸார் கடைகளில் வைக்கப்பட்டிருந்த கோழி இறைச்சி உட்பட, அனைத்து இறைச்சி வகைகளை ஒளித்து வைக்குமாறு அறிவுறுத்தியிருந்ததாக தெரிவிக்கப்படுகின்றது.
பொலிஸாரின் அறிவித்தலை அடுத்து பம்பலப்பிட்டி சந்திப்பகுதியில் அமைந்திருந்த உணவகங்களில் பொறித்த கோழி இறைச்சி உட்பட அனைத்து இறைச்சி வகைகள் ஒளித்து வைக்கப்பட்டதாக தெரிவிக்கப்டுகின்றது.
இங்கிலாந்து நாட்டில் உள்ள விட்பை என்ற பகுதியின் கவுன்சிலராக பணிபுரிந்து வருபவர் சீமோன் பார்க்ஸ். இவர் நேற்று தொலைக்காட்சியில் அளித்த பேட்டியொன்றில், தாம் அடிக்கடி வேற்றுகிரக பெண் ஒருவருடன் செக்ஸ் உறவு கொள்வதாக கூறியதால் பெரும் பரபரப்பு ஏற்பட்டுள்ளது.
அவர் கூறுகையில், நான் வருடத்திற்கு நான்கு முறை வேற்றுகிரக பெண் ஒருவருடன் செக்ஸ் உறவு கொள்கிறேன். அதன் மூலம் வேற்றுகிரகத்தில் Cat Queen என்ற மனைவியும், Zarka என்ற மகளும் இருக்கின்றனர் என்றும் தெரிவித்துள்ளார்.
மேலும் தான் வேற்றுகிரக பெண்மணியால் ஐந்து வயதிலேயே கற்பை இழந்ததாகவும், ஒவ்வொரு முறையும், வேற்றுகிரக பெண்மணியால் அவர்கள் கிரகத்திற்கு தூக்கி செல்லப்பட்டு செக்ஸ் உறவில் ஈடுபட வைக்கப்படுவதாகவும் கூறியுள்ளார். தன்னுடன் செக்ஸ் வைத்துள்ள வேற்றுகிரக பெண்ணின் படத்தையும் அவர் வெளியிட்டுள்ளார்.
கவுன்சிலராக உள்ள இவருக்கு ஏற்கனவே திருமணம் ஆகி மூன்று குழந்தைகள் இருக்கின்றார்கள் என்பது குறிப்பிடத்தக்கது.
அவுஸ்திரேலிய தொழில் கட்சி தலைமைத்துவத்துக்கான வாக்கெடுப்பில் பிரதமர் ஜூலியா கில்லார்ட்டை முன்னாள் பிரதமர் கெவின் ருத் தோற்கடித்துள்ளார். மேற்படி தலைமைத்துவத்துக்கான வாக்கெடுப்பில் கெவின் ருத் 57 சதவீத வாக்குகளையும் ஜூலியா கில்லார்ட் 45 சதவீத வாக்குகளையும் பெற்றுள்ளனர்.
அவுஸ்திரேலிய பிரதமர் ஜூலியா கில்லார்ட் கட்சித் தலைமைத்துவத்துக்கான வாக்களிப்பை நடத்துவதற்கு அழைப்பு விடுத்த நிலையிலேயே மேற்படி தேர்தல் நடத்தப்பட்டது. கட்சிக் கூட்டமொன்றில் முன்னாள் பிரதமர் கெவின் ருத்தின் ஆதரவாளர்கள் வாக்களிப்பொன்றை நடத்துவதற்கு நிர்ப்பந்தித்ததை தொடர்ந்து அவர் மேற்படி அழைப்பை விடுத்திருந்தார்.
இதன்பிரகாரம் புதன்கிழமை. கட்சித் தலைமைத்துவத்திற்கான இந்த வாக்கெடுப்பு நடத்தப்பட்டது. இந்த கட்சித் தலைமைத்துவத்துக்கான வாக்களிப்பில் ஜூலியா கில்லார்ட்டும் கெவின் ருத்தும் போட்டியிட்டனர். மேற்படி வாக்களிப்பில் தோல்வியைத் தழுவும் பட்சத்தில் தாம் அரசியலிலிருந்து விலகுவதாக இரு போட்டியாளர்களுமே வாக்கெடுப்பு இடம்பெறுவதற்கு முன் சூளுரைத்திருந்தனர். எதிர்வரும் செப்டெம்பர் 14 ஆம் திகதி நடைபெறவுள்ள தேர்தலில் தொழிற்கட்சி தோல்வியைத் தழுவ நேரிடலாம் என கருத்துக் கணிப்பு வாக்கெடுப்புகள் ஊகங்களை வெளியிட்டதையடுத்து, இந்த வாக்களிப்பை நடத்துவதற்கு அழுத்தம் கொடுக்கப்பட்டது.
2010 ஆம் ஆண்டு தேர்தலில் கெவின் ருத்தை தோற்கடித்து ஜூலியா கில்லார்ட் பிரதமராக பதவியேற்றார். எனினும் கெவின் ருத் வாக்காளர்கள் மத்தியில் தொடர்ந்து பிரபலம் பெற்ற ஒருவராக விளங்குவதாக கூறப்படுகிறது. அதன் காரணமாக தொழிற்கட்சியின் தலைமைத்துவம் தொடர்பில் கடந்த சில வாரங்களாக கடும் விவாதங்கள் இடம்பெற்று வந்தமை குறிப்பிடத்தக்கது. இந்நிலையில் மேற்படி வாக்கெடுப்பை கட்சித் தலைமைத்துவப் பிரச்சினை தொடர்பில் தீர்மானிப்பதற்கான இறுதி வாய்ப்பாக ஜூலியா கில்லார்ட் குறிப்பிட்டிருந்தார்.
இதன்போது தொழிற்கட்சிக்கு ஒருவர் தலைமை தாங்க பிறிதொருவர் அக்கட்சியின் முக்கிய மாற்று தலைவராக இருக்க எதிர்வரும் தேர்தலில் போட்டியிடுவதற்கான அரசாங்கத்தையோ அன்றி கட்சியையோ தாம் கொண்டிருக்க முடியாது எனக் கூறிய அவர், இன்றைய வாக்கெடுப்பில் பங்கேற்கும் எவரும் வெற்றி பெற்றால் அவர் தொழில் கட்சியின் தலைவர். தோல்வியடைந்தால் அரசியலைவிட்டு வெளியேற வேண்டும் என்ற நிபந்தனையைப் பின்பற்ற வேண்டும் எனத் தெரிவித்திருந்தார்.
எனக்கு போதிய நம்பிக்கை இல்லாவிட்டால் இந்த நிபந்தனையை நானாக முன்வைத்திருக்கமாட்டேன் என்று அவர் கூறியிருந்தார். ஜூலியா கில்லார்ட் மேற்படி கருத்தை வெளியிட்டு சிறிது நேரத்தில் கெவின் ரூத் ஊடகவியலாளர்ளுக்கு விளக்கமளிக்கையில், இது இந்த விடயம் குறித்து தீர்மானிப்பதற்கான தருணம் என நான் நம்புகிறேன். அவுஸ்திரேலிய மக்கள் சாத்தியமான மாற்றுவழியொன்றை தேர்ந்தெடுப்பார்கள் என நான் இதயபூர்வமாக நம்புகிறேன். நான் இந்த வாக்கெடுப்பில் தோல்வியைத் தழுவினால் எதிர்வரும் தேர்தலில் போட்டியிட மாட்டேன். அதே உறுதியை ஜூலியாவும் எடுத்தமைக்காக அவருக்கு நன்றி கூறுகிறேன்' என்று தெரிவித்திருந்தார்.
இந்த வாக்கெடுப்பிலான வெற்றியானது கெவின்ருத்தை அவரது கட்சியின் தலைவராக்கியுள்ள போதும், அவர் பிரதமராக மாற்றவில்லை என்பது குறிப்பிடத்தக்கது. இந்நிலையில் பிரதமர் ஜூலியா கில்லார்ட் தான் பதவி விலகுவதாக ஆளுநர் நாயகம் குயன்ரின் பிரைஸுக்கு கடிதம் எழுதிய பிற்பாடே கெவின் ருத் பிரதமராக பதவியேற்க முடியும். தலைமைத்துவ மாற்றத்துடன் அமைச்சரவையில் மாற்றம் கொண்டு வரப்படலாம் என எதிர்பார்க்கப்படுகிறது. பல அமைச்சர்கள் கெவின் ருத்தின் கீழ் பணியாற்ற விருப்பம் கொண்டிராதவர்களாக உள்ளதாக தெரிவிக்கப்படுகிறது.
யாழ் மாவட்ட முஸ்லிம் ஒருவரின் பாழடைந்த கிணற்றி லிருந்து அண்மையில் இராணுவத்தால் மீட்கப்பட்ட வெடி பொருட்கள் தொடர்பாக சில இணையத்தளங்கள், பத்திரி கைகள் உண்மைக்கு புறம்பான செய்திகளை வெளியீட்டு வருகின்றன எனவும் இவ்வாறான செய்திகள் திரிவு படுத்தப்பட்டமை என தெரிவித்து முஸ்லீம்கள் தங்களது ஆதங்கத்கங்களை தெரிவித்துள்ளனர்
அவர்கள் தெரிவித்த கருத்துக்கள் பின்வருமாறு:
சியானாஸ் தாஹிர் (தலைவர் கே.கே.எஸ் வீதி முகம்மதியாத் மஸ்ஜீத்)
முஸ்லீம் வட்டாரத்தில் ஆயுதங்கள் மீட்கப்பட்டதாக தெரிவித்து சில பத்திரிகைகள் திரிபடுத்திய செய்தியை வெளியிட்டுள்ளன. அதுவும் கிழக்குத்தீவிரவாத அமைப்புக்கும் மீட்கப்பட்ட ஆயுதங்களுக்கு தொடர்புள்ளதாகவும், எதிர்வரும் மாகாண சபை தேர்தலையும் தொடர்புபடுத்தி கூறப்பட்டுள்ளது. இதற்கும் யாழ் முஸ்லிம்களும் எவ்வித தொடர்பும் இல்லை என தெரிவிக்க விரும்புகிறோம்.
இந்தச் செய்தி மொட்டத் தலைக்கும், முழங்காலுக்கும் முடிச்சுப்போடும் ஒரு செயலாகவே கருதுகிறோம். முஸ்லீம் தமிழ் சகோதரர்களை சீண்டும் இவ்வாறான செய்திகள் தவிர்க்கப்படவேண்டும். இப்போது யாழில் எல்லா இரும்புக்கடைகளிலும் கைவிடப்பட்ட ஷெல் குழாய்கள் விற்பனை செய்யப்படுகின்றன.
இவ்வாறான ஷெல் பொருட்கள் இராணுவத்தால் கைவிடப்பட்டவையாகும். இவைகள் கழிவுப்பொருட்கள் என்ற ரிதியில் அவர்களே வெளியே போடுகின்றனர். இது சாதாரண விடயமே. எனவே அநாவசியமாக குற்றச்சாட்டுகளை சுமத்தி செய்திகளை திரிவு படுத்தவேண்டாம் என கேட்டுக் கொள்வதுடன், எமது பள்ளிவாசல் நிர்வாகத்துடன் தொடர்புகளை ஏற்படுத்தி உண்மை செய்திகளை வெளியிட வேண்டும் என்றார்.
கே.எம்.நிலாம் (சமூக சேவகர், அல் அஸ்ஹர் முன்பள்ளி ஸ்தாபகர்)
கடந்த சில தினங்களுக்கு முன்னர் மீட்கப்பட்டதாக தெரிவிக்கப்பட்ட வெடிபொருட்கள் பழைமை வாய்ந்தவை. 10 வருடங்களுக்கு முன்னர் பாழடைந்த கிணற்றில் போடப்பட்டிருந்தவை. இவ்வாறான வெடி பொருட்கள் மீட்கப்படுவது வடகிழக்கில் புதிதல்ல என்பதை உண்மைக்கு புறம்பான செய்திகளை வெளியிட்ட ஊடகங்கள் புரிந்துகொள்ள வேண்டும்.
கைவிடப்பட்ட இவ்வாறான ஆயுதங்கள் தற்போது மீட்கப்படுவது சாதாரண விடயம். இதனை வேறு கோணங்களில் சோடித்து தற்போது உள்ள சமாதான சூழலை குழப்பவேண்டாம் என கேட்டுக்கொள்வதுடன், ஊடக தர்மத்துடன் தற்களது செய்திகளை வெளியிடுவது நல்லிணக்கத்திற்கு வழிவகுக்கும் என தெரிவித்தார்.
மௌலவி எம்.ஐ மஹ்முத் பலாஹி (பேஷ் இமாம்-முஹம்மதியா ஜும்மா பள்ளிவாசல்)
குறித்த சம்பவம் தொடர்பாக ஊடகங்களால் பிரசுரிக்கப்பட்ட திரிவுபடுத்தப்பட்ட செய்திகளை கேட்டு கவலை அடைந்தேன். ஏனெனில் மக்களுக்கு நல்ல விடயங்களை கூற வேண்டிய இவைகள் ஏன் இப்படி செய்கின்றன என கவலை அடைந்தேன். ஊடகங்கள் அதன் தர்மத்தை கடைபிடித்து செய்திகளை வெளியிட வேண்டும். இனங்களுக்கிடையே மனக்கசப்பை வளர்ப்பது ஊடக தர்மமாகாது.
மனிதம், மனித நேயம் ஊடகங்களுக்கு தேவை. இவ்வாறான செய்திகளை வெளியிடும் போது ஊடகவியலாளர்கள் சமூகநலனை கருதி செயற்பட வேண்டும். தற்போதைய சூழலில் சகல மக்களும் சமாதானமாக வாழ்கின்றனர். ஆனால் சில ஊடகங்கள் இந்நிலைமையை குழப்ப்புவதன் ஊடாக பயங்கரவாதத்தை மேற்கொள்கின்றன. மேலும் இவ்வாறான ஊடகங்களே மேற்படி செய்திகளை திரிவுபடுத்தி வெளியிடுகின்றன. இச்செய்திகள் வட முஸ்லீம்கள் மீள குடியமர்வதை விரும்பாததன் காரணமாக இவ்வாறான செய்திகளை வெளியிடுகின்றன. இதனை சம்பந்தப்பட்ட ஊடகங்கள் புரிந்துகொண்டு மக்களின் அக்கறையில் பங்கெடுக்க வேண்டும் என கேட்டுக்கொள்கிறேன்.
ஜனாப் எம்.எல் லாபீர்(தலைவர் -பெரிய முகைதீன் ஜும்மா மஸ்ஜீத், ஊடகவியலாளர்)
மேற்படி செய்தி தொடர்பாக குடாநாட்டு ஊடகங்கள் வெளியிட்டுள்ள செய்திகள் உண்மைக்கு புறம்பானவை. ஏனெனில் இது தொடர்பாக தெரிவிக்கப்பட்டுள்ள கருத்துக்கள் ஏற்கக்கூடியதல்ல. பிழையான தகவல்களை வெளியிடும் இவர்கள் உண்மையான ஊடகவியலாளர்களா என என்னத் தோன்றுகிறது. கைவிடப்பட்ட ஆயுதங்கள் எடுக்கப்படுவது புதிய விடயமல்ல. புதிய கண்டுபிடிப்பு போன்று முஸ்லீம் பகுதி சம்பவத்தை சித்தரித்து எழுதப்பட்டுள்ளமை கண்டிக்கத்தக்கது. இவ்விடயத்தை நியாயப்படுத்த முடியாது. இங்குள்ள முஸ்லிம்கள் தற்போதைய சமாதான சூழலை குழப்புவதாக இல்லை. எனவே செய்தியை திரிவுபடுத்தி வெளியிடும் ஊடகங்கள் புரிந்துகொள்ள வேண்டும் என குறிப்பிட்டார்.
சு.மு.சுவர்கஹான் (பொதுச்செயலாளர் யாழ் கிளிநெச்சி முஸ்லிம் சம்மேளனம்)
26.06.2013 அன்று வெளியான நாளிதழில் 'முஸ்லிம் தீவிரவாதிகளால் வடக்கிற்கு வெடிபொருட்கள்' என்ற தலைப்பில் அப்பட்டமான திரிவுபடுத்தப்பட்டசெய்தி ஒன்று வெளியாகி உள்ளது. அதுமட்டுமன்றி எதிர்வரும் வடமாகாண சபை தேர்தல் பிரசாரத்தினையும் சுட்டிக்காட்டி'தேர்தல் களத்தில் பயன்படுத்துவதற்காக கிழக்குமாகாணத்தில் இருந்து முஸ்லிம் தீவிரவாதஅமைப்பைச் சேர்ந்தவர்களால் கொண்டுவரப்பட்டது'என்ற ஆதாரமற்ற இப்பொய்யான கூற்றினை யாழ் கிளிநொச்சி முஸ்லிம் சம்மேளனம் வண்மையாகக் கண்டிக்கின்றது.
அஷ்ஷெய்க் பி.எஸ் சுபியான் மௌலவி (யாழ் மாநகர சபை உறுப்பினர், மக்கள் பணிமனை தலைவர்)
முஸ்லீம் பகுதியில் பாழடைந்த கிணற்றில் மீட்கப்பட்ட ஷெல் வெடிபொருட்கள் அண்மையில் வீட்டு உரிமையாளரால் இராணுவத்தினருக்கு அறிவிக்கப்பட்டு அப்புறப்படுத்தப்பட்டிருந்தது. இதுவே உண்மையான செய்தி. இந்த செய்தியை பல செய்தி ஊடகங்கள் பல கோணங்களில் திரிவுபடுத்தி செய்தியை வெளியிட்டுள்ளன. இது கவலைக்குரிய விடயம். யாழ் மாவட்டத்தில் 30 வருடங்களின் பின்னர் முஸ்லீம்கள் மீளக்குடியமர்ந்து வருகின்றனர். இவர்கள் தமிழ் மக்களுடன் ஒற்றுமையாக வாழ்ந்து வருகின்றனர். இனங்களுக்கிடையில் குரோதங்களை தூண்டக் கூடிய வகையில் இவ்வாறான செய்திகளை வெளியிட வேண்டாம் என கேட்டுக் கொள்கிறேன்.
13ஆவது திருத்தச் சட்டத்தை துரும்பாகக் கொண்டு, ஸ்ரீலங்கா சுதந்திரக் கட்சியையும் தற்போதைய அரசாங் கத்தையும் பிரிப்பதற்காக அரசாங்க தரப்பு அமைச்சர்கள் சிலரை முன்னாள் ஜனாதிபதி சந்திரிகா பண்டாரநாயக்க குமாரதுங்க தூண்டிவிடுகிறார் என்றும், இவ்வாறு கட்சிக் குள் பிரிவினையை ஏற்படுத்துவதன் மூலம், மகன் விமுக்தி குமாரதுங்கவைக அரசியலிற்குள் நுழைப்பதற்கு சந்திரிக்கா முயற்சி செய்து வருகின்றார், என அமைச்சர் விமல் வீரசிங்க தெரிவித்துள்ளார்.
பெலவத்தையில் அமைந்துள்ள தேசிய சுந்திர முன்னணியின் தலைமை அலுவலகத்தில் இன்று புதன்கிழமை இடம்பெற்ற ஊடகவியலாளர் மாநாட்டில் கலந்துகொண்டு கருத்துத் தெரிவிக்கையிலேயே அவர் மேற்கண்டவாறு தெரிவித்தார்.
இது குறித்து அவர் மேலும் தெரிவிக்கையில், 13 ஆவது திருத்தம் தொடர்பில் எமது நிலைப்பாடு உறுதியானதே. இந்த நாட்டில் பிரிவினைவாதிகளுக்கு நாம் ஒருபோதும் இடமளிக்கப் போவதில்லை. 13 ஆவது திருத்தத்தில் உள்ள பொலிஸ் மற்றும் காணி அதிகாரங்களை இல்லாதொழிக்கும் வரை எமது போராட்டம் இடம்பெறும் எனவும் தெரிவித்துள்ளார்.
அத்துடன் இலங்கை,இந்தியாவுக்கு இடையில் ஒப்பந்தம் கைச்சாத்திடும் விடயத்துக்கு எதிராக இருந்தவர்கள் இப்பொழுது அதற்கு ஆதராவாக பேசுகின்றனர் என்றும், அமைச்சர்களான ராஜித்த மற்றும் ரெஜினோல்ட் குரே போன்றோர்கள் சந்திரிகாவின் கணவரின் கட்சியான மஹஜன கட்சியில் இருந்தவர்கள். அவர்கள் அன்றும் ஆதரவாக இருந்தார்கள் இன்றும் ஆதரவாகப் பேசுகின்றனர் என அமைச்சர் விமல் வீரசிங்க தெரிவித்துள்ளார்.
இந்தியா இலங்கை ஒப்பந்தத்தை முதலில் மீறியது இந்தியாவே என்றும், ஒப்பந்தம் கைச்சாத்திட்டால் விடுதலைப் புலிகள் ஆயுதத்தை கீழே வைப்பார்கள் என்று சொல்லி இந்தியா மேற்படி ஒப்பந்தத்தில் கைச்சாத்திட்டது' என்றும் அமைச்சர் சுட்டிக்காட்டினார். அத்துடன் ஐக்கிய தேசிய கட்சியானது எதிர்காலத்தில் தமிழ்த் தேசிய கூட்டமைப்புடன் இணைந்து அரசியல் செய்யும் தீர்மானத்திலேயே உள்ளது. அதனால் தமிழ்த் தேசிய கூட்டமைப்புக்கு ஆதரவாக ஐ.தே.க. செயற்படுகின்றது என்றும் அவர் குறிப்பிட்டார்.
இதேவேளை, நாம் இது குறித்து ஜாதிக ஹெல உறுமய மற்றும் முஸ்லிம் கவுன்ஸில் பிரதிநிகளுடன் பேச்சுவார்த்தை நடத்தியுள்ளோம். 13 ஆவது திருத்தத்தில் உள்ள பொலிஸ் மற்றும் காணி அதிகாரங்கள் நீக்கப்படும் வரை நாம் தொடர்ந்தும் போராடுவோம் என அவர் மேலும் தெரிவித்தார்.
எல்.ரி.ரி.யின் அரசியற்துறை மகளிர் பிரிவின் முன்னாள் தலைவியான தமிழினி என அழைக்கப்படும் சுப்ரமணியம் சிவகாமி ஒரு வருடகால புனர்வாழ்வின் பின்னர் வவுனியா, பூந்தோட்டம் புனர்வாழ்வு நிலையத்தில் வைத்து இன்று உறவினர்களிடம் ஒப்படைக்கப்பட்டதாக, புனர்வாழ்வு ஆணையாளர் நாயகம் பிரிகேடியர் தர்ஷன ஹெட்டி யாராச்சி தெரிவித்தார்.
இவ்வாறு விடுதலையாகும் தமிழினி, எதிர்வரும் செப்டெம்பர் மாதம் நடைபெறவுள்ள வடமாகாணசபைத் தேர்தலில் போட்டியிடுவார் என சில ஊடகங்களில் தெரிவிக்கப்பட்டிருந்தது. எனினும் இத்தகவல்களில் எவ்வித உண்மையும் இல்லை என்றும், தமிழினி தனது விடுதலையின் பின்னர் குடும்ப வாழ்க்கையில் ஈடுபடுவதையே விரும்புகின்றார் என என்று புனர்வாழ்வு ஆணையாளர் தெரிவித்தார்.
எவ்வாறாயினும், எல்.ரி.ரியின் முன்னாள் போராளிகள் பலர், எதிர்வரும் வடமாகாணசபைத் தேர்தலில் போட்டியிட முன்வந்துள்ளனர் என்பது குறிப்பிடத்தக்கது.
தமிழினியை பொறுப்பேற்பதற்காக அவரின் தாயார் மற்றும் சகோதரி ஆகியோர் சமூகமளித்திருந்தனர்.
பார்கோடு என்பதற்கு பட்டைக் குறியீடு என்று பெயர். 1948 ஆம் ஆண்டு அமெரிக்காவின் பெர்னார்டு சில்வர் மற்றும் நோர்மன் ஜோசப் உட்லேண்ட் ஆகியோரது முயற்சியால் கண்டுபிடிக்கப்பட்டது. தற்போது சில்லரைக் கடைகளில் கிடைக்கும் தீன்பண்டங்கள் முதல் விலையுயர்ந்த பொருட்கள் வரை இந்த பார்கோடு குறியீட்டின் மூலமே முறைபடுத்தப்பட்டிருப்பதை நாம் காண்கிறோம்.
இந்த பார்கோட்டை வைத்து ஒரு பொருள் எந்த நாட்டில் உற்பத்தி செய்யப்பட்டுள்ளது என்பதை இலகுவாக அடையாளம் காண்பதுடன் எமது சந்தேகத்தையும் தீர்த்துக் கொள்ளலாம். இதற்கிணங்க அதில் முதல் மூன்று எண்கள் 690.691,692 என்றால் அது சீனாவில் தயாரிக்கப்பட்ட பொருள் என்று அர்த்தம். அதேபோல் உலகிலுள்ள நாடுகளின் பார்கோட்டை எண்களை பார்ப்போமேயானால்,
00-13: USA & Canada,
20-29: In-Store Functions
30-37: France
40-44: Germany
45: Japan (also 49)
46: Russian Federation
471: Taiwan
474: Estonia
475: Latvia
477: Lithuania
479: Sri Lanka
480: Philippines
482: Ukraine
484: Moldova
485: Armenia
486: Georgia
487: Kazakhstan
489: Hong Kong
49: Japan (JAN-13)
50: United Kingdom
520: Greece
528: Lebanon
529: Cyprus
531: Macedonia
535: Malta
539: Ireland
54: Belgium & Luxembourg
560: Portugal
569: Iceland
57: Denmark
590: Poland
594: Romania
599: Hungary
600 & 601: South Africa
609: Mauritius
611: Morocco
613: Algeria
619: Tunisia
622: Egypt
625: Jordan
626: Iran
64: Finland
690-692: China
70: Norway
729: Israel
73: Sweden
740: Guatemala
741: El Salvador
742: Honduras
743: Nicaragua
744: Costa Rica
746: Dominican Republic
750: Mexico
759: Venezuela
76: Switzerland
770: Colombia
773: Uruguay
775: Peru
777: Bolivia
779: Argentina
780: Chile
784: Paraguay
785: Peru
786: Ecuador
789: Brazil
80 – 83: Italy
84: Spain
850: Cuba
858: Slovakia
859: Czech Republic
860: Yugoslavia
869: Turkey
87: Netherlands
880: South Korea
885: Thailand
888: Singapore
890: India
893: Vietnam
899: Indonesia
90 & 91: Austria
93: Australia
94: New Zealand
955: Malaysia
99: Coupons
(பி. கே)
பெண்களுக்கு எதிரான வன்முறைகள் இன்று பரவலாகப் பேசப்படும் ஒரு விடயமாகும். வன்முறை என்றவுடன் வெறும் உடல் தொடர்பான புறத்தாக்கம் மட்டுமல்லாமல், நிரந்திர மனக் காயங்களைத் தரக் கூடிய உளவியல் ரீதியான தாக்கங்களையும் மனதில் கொள்ள வேண்டும்.
இன்றைய உலகில் இத்தகைய கொடுமைகள் மிக அதிகமாகக் காணப்படுகின்றன. இத்தகைய வன்முறை களை பெண்கள் மீது கட்டவிழ்த்து விடுபவர்கள் ஆண்கள் மட்டுமல்ல பெண்களும் தான். குறிப்பாக உளவியல் ரீதியான வன்முறைகள் பெண்கள் மீது பெண்களே அதிகமாகப் பிரயோகம் செய்கிறரர்கள் என்று சொல்லாம்.
இப்படிப்பட்ட சூழ்நிலைகளையும் தாண்டி முன்னுக்கு வரக் கூடிய பெண்கள் சந்திக்கும் சிக்கல்கள் அதிகமாகும். பெண்களுக்கு எதிரான வன்முறைகள் பெண்களை மட்டுமன்றி, முழுக் குடும்பத்தையுமே பாதித்து விடக் கூடியன. ஆக முழு உலகமுமே பெண்களுக்கு எதிரான வன்முறைகளை ஏதோ ஒரு ரூபத்தில் சந்தித்துக் கொண்டு இருக்கின்றது. பெண்களுக்கெதிரான வன்முறைகளை பல வடிவங்களில் சந்திக்கின்றனர். பாலியல் வன்முறை, விபச்சாரம், மானபங்கம் செய்தல், தாக்குதல்கள், மனைவியைத் துஷ்பிரயோகம் செய்தல் என சொல்லிக்கொண்டே போகலாம்.
இவற்றின் விளைவாக பெண்கள் சொந்தத் தைரியத்தையும், துணிவையும் பாதிக்கின்றது. வன்முறையின் விளைவாக அவர்கள் பல பாதிப்புக்களுக்கு உள்ளாகின்றனர். இவ்வாறான உடல் ரீதியான வன்முறைளை பொண்கள் ஓரளவிற்காவது குறைத்து கொள்ள சுய தற்பாதுகாப்பானது இன்றியமை யாததாகும்!
கீழே உள்ள காணொளியைப் பார்க்கவும்!
(பி. கே)
புசல்லாவ பிரதேசத்தைச் சேர்ந்த ராயப்பு ஜேசுரட்ணம் என்ற 32 வயதான இளைஞன் மட்டக்களப்பு பொலிஸாரினால் கைதுசெய்யப்பட்டு, மட்டக்களப்பு நீதவான் முன்னிலையில் ஆஜர்படுத்தியபோது அவரை எதிர்வரும் 8 ஆம் திகதி வரை விளக்கமறியலில் வைக்குமாறும் நீதவான் உத்தரவிட்டுள்ளார்.
அத்துடன் அவரை அன்றையதினம் அடையாள அணிவகுப்பிற்கு உட்படுத்துமாறும் நீதவான் உத்தரவிட்டுள்ளார். சம்பவம் தொடர்பில் மேலும் தெரியவருவதாவது, குறித்த சந்தேகநபர் கையடக்கத் தொலைபேசி ஊடாக பெண்களுடன் தொடர்பை ஏற்படுத்தி காதலித்து திருமணம் செய்வதாக நடித்து பணம், நகை என்பவற்றை அபகரித்து வந்துள்ளார் என்று தெரிவிக்கப்படுகின்றது.
இவரால் ஏமாற்றப்பட்டதாக கூறப்படும் வவுணதீவு நாவற்காட்டைச் சேர்ந்த பெண்ணொருவர் மட்டக்களப்புப் பொலிஸ் விசேட புலனாய்வுப் பிரிவினரிடம் முறைப்பாடு செய்துள்ளார் அந்த முறைப்பாட்டில், தன்னை திருமணம் செய்துக்கொள்வதற்காக 40 ஆயிரம் ரூபா பணத்துடனும் இரண்டு இலட்சத்து பத்தாயிரம் ரூபா பெறுமதியான நகையுடனும் குறித்த நபர் அழைத்து சென்றார்.
இருவரும் கொழும்பில் சில நாட்கள் தங்கியிருந்தோம். கையிலிருந்த பணம் முழுவதும் செலவழிந்த நிலையில் கொண்டு சென்றிருந்த நகைகளில் ஒரு தங்க மாலையை கொழும்பில் அடகுவைத்தார். அதற்கு பின்னர் நுவரெலியாவிற்கு என்னை அழைத்துச் சென்று சில நாட்கள் வைத்திருந்ததுடன் அங்கும் ஒரு மாலையினை அடகுவைத்தார். இந்நிலையில், திருமணத்திற்கு தேவையான ஏற்பாடுகளை மேற்கொள்வதற்காக போதியளவு பணம் இன்மையினால் கையிலிருந்த இரண்டு காப்புகளை தருமாறு கேட்டார். அதனையும் கழற்றிகொடுத்தேன். வாங்கிச் சென்றவர் பல நாட்களாக திரும்பவேயில்லை அவருடனான தொடர்பும் துண்டிக்கப்பட்டிருந்தது.
இதனையடுத்தே நான் ஏமாற்றப்பட்டதை உணர்ந்து மட்டக்களப்புக்கு திரும்பினேன் என்றும் முறைப்பாட்டில் தெரிவித்துள்ளார். இந்த முறைப்பாடு தொடர்பாக விசாரணை நடத்துவதற்கு மட்டக்களப்பு உதவிப் பொலிஸ் அத்தியட்சகர் மெவன் சில்வாவின் ஆலோசனையில் மட்டக்களப்பு தலைமையக பொலிஸ் நிலையப் பொறுப்பதிகாரி கே.கே.கே.குணசேகரவின் வழிகாட்டலில் தமிழ் பெண் பொலிஸார் ஒருவர் அடங்கலாக பொலிஸ் குழுவொன்று நியமிக்கப்பட்டது.
மட்டக்களப்பு பொலிஸ் விசேட புலனாய்வுப் பிரிவில் கடமையாற்றும் அந்த தமிழ் பெண் பொலிஸ் குறித்த இளைஞருடைய தொலைபேசி இலக்கத்திற்கு Missed Call விடுத்துள்ளார். தவறிய அழைப்புக்கு தொடர்பினை ஏற்படுத்திய குறித்த நபர் காதல் மொழிகளை பேசி உன்னை காதலிப்பதாகவும், திருமணம் செய்ய விரும்புவதாகவும் கூறி கல்முனை பஸ் தரிப்பு நிலையத்திற்கு அந்த பெண்ணை அழைத்துள்ளார். பெண்ணும் பஸ்நிலையத்திற்கு உரியநேரத்திற்கு சென்றுள்ளார். கையடக்கதொலைபேசியுடன் காதலியை வரவேற்பதற்காக ஓடோடிசென்ற இளைஞனை அங்கு சிவிலுடையில் ஏற்கனவே தயாராகவிருந்த பொலிஸார் கைதுசெய்தனர்.
பொலிஸார் மேற்கொண்ட விசாரணையில் குறித்த சந்தேகநபர் அனுராதபுரத்தில் சிங்களப் பெண்ணொருவரையும் இவ்வாறு ஏமாற்றியமை தெரிய வந்துள்ளதாக தெரிவித்த மட்டக்களப்புப் பொலிஸார் மோசடி செய்யப்பட்ட நகைகளை நீதிமன்ற அனுமதியைப் பெற்று மீட்கவுள்ளதாகவும் தெரிவித்தனர்.
"மாணவர்கள் சிறுவர் போராளிகளாகவும் இணைத்துக் கொள்ளப்பட்டதால் ஆரம்ப வகுப்பில் மாணவர்கள் சேர்ப்பது குறைவடைந்தது"
தரம் 8 வரை கட்டாயமாக்கப்பட்டிருந்த பாடசாலை கல்வி, கல்வி பொது தராதர சாதாரண தரம் வரை நீடிக்கப் பட்டுள்ளதாக கல்வி அமைச்சர் பந்துல குணவர்தன தெரிவித்துள்ளார். இலவசக் கல்வியின் மூலம் உயரிய பலன்களை மாணவர்களுக்கு பெற்றுக் கொடுப்பதே இத்திட்டத்தின் நோக்கம் எனவும், அவர் தெரிவித்துள்ளார்.
பாடசாலைக்கு செல்ல வேண்டிய வயதை எட்டிய, ஆனால் பாடசாலைக்கு செல்லாத சிறுவர்கள் தொடர்பில் நாடளாவிய ரீதியில் மேற்கொள்ளப்பட்ட ஆய்வறிக்கையை வெளியிடும் வைபவத்தில் உரையாற்றும் போதே அமைச்சர் இவ்வாறு தெரிவித்தார்.
கல்வி அமைச்சின் உதவியுடனும், யுனிசெப், யுனேஸ்கோ நிறுவனங்களின் பங்களிப்புடன் இம்மதிப்பீடு மேற்கொள்ளப்பட்டது. நூற்றில் ஒரு வீதமான குழந்தைகள் பாடசாலைக்கு செல்வதில்லையென அவ்வறிக்கையில் தெரிவிக்கப்பட்டுள்ளது. பாடசாலையை விட்டு இடை விலகிய மாணவர்கள் 0.8 வீதமானவர் ஆவர் என தெரிவிக்கப்பட்டுள்ளது.
கல்வி அமைச்சர் பந்துல மேலும் தெரிவிக்கையில், புலிப்பயங்கரவாதம் காரணமாக கடந்த 30 வருடங்களாக மாணவர்களின் கல்வி உரிமை அழிக்கப்பட்டதாகவும், வடக்கு கிழக்கு மக்கள் மட்டும் எல்.ரி.ரி.ஈ.யின் செயல்பாடுகளால் பாதிப்படையவில்லை எனவும், பெரும்பாலான மாணவர்களின் உரிமைகள் எல்.ரி.ரி.ஈ.யினரால் பறிக்கப்பட்டன எனவும், மாணவர்கள் சிறுவர் போராளிகளாகவும் இணைத்துக் கொள்ளப்பட்டதால் ஆரம்ப வகுப்பில் மாணவர்கள் சேர்ப்பது குறைவடைந்தது என அவர் மேலும் தெரிவித்துள்ளார்.
இலங்கை மன்ற கல்லூரியில் நடைபெற்ற இவ்வைபவத்தில் கல்வி அமைச்சின் செயலாளர் கோட்டாபய ஜயரட்ன, யுனிசெப் நிறுவனத்தின் கல்வி பிரிவிற்கான தலைவர் சாரா பொல்மன் ஆகியோர் பங்குபற்றினர்.
விளக்கமறியலில் வைக்கப்பட்டுள்ள முன்னாள் பிரதி பொலிஸ்மா அதிபர் வாஸ் குணவர்தனவிடம் தொடர்ந்தும் வாக்கு மூலம் பெறுவதற்கு பொலிஸாருக்கு அனுமதி வழங்குமாறு சிறைச்சாலை அத்தியட்சகருக்கு கொழும்பு மஜிஸ்திரேட் நீதிமன்றம் உத்தரவிட்டுள்ளது.
பொலிஸார் முன்வைத்த வேண்டுகோளுக்கு அனுமதி வழங்கும் வகையிலேயே கொழும்பு மஜிஸ்திரேட் நீதிமன்றம் இவ்வாறு உத்தரவிட்டது.
கோடீஸ்வர வர்த்தக மொஹமட் ஷியாமின் கொலை தொடர்பில் இதுவரை மேற்கொள்ளப்பட்ட விசாரணைகளின் பிரகாரம் வாஸ் குணவர்தனவிடம் தொடர்ந்தும் வாக்கு மூலம் பெறவேண்டியுள்ளதாகவும், இதற்காக சிறைச்சாலை அத்தியட்சகருக்கு உத்தரவு பிறப்பிக்குமாறு குற்றப்புலனாய்வு பிரிவினர் நீதிமன்றத்திடம் வேண்டுகோளை முன்வைத்திருந்தனர்.
இதனை ஏற்றுக் கொண்ட மேலதிக நீதவான், விளக்கமறியலில் வைக்கப்பட்டுள்ள வாஸ் குணவர்தனவிடம் வாக்குமூலம் ஒன்றை பெறுவதற்காக பொலிஸாருக்;கு அனுமதி வழங்குமாறு சிறைச்சாலை அத்தியட்சகருக்கு உத்தரவிட்டார்.
அவுஸ்ரேலிய அரசாங்கத்தின் நிதியுதவியில் யாழ் பாசையூர் பகுதியில் நிர்மானிக்கப்பட்டுவந்த இறங்குதுறை இன்றையதினம் சம்பிரதாய பூர்வமாக திறந்துவைக்கப்பட்டது
அவுஸ்ரேலிய அரசாங்கமானது ஐ.ஓ.எம் நிறுவனத்துடன் இணைந்து இத்திட்டத்திற்கென
58மில்லியன்ரூபா நிதியை செலவுசெய்துள்ளது இதன் ஆரம்ப நிகழ்வில் இலங்கைக்கான அவுஸ்ரேலியத்தூதுவர் றொபின் மூடி மற்றும் ஜ.ஓ.எம் நிறுவனத்தின் நிறைவேற்றுப்பணிப்பாளர் யூசேப்பி லொப்ரோற்,உட்பட பலரும் கலந்து கொண்டனர் 
.jpg)
