அமெரிக்காவின் போர் முகாம் ஒன்றை நாட்டில் அமைக்கும் திட்டம் இலங்கையிடம் இல்லை

இலங்கையில் போர் முகாம் ஒன்றை அமைக்கும் எந்தவொரு திட்டத்திலும் அமெரிக்காவுடன் ஒப்பந்தம் செய்யவில்லை என பாதுகாப்பு அமைச்சர் ருவன் விஜயவர்தன மறுப்பு தெரிவித்துள்ளார்.

அநுராதபுரம் பகுதியில் வைத்து ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார். இலங்கையானது பல நாடுகளுடன் பாதுகாப்பு அடிப்படையில் புரிந்துணர்வு ஒப்பந்தங்கள் சிலவற்றில் கைச்சாத்திட்டிருப்பினும் அமெரிக்காவுடன் இதுவரையில் எவ்வித ஒப்பந்தமும் கைச்சாத்திடப்படவில்லை என ருவன் விஜயவர்தன மேலும் தெரிவித்துள்ளார்.