ஸ்ரீலங்கன் எயார்லைன்ஸ் நிறுவனத்தின் வருமானத்தில் ஏறு நிலை

ஸ்ரீலங்கன் எயார்லைன்ஸ் நிறுவனத்தின் வருமானம் அதிகரித்துள்ளதாக, அதன் ஊடகப்பிரிவு அறிவித்துள்ளது.

கடந்த வருடத்தின் கடைசி ஒன்பது மாதங்களில் ஸ்ரீலங்கன் எயார்லைன்ஸ் நிறுவனத்தின் அடைவுமட்டம் கணிசமான அளவு அதிகரித்துள்ளது என்று தெரிவிக்கப்பட்டுள்ளது. இந்த அதிகரிப்பு கடந்த 2017ஆம் ஆண்டுடன் ஒப்பிட்டு கணிப்பிடப்பட்டுள்ளது.

ஸ்ரீலங்கன் எயார்லைன்ஸ் நிறுவனத்தின் மூலம் பயணங்களை மேற்கொண்ட பயணிகள் மூலம் ஈட்டிய வருவாய் மற்றும் பண்டப்போக்குவரத்து வருமானமும் , சந்தை வருமானமும் கணிசமான அளவு உயர்ந்திருப்பதாக தெரிவிக்கப்படுகின்றது. இந்தக்காலப்பகுதியில் விமானச்சேவை செயற்பாடுகள் மூலம் நிறுவனம் ஈட்டிய நிகர போக்குவரத்து வருமானம், 75 மில்லியன் டொலராகும் என்றும் ஊடகப்பிரிவு மேலும் தெரிவித்துள்ளது.