கல்முனை மாநகர சபை உறுப்பினனும் பிரபல காடையனுமான றியாஸ் ஊழியர்கள் மீது மதுபோதையில் தாக்குதல்.

நடவடிக்கை கோரி மாநகர சபை ஊழியர்கள் பகிஷ்கரிப்பில்.

கல்முனை பிரதேசத்தில் ஆயிரத்துதொளாயிரத்து எண்பதுகளின் இறுதிப்பகுதியிலிருந்து தமிழ்-முஸ்லிம் மக்களின் சகவாழ்வுக்கு விரோதியாக றியாஸ் இருந்து வருகின்றான். பயங்கரவாதிகளால் யுத்தம் முன்னெடுக்கப்பட்டபோது தமிழ்-முஸ்லிம் இனக்கலவரங்கள் ஆங்காங்கே வெடித்துள்ளது. அத்தனை கலவரத்திற்கும் றியாஸ் காரணமாக இருந்து வந்துள்ளான்.

ஒரு இஸ்லாமியனான இவன் மிக மதுப்பிரியன். நேற்று மது போதையில் நகர சபையின் ஆணையாளரை சந்திக்க சென்றுள்ளான். அங்கு ஆணையாளருடன் முரண்பட்டுக்கொண்டு வெளியேறிய அவன் வெளியில் தமிழ் உத்தியோகித்தரான புலேந்திரன் என்பவர் கையடக்க தொதைபேசியில் கதைத்துக்கொண்டிருப்பதை கண்டதும் ஆத்திரமடைந்து அவரை „உனக்கு என்னடா தொலைபேசி என தாறுமாறாக தாக்கியுள்ளான்' இவ்வாறு இந்த ஊழியர் தாக்கப்படுவதற்கு இவனது இரத்தத்தில் ஓடுகின்ற இனவெறியை தவிர வேறு எந்தக்காரணங்களும் இல்லை என பிரதேசத்திலுள்ள முஸ்லிம்-தமிழ் மக்கள் ஏகமனதாக தெரிவிக்கின்றனர்.

அத்துடன் இவன் மஜீத் என்ற தொழில்நுட்ப உத்தியோகித்தரையும் சேட் கொலறில் பிடித்து எச்சரிக்கை செய்துள்ளான். இதற்கு அரசியல் முரண்பாடுகள் காரணம் எனப் பேசப்படுகின்றது.

மேற்படி காடையன் இன்று ஐக்கிய மக்கள் சுதந்திர முன்னணி சார்பாக மாநகர சபைக்கு தெரிவாகியுள்ளான். இவன் தனது அரசியல் பலத்தைக்கொண்டு சதாரண மக்கள் மீது தனது இனவெறி மற்றும் மது போதைக்கு தீனி போடுகின்றான்.

காடையனான இவன் மது வெறி ஏறுகின்றபோது மக்களை அடிப்பதை விநோதமாக கொண்டுள்ளான். இவன் யாரையாவது அடித்தால் பாதிக்கப்பட்டவர்கள் பொலிஸாரையோ நீதியையோ நாடுவதில்லை. காரணம் ஒருகாலத்தில் அவ்வாறு பாதிக்கப்பட்டவர்கள் சட்ட நடவடிக்கைக்கு முற்பட்டால் அவர்கள் மீது புலி முத்திரை குத்திய சம்பவங்கள் நடைபெற்றுள்ளது.

ஆனால் இவனால் இப்போது புலிப் பூச்சாண்டி காட்ட முடியாது என்பதை மக்கள் உணர்ந்துள்ள நிலையில் இவன் மீது தகுந்த நடவடிக்கை எடுக்க கோரி ஊழியர்கள் ஜனநாயக முறையில் போராட்டத்தில் இறங்கியுள்ளனர்.

ஆர்ப்பாட்டத்தில் இறங்கியுள்ள மக்கள் இவன் மீது நடவடிக்கை எடுக்கப்படவேண்டும் என்று கோரியுள்ளதுடன் இவன் பகிரங்க மன்னிப்பு கோர வேண்டும் என்று கோரிக்கையையும் முன்வைத்துள்ளனர்.

தாக்கப்பட்ட உத்தியோகத்தர் சம்பவம் குறித்து கல்முனை பொலிஸில் முறைப்பாடு செய்துள்ளதுடன் குறித்த உத்தியோகத்தர் சிகிச்சைக்காக கல்முனை வடக்கு ஆதார வைத்தியசாலையில் அனுமதிக்கப்பட்டுள்ளார்.

இச்சம்பவம் குறித்து கல்முனைப் பொலிஸார் மேலதிக விசாரணைகளை மேற்கொண்டு வருவதாக கூறப்படுகின்றபோது இவன் சம்பந்தமான ஆயிரக்கணக்கான முறைப்பாடுகள் விசாரணை செய்யப்படவில்லை என்பது குறிப்பிடத்தக்கதாகும்.