தகுந்த காரணங்கள் இல்லாமல் அவுஸ்ரேலியாவிற்கு வருபவர்கள் சொந்த நாடுகளுக்கே திருப்பி அனுப்பப்படுவார்கள்! மைக்கல்கில்

தமது உயிரைப் பயணம் வைத்து அபாயகரமான கடற்பயணத்தினை மேற்கொண்டு அவுஸ்ரேலியா வருபவர்கள் தொடர்பாக தமது அரசாங்கம் மிகுந்த கவலை அடைந்துள்ளது என இலங்கைக்கு விஜயம் மேற்கொண்டுள்ள அவுஸ்ரேலியாவின் தெற்காசிய நாடுகளிற்கான ஆலோசகர் மைக்கல்கில் தெரிவித்துள்ளார்.

அவுஸ்ரேலியாவின் தெற்காசிய நாடுகளிற்கான ஆலோசகர் மைக்கல்கில்மனிற்கும் யாழ் ஆயர் தோமஸ்சவுந்தரநாயகற்கும் இடையிலான சந்திப்பின் போதே இதனை தெரிவித்துள்ளார்.

இலங்கையர்களின் அவுஸ்ரேலியாவிற்கான சட்டவிரோத பயணம் தொடர்பில் அவர் மேலும் கருத்து தெரிவிக்கையில், தமது உயிரைப் பயணம் வைத்து அபாயகரமான கடற்பயணத்தினை மேற்கொண்டு அவுஸ்ரேலியா வருபவர்கள் தொடர்பாக தமது அரசாங்கம் மிகுந்த கவலை அடைந்துள்ளது என தெரிவித்துள்ளார்.

அத்துடன், இவ்வாறு வருபவர்கள் பல்வேறு பிரச்சனைகளுக்கு முகம் கொடுக்கின்றனர் என்றும், சிலவேளைகளில் உயிரிழப்பு சம்பவங்ளும் இடம்பெற்று வருகின்றமை மிகவும் கவலையளிக்கின்றது என்றும், அவ்வாறு வருபவர்கள் தகுந்த காரணங்கள் இல்லாத பட்சத்தில் சொந்த நாடுகளுக்கே திருப்பி அனுப்பப்படுவார்கள் என தெரிவித்துள்ளார்.

மேலும், இவ்வாறான கப்பல் பயணங்களை மேற்கொண்டு தமது நாட்டிற்குள் வருவதை தமது அரசாங்கம் விரும்பவில்லை என்றும், அதை மக்கள் தவிர்க்க வேண்டும் என்றும் அவுஸ்ரேலியாவின் தெற்காசிய நாடுகளிற்கான ஆலோசகர் மைக்கல்கில்மன் தெரிவித்துள்ளார்.